Jirimaya 32:19 - DAWAN BÎLA AISKA

¹⁹ Lâ nani aisisma ba warkkam nani, daukisma ba karnika tara pali brisa. Upla nani diara dauki ba man sut kaikisma, bara witin nani dauki ba tânka kat kli yabisma.

Jirimaya 32:19 ပူးပေါင်းရင်းမြစ်များ

1 King Nani 8:32

man kasbrika pura ba wina wali lâ kasak ba daukma, bara albikam pâtkira ba pâtka yama, bara ai daukanka ba ai lal purara batakma, kasakkira ba kasakkira kulkma, ai kasakka lâka mana kat yama.

2 Kronikas 16:9

Kan Dawan kasak pali kaikisa naha tasba ra dîa taki nani ba, bara sin witin ra bîla kaikanka bri nani ra, tâ baikisa ai kupia aiska ni. Naha kat man saura daukram sinskas baku, baha mita naiwa wina ai kainara war kau karna brima.”

Job 34:11

Witin lika upla bani ai warkka nani ba kat mana aibapisa, upla bani dîa briaia ba kat yabisa.

Job 34:21

Gâd ba upla nani mina lulkanka ba aihwaki kaikisa, bara ai wapanka ba sut tânka brisa.

Lawana Nani 111:2

Dawan mihta warkka nani ba tara sa, ya baha latwan kaiki, tânka ba pliki kaikisa.

Lawana Nani 34:15

Dawan ba upla kasakkira nani ba kaina sunisa, bara Dawan ai kiama pri tniki walisa ai inanka ba.

Lawana Nani 62:12

Bara witin lawi upla bani ra mana yabisa dîa daukan ba tânka kat.

Lawana Nani 92:6

¡Upla sinskas nani baman baha tânka sip briras!

Impakan Sturka 15:11

Dawanki, ¡gâd wala âpu sa man wal mai prakaia! ¡Kumi sin âpu sa man baku tara, saurka lâka âpu ba! ¡Diara aihka painkira nani daukisma, diara sibrinkira nani sin! ¡Man mamyunra briaia ba aitani pali sma!

Sins Lâka 5:21

Dawan ba kaikisa upla daukanka ba; witin ai nakra wina, mina lulkanka kum sni tiwras.

Sins Lâka 8:14

Wark daukaia tânka ba yang ra sa, bara baha daukaia ba sin, yang sika wapni daukaia lâka, karnika sin.

Smasmalkra 12:14

Gâd wan daukanka nani sut ba lâka daukbia, pain daukan, apia kaka saura daukan ba, bara dîa yukuwan ra daukan ba sin.

Aiseya 28:29

Karnika sut bri Dawanka ba sin ai warkka ba baku daukisa. Witin ai warkka daukaia natka nani sut aihkakira nani brisa, sins tânka tara nani ni warkka nani ba sut daukisa.

Aiseya 40:13

¿Ya mita Dawan mistikka ba kaiki win? Apia kaka, ¿ya witin ra kupia krauki smalkan?

Aiseya 59:18

Dawan mita upla kumi bani ra dîa daukan ba praiska kat mana aibapbia; ai waihla nani ra klala yabia; witin ra misbara kaiki nani ba mana dîa briaia ba kat yabia; kabu un ra iwi kuntrika nani ba ra sin.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 16:17

Daukankam nani sut kaikisna; diara kumi sin yang wini yukuwan ra âpu sa, saura nani daukisma ba yukuwan ra apia sa kaikisna.

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Jirimaya 21:14

Yang bui man nani ra klala maikamna dîa daukisma ba praiska kat; dus nani pâwan ba angkamni, bara baha tani ai lamara ba ra sut angkbia. Yang, Dawan, baha kasak aisisni.’ ”

Jirimaya 23:24

¿Ya sip sa yang kaikisna ba wina yukuwaia? Kasbrika purara tasba ani anira ra sin yang bâra sna. Yang, Dawan, kasak aisisna.

Jirimaya 25:14

Nisan tara nani bara king nani karnika tara bri ba, witin nani sin mina ra kauhbia. Bara baku witin nani dîa daukan ba mana briaia aitani ni mana aibapamna.’ ”

Daniel 2:45

Baha sika tânka walpa kumi il wina ip daiwan upla kum mita sin platukbras kan karwi balan, man king tara, kaikram ba. Baha walpaya ba mita sika tasba yamhpuska baku daukan kabia, ayan, bras, slaubla, silbar, gul ba sin. Gâd tara pali mita king man ra mamrikan naika dîa takaia ba. Yaprisauhkankam ba kasak sa, ai tânka sin kasak sa.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Sakaraya 9:1

Naha bîla nani na sika, Dawan aisin ba Hadrac kuntrika, Damaskus tawanka mapara: “Siria tawanka tara nani sut ba, Dawan tawanka sa, Israel kiamka nani sut Dawan uplika nani ba baku.

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Jan 5:29

raiti wina buan kabia. Yamni daukan nani ba buan kabia raya kaia lâka ba briaia; sakuna saura daukan nani ba lika buan kabia, pât tara ra lulkan kabia dukiara.

2 Korint 5:10

Kan yawan kumi bani Kraist lâ iwaika mawanra bubia sa, bahara kat upla bani ai mana dîa kabia ba briaia dukiara, mana yamni, apia kaka mana saura, witin ai wîna ra raya kan piua daukan ba tânka kat.

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

Param Marikanka 22:12

“Âu, yang aihni aulni. Kumi bani ra mana yabaia sna ba yang brisna, bara dîa daukan ba kat yang mana ba yabamni.