Jirimaya 31:6 - DAWAN BÎLA AISKA

⁶ Bamna balbia yua kum aihwawakra nani ba Efraín ilka wina wini kabia: ‘Man nani bal, kaisa Saion ra, wan Dawanka Gâd ra.’ ”

Jirimaya 31:6 ပူးပေါင်းရင်းမြစ်များ

2 Kronikas 13:4

Bamna Abiam, Semaraim untika purara bûi kata, bara Efraín untika winan ai bîla baikra tara wal winan: “¡Jeroboam bara Israel aiska sut, ai wali banhs!

Esdras 1:5

Bahamna Juda bara Benjamín watla wihtka nani, prîs nani, Libait nani, baha nani sut ra Gâd mita spiritka ra tatukbi bukan, Jerusalem ra waia Dawan watla ba mâkaia.

Lawana Nani 84:5

¡Lilia pali sa, baha nani man ra ai hilpka bri ba, brin dauki banhwisa, impakaia man ilkam ba kat waia!

Aiseya 27:13

Baha yua ra sin trumpit binka tara puhbi kabia, baha nani Asiria tasbaya ra yakaban nani ba balbia, tasbaya wina kangban Idsip ra wan nani ba sin, bara witin nani Dawan ra mayunbia, Jerusalem ra baha il holikira sa purara.

Aiseya 40:9

Saion wina maisa papakra, man il kum purara ba ra uls; bîlam baikra ba karna wins; karna wins, si bripara, Jerusalem, Juda tawanka tara nani ra wis: “¡Man nani Gâdkam ba kaiks nâra sa!”

Aiseya 62:6

Jerusalem, kutbankam nani purara, aihwawakra nani yang swiri kakna ra tihmia ra sin witin nani aisi ban kabia: “Man nani bui Dawan ra puram sunisma ba takaskpara,

Jirimaya 3:14

Dawan kasak aisisa: “Maipara babura kiamka nani kli tawi bal, yang sika man nani Dawankam. Tawan kumi bani wina upla kum brimna, kiamkam kumi bani wina sin upla wâl, bara baha nani ba kli Saion ra blikamna.

Jirimaya 31:12

“Witin nani balbia bara lilia mita aiwani kabia Saion ilka ra, ai lilia pulan kabia Gâd yamnika ba wal: bara plawar, wain bara batana laya, bîp nani bara sîp nani sut. Kaupin pain paskan ra baku kabia bara kli ai karnika tiwbia apia pali.

Jirimaya 50:19

Israel ba ai tasbaya ra kli waia daukamna, sîp kum Carmelo, Basán, Efraín ilka nani tilara, Galaad ra ai pata ailal pali piaia bri ba baku.

Jirimaya 6:17

Dawan mita tawan ra aihwawakra nani ba swin, bara upla nani ra win: “Winanka daukuya binka ba man nani wals.” Sakuna upla nani ba win: “Apia, yang nani baha daukamna apia.”

Isikiel 3:17

“Upla luhpia, yang aihwawakra baku mai mangkisni Israel watla ra, bara dîa mai wimna ba baha man wima witin nani pat ai dara wali banhwi kaia mata.

Isikiel 33:2

“Man, upla luhpia, aisas tawankam uplika nani ra, bara wis: ‘Yang kuntrikam ra war blikuna ba ra, baha kuntri uplika nani ba wahbi sakisa aihwawakra ba.

Oseas 1:11

Bamna Juda bara Israel wal kiamka asla daukbia, ai tila wina wihta kum mangki bribia, bara plis sut wina Jerusalem ra kli tawi balbia. ¡Jezreel yua kulkanka ba tara pali kabia!

Oseas 9:8

Gâd mita ai prapitka ba, Efraín aihwaki kaiki kaia mangkan, sakuna man nani bui witin ai yabalka ra mina alkaika nani kahbisma; ¡Gâd tempelka bîla kat sin man nani bui witin ra misbara kaikisma!