Jirimaya 3:6 - DAWAN BÎLA AISKA

⁶ King Josías yua nani ra Dawan mita yang ra naku ai win: “¿Man kaikisma ki Israel maipara babura ba diara daukan ba? Witin il purara uli dus tara nani munhtara ur taki tauki banhwi kan.

Jirimaya 3:6 ပူးပေါင်းရင်းမြစ်များ

1 King Nani 14:23

Kan witin nani sin gâd bahki nani watla paskan, walpa nani bara dus playa kutbanka nani bukan Dawan bahki ra mayunaia dukiara, kiuhsi nani ra, dus tnawa ailal bri nani munhtara sin.

2 Kronikas 34:1

Josías ba king aimakan taim 8 mani bri kan, bara Jerusalem ra 31 mani king aimaki kan.

Lawana Nani 106:39

Bara witin nani tâski daukan, baku sin ur taki banhwan ai daukanka saura nani ba wal.

Aiseya 57:3

Man nani nâra bal, sukia mairin nani, marit lâka sasauhkra rug mairin kiamka:

Aiseya 57:7

Il kum purara wiria driwi kan ra, man krikrikam mangkram, bara bahara sin sakripais daukaia uli waram.

Jirimaya 1:2

Dawan ba Jirimaya ra aisin, ba piua ra Josías Amón luhpia waitna ba pat 13 mani Juda kingka aimaki kan.

Jirimaya 11:10

Ai damika nani saura daukan, saurka ba witin sin daukan, damika nani ba bîli wali daukaia apia win, bara gâd wala nani ninara wan, baha gâdka nani ra mayunan. Israel luhpia nani bara Juda uplika nani sin damika nani wal lâ daukri lâka ba krikan.

Jirimaya 17:2

Luhpiam nani baha altarka nani ba ra ai kupia kraukisa, dus plamaya nani aidulka ra mayuni baku, dus nani wahia tara pâwan ba mununhtara kiuhsi nani purara ba ra sin bukisa,

Jirimaya 3:8

baku sin witin kaikan Israel maipara babura takan lâika sauhkan bara lulki swisatna ba, yang wal mayi lâika ba krikan tâwan dakwi takri. Sakuna Juda, Israel muihnika mairin rugkira ba, sibrin daukras kan, witin sin wan bara ur takan.

Jirimaya 31:22

¿Ahkia kat tnaya kum wina wala ra waia luhpia mairin kum tiwan baku? Yang, Dawan ba, diara raya daukri naha tasba ra: mairin kum waitna kum ra triswi ba baku.”

Jirimaya 5:11

¡Israel Juda wal yang maipara buan! Yang, Dawan, kasak aisisna.”

Jirimaya 7:24

Sakuna witin nani bîli wali daukras, uni sin kahban daukras witin nani ba kiama karna takan, kupia lukanka ai saura brinka ra baman tniwan, bara baha mita brih wan. Yang ra kli tawi balaia watlika ra tawi ai kaikras mahka wan.

Isikiel 16:31

Yabal tnata bani ra, plis bani ra paskram altar nani, aidul ra mayunaia bara ur lâka daukram. Kuna man ur mairka baku apia kapram; ¡man mamna kulkras katma!

Isikiel 16:35

‘Bamna, man rug mairin, yang aisinki na wals:

Isikiel 20:28

Yang pramis takri tasbaya ra yabri diman ba ra, kiahwak kaiki kan kiuhsi kum ba, apia kaka dus tara kum ba, bahara ai sakripaiska nani dauki kan bara prisantka nani yabi kan. Kupi tara pali sauhki ba sika, kîa yamni nani laiki kan bara prisantka nani ba wain ni laiki kan.

Isikiel 23:11

“Ai muihni Oholibá naha kaikan, ban sakuna ai muihni wal, kanra ur takan kan ai âuyapah kira.

Isikiel 23:4

Almukka ba nina Oholá (Sameria tânka); bara ai muihni Oholibá (Jerusalem tânka). Yang bui witin ba mayi briri, bara luhpa mairin, waitna nani baiki aikan.

Oseas 11:7

Upliki nani yang wina tnaya ra tawan ba baku, ban kaia lukisa; purara ba ra karna wini kabia, sakuna upla kumi sin witin nani ra hilp yabia apia.

Oseas 4:13

Il nani bahna ra, il sirpi nani purara witin nani kîa yamni angki sakripais prisant nani yabisa, usupum dusa nani, usupum sâtka dusa nani distika ra sin wih, baku daukisa. Baha mita sika luhpiam mairin nani, rug mairin takan ba, mulam yapti nani sin, ai maya lâka kriki ba.

Wihta Nani 2:17

Sakuna Israel luhpia nani ba baha wihta nani ba bîla walras kan, witin nani Dawan bîla wali daukras bara gâd wala nani ra witin nani mayunan. Witin nani ai damika nani lika Dawan lâka bîla nani ba wali daukan, sakuna ai luhpia nani lika, witin nani daukanka natka nani nina blikras kan.