Jirimaya 30:10 - DAWAN BÎLA AISKA

¹⁰ “Yang, Dawan ba, kasak aisisna: Man nani si bripara, Jekob uplika nani, yang duki dadaukra nani, Si bripara, Israel, man bara luhpiam nani sin pri mai sakamna baha kuntri laihura silak ra mai mangkan ba. Kupiam kumi kli iwi kama, âmyapah kama, upla kumi sin sirang mai ikras.

Jirimaya 30:10 ပူးပေါင်းရင်းမြစ်များ

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

Aiseya 14:3

Israel luhpia nani, Dawan mita man nani ra ris briaia maikbia, trabil saura takisma ba wina, sarkam tara brih banhwisma ba wina, bara sin alba lâka saura ra mai brih wankan ba wina sut pri mai sâkbia piua ra,

Aiseya 35:9

Bahara layan nani bâra âpu kabia bara daiwan kraskira ba sin bahak lui wabia apia. Atki sakan uplika nani ba, baha yabalka ai impakaika yabalka kabia.

Aiseya 43:5

Si bripara, kan yang lika man wal sna; man kiamkam ba lalma wina bri balamni, bara muna wina asla mai kukamna.

Aiseya 44:1

“Israel, nanara, ai wals, Jekob uplika nani yang duki dadaukra, bâk sakri ba.

Aiseya 44:2

Yang sika Dawan, man mai Papaskra, kau aisubi takras kapram piua ra pat mai paskan kan, bara hilp mai muni ba. Si bripara, Jesurún, Jekob uplika nani, upla dukia dadaukra sakri ba,

Aiseya 46:11

Lalma tasbaya ba wina yang waitna kum paiwri, witin yakal baku balbia bara tasba laih pali wina yang aisari ba baku witin daukbia, yang daukaia luki kaikri ba baku sin daukamni.

Aiseya 46:13

Yang daukisna swaki sakanka warkka brisna ba lamara balbia; yang swaki sakangki ba takaskras aula, laihura apia sa. Saion ra swaki sakan lâka yabamni bâra sa, bara yang praina ba Israel ra sa.

Aiseya 49:12

¡Man nani kaiks! Naha nani na witin nani laih wina aula: tila yahbra wina, bara tila muna wina, bara Asuán tasbaya wina sin.

Aiseya 49:25

Dawan kasak aisisa: “Âu, waitna karnakira dîa dakbi brin ba, kli mihta wina dakbia, upla tataibra diara brin ba, kli dakbi bribia. Man mampara unsabaia pliki nani ba mapara yang buamna; yang mita luhpia nani ba swaki sakamna.

Aiseya 54:4

Si bripara, bara swiram sin bripara; kan bahki mai kulkan kabia apia bamna, swiram sin briaia apia sma. Man tiara kapram swirka ba âmya tiks, piarka takram swirka ba sin, kli lukankam ra bripara,

Jirimaya 23:3

Sîpki nani munri plapan nani ba kuntri wala nani ra kau swin ba yang mita kli bri balamna, baha asla daukamna bara kli tawi bal ai pata piaia daukamna, bara ai luhpia nani manis baikbia.

Jirimaya 23:4

Witin nani ba main kaikaia sepadka nani yabamna, witin nani kli diara kum tâka sibrin dauki kabia apia, dîa kum sin luha kabia apia. Yang, Dawan, kasak aisisna.”

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Jirimaya 23:8

sakuna man nani naku swer taki aisi kama: ‘Dawan raya ba mita Israel luhpia nani yahbra kuntrika wina kuntri wala nani wina sin ani anira yakaban ba wina sut saki bri balan.’ Bara witin nani ai tasbaya ra iwi kabia.”

Jirimaya 29:11

Yang kaikisna man nani dukiam dîa daukaia lukisna ba, man nani ra yamni takaia daukaia sna, saura lika apia, man nani bîla kaikanka aihwa kum brima lukanka wal. Yang, Dawan, kasak aisisna.

Jirimaya 29:14

Âu, yang aisisna, man nani ai pliki ai sâkma, tasbayam ba yang kli maikamna: kuntri bani ra bara plis bani ra nisan nani tilara mai yakabri ba wina asla mai bri balamna, man nani tasbayam ra kli waia daukamna. Yang, Dawan, kasak aisisna.’

Jirimaya 3:18

“Baha yua ba bal aimakbia ba ra, Juda Israel wal kli asla takbia, bara witin nani aikuki asla aidrubi banhbia yahbra tani kuntri ba wina, witin nani ai damika nani ra yâri tasbaya ba ra waia.

Jirimaya 30:3

yua nani ba aula bamna baha yua ra upliki nani Israel Juda wal ba iwanka ba kli tawi wala ra lakamni. Yang, Dawan, kasak aisisna. Yang daukamna witin nani ai damika nani ra ai tasbaya prapati baku yabri ba ra kli tawi waia.”

Jirimaya 30:7

¡Trabil saura piua kum baila aula, baha yua pâtka sât kau takras! Jekob uplika nani sarka piua kum, sakuna yang bui witin nani swaki sakamna.

Jirimaya 33:16

Baha piua ra Juda bara Jerusalem sin pât nani âpu pri sakan iwi kabia. Nina ba sin naku mâki kabia: ‘Yawan pura lui ba Dawan hilpka mita sika.’

Isikiel 16:52

Man swiram daukan lâka ra bapi buaia kama, kan muihkam nani purkara kau saura daukram bamna; pâtkas talia daukram; baha swirka lâka, bara swira daukan lâka ra bapi buaia kama, kan muihkam nani ra pâtkas talia daukram.

Isikiel 38:11

Wima: Kuntri kum sip apia ba purara kauhamna, upla nani laman lâka ra, ai dara walras iwi nani ra, kuntri tara kutbanka âpu ra, get ba prakbia apia.

Daniel 12:1

‘Baha piua ra Maikel ba latan takbia, witin sika insal tara pali uplika nani kaina kahbi ba. ‘Baha piua ba lika kupia wirha piua kabia, upla nani iwan ba piua wina kau baha sât piua ba âpu kata, nisan nani bâra ba tilara. Baha piua ba aimakbia ba ra, man uplikam nani ba sut swaki sakan kabia, man wauhkamtaya ra ai nina ulbi mangkan nani ba.

Oseas 2:18

“Baha yua ra, Israel dukiara yamni daukamni: daiwan wail nani ba wal lâ kum daukamni, tnawira, piuta nani aikuki; pantamangka, sord, war aiklabaia dukia nani ba, naha kuntrika wina sauhki âpu daukamni, yang upliki nani ba, ai âuyapah ris bri kabia dukiara.

Oseas 2:20

Yang mayi mai brimna bara man wal kasak kamna, bara yang lika man dawankam sna ba, ai kaikma.

Oseas 6:11

Bara Juda, man dukiamra sin, klala briaia piua ba, yang pat aisari sa. “Upliki Israel luhpia nani ba kli piua yamni yabaia lukuna ba ra,

Joel 2:21

Tasba, man si bripara, âmyapah liliam pali bas; Dawan diara tara nani daukaia sa bamna.

Miqueas 4:9

Bamna nanara, ¿dîa kan man nani mairin ai luhpia baikaia latwanka brih ini ba baku, ban karna inisma? ¿Man nani tilamra kingkam brisma apia? ¿Apia kaka, lâ uplika nani ba sut pruan sa?

Sakaraya 3:10

Baha yua balbia ba ra, man nani pana pana walkam ra paiwi kama wainkam kiwka, kwahkam dusa distika ra sin iwi kaia, kupia kumi lâka tilara, lilia kaia dukiara. Yang, karnika sut brisna Dawanka ba, kasak aisisna.’ ”

Jan 12:15

“Si bripara, Saion tawanka; kaiks, man Kingkam ba aula, biriku kum purara uli.”