Jirimaya 31:1 - DAWAN BÎLA AISKA

¹ Gâd aisisa: “Baha piua ra yang kamna Israel kiamka nani sut Dawanka, bara witin nani ba yang upliki.”

Jirimaya 31:1 ပူးပေါင်းရင်းမြစ်များ

2 Samuil 7:24

Man ban baku lukram, Israel ba man uplikam ban kabia, bara man, Dawan, witin ai Gâdka kama.

Lawana Nani 144:15

¡Lilia pali kabia baha uplika nani naha diara sut bri ba! ¡Lilia pali kabia baha uplika nani Gâd ba witin nani ai Dawanka ba!

Lawana Nani 48:14

Wan Dawanka ba baku sa, ban kaia ra ban kabia. ¡Witin ba wan tâ brabrira ban kabia, ban kaia ra!

Aiseya 20:6

Bukra kabu un ra iwi uplika nani ba sut baha piua ra witin nani aisabia: ‘Man nani kaiks baha waitnika ra yawan bîla kaikanka bri kata ba; witin dîa kat bal takaskan ba, yawan bui witin ra plapi hilp makabi kata ba, Asiria kingka mihta wina pri wan sakaia dukiara. ¿Nanara yawan nahki swak takaia?’ ”

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Jirimaya 3:18

“Baha yua ba bal aimakbia ba ra, Juda Israel wal kli asla takbia, bara witin nani aikuki asla aidrubi banhbia yahbra tani kuntri ba wina, witin nani ai damika nani ra yâri tasbaya ba ra waia.

Jirimaya 30:10

“Yang, Dawan ba, kasak aisisna: Man nani si bripara, Jekob uplika nani, yang duki dadaukra nani, Si bripara, Israel, man bara luhpiam nani sin pri mai sakamna baha kuntri laihura silak ra mai mangkan ba. Kupiam kumi kli iwi kama, âmyapah kama, upla kumi sin sirang mai ikras.

Jirimaya 30:24

Dawan kupia baiwanka ba takaskbia apia witin dîa daukaia lukan ba daukbia ba kat. Piua balbia ba ra man nani baha tânka brima.

Jirimaya 30:3

yua nani ba aula bamna baha yua ra upliki nani Israel Juda wal ba iwanka ba kli tawi wala ra lakamni. Yang, Dawan, kasak aisisna. Yang daukamna witin nani ai damika nani ra ai tasbaya prapati baku yabri ba ra kli tawi waia.”

Jirimaya 31:33

Naha lâka sika yang daukamna ba Israel wal baha yua ra: Yang lâika witin nani kupia ra mangkamni, bara sinska ra ulbri kabia. Yang ai Gâdka kamna bara witin nani ba yang upliki kabia. Yang, Dawan, kasak aisisna.

Jirimaya 32:38

Witin nani ba yang upliki nani kabia, yang sin witin nani ai Gâdka kamna.

Jirimaya 33:14

Dawan kasak aisisa: “Yua ba balbia bara yang bui Israel bara Juda ra yamniki nani aisisna ba, yang daukamni.

Jirimaya 33:7

Juda uplika nani Israel luhpia nani ba kli bri balamna, bara blasi witin nani nahki pain kan ba kli baku kaia daukamna.

Jirimaya 50:4

Dawan aisisa: “Baha yua ra, Israel bara Juda uplika nani ba yang ra balbia ai Dawanka ai Gâdka ai pliki ini kabia.

Isikiel 11:20

Baha ningkara witin nani ba yang lâika bara adarki nani daukri ba kat iwbia, bara witin nani mahka alki daukbia. Witin nani ba yang upliki kabia bara yang lika witin nani ai Gâdka kamna.

Isikiel 34:24

Yang, Dawan ba, ai Dawanka kamna, bara duki dadaukra Debit ba tâ brabrira kabia. Yang, Dawan ba, aisari.

Isikiel 34:31

Man nani ba sîpki sma, twi painkira brisna ba sîpka nani sma. Yang sika Dawankam sna. Yang, Dawan, kasak aisisna.”

Isikiel 36:28

aisika nani ra yabatna tasbaya ra iwbia, bara upliki kabia bara yang Dawanka kamna.

Isikiel 39:22

Baha yua wina ai tâura, Israel wina nani ba ai tânka bribia, yang sika ai Dawan Gâdka sna ba.

Isikiel 39:25

“Baha mita, yang Dawan sna ba, wisni: Nanara kupi pihni lâka brimni Israel uplika aiska dukiara, Jekob kiamka nani dukiara. Yabaisni nahki kaia ba, bara taibi munaia nini ba kulkanka tara yabia dukiara.

Oseas 1:11

Bamna Juda bara Israel wal kiamka asla daukbia, ai tila wina wihta kum mangki bribia, bara plis sut wina Jerusalem ra kli tawi balbia. ¡Jezreel yua kulkanka ba tara pali kabia!

Libait Lâka 26:12

aima bani man nani tilamra watauki ban kamna, yang lika man Gâdkam sna, man nani lika yang upliki nani kama.

Jan 20:17

Jisas win: —Ai alkpara, kan yang Aisa bâra ba pliska ra kau uli wih asla takras sni. Sakuna muihki nani ra wih wis, uli auna Aisiki ra bara man nani Aisikam ra, yang Gâdki ra bara man nani Gâdkam ra.

2 Korint 6:16

Bara diara kum mapa ra sin sip apia sa Gâd tempelka ba aidul nani wal prakaia. Bamna yawan nani lika Gâd rayakira ba tempelka sika, Gâd witin pali aisin ba baku: “Yang lika witin nani tilara iwamna bara sin taukamna; yang lika witin nani Gâdka kamna bara witin nani ba upliki nani kabia.”

Hibru Nani 12:16

Man nani wina kumi sin marit apia kaka, ai maya bribiara, bara diara holikira ba sin bahki baku kulkbiara; kan Isau sika baku daukan ba, plun plit kum mana witin tawahkia kan lâka ba atkan wan.