Jirimaya 3:22 - DAWAN BÎLA AISKA

²² Maipara babura kiamka nani, yang ra kli tawi bal, man nani maipara buisma sikniska ba wina mai rakamna.’ ” “Bahamna yang nani lika man ra balri, nâra sna, kan man sika yang nani Dawan, Gâdki.

Jirimaya 3:22 ပူးပေါင်းရင်းမြစ်များ

Yamni Kulki Lawana 1:4

¡Isti pali, yang na man wal ai brih was! ¡Alai, kingki, man wamtla bîla kat ai bri was! Yawan wal bahara uba lilia kabia; wal wan taya tasapi pulanka ba kau daukbia, wain ba wal. ¡Baku bamna, mairin nani mita uba pali mai kaiki ba!

Aiseya 1:2

Kasbrika pura bara tasba, man nani aman wali bas, Dawan aisi ba: “Luhpa nani pakri, witin nani sut tara sakri, bara witin nani ba yang maipara buan.

Aiseya 27:8

Gâd uplika nani ra klala yaban tasbaya wina saki tasba wala ra blikan witin ai wingka puhbra ni sirang saura ikan, lalma pâsa karna krawi ba baku.

Aiseya 31:6

Israel luhpia nani, witinka ra kli tawi bal, witin mapara man nani sîa briras pali buram ba.

Aiseya 57:17

Israel saurka tâwan, piua kum yang kupi baikri, bara witin ra klala yabri bara yang lika witin nani tila wina tnaya ra takri; sakuna witin maipara babura taki, ai kupia prautka ra kau tniwbia.

Jirimaya 3:12

Man was bara mamwan yahbra tani ra kaiki naha bîla aisisna na wis: ‘Dawan kasak aisisa: ¡Israel maipara babura, kli yang ra tawi bal! Lawi mai daukamna apia, kupi baiki ban kamna apia, yang kupi yamni sa. Yang, Dawan, kasak aisisna.

Jirimaya 30:17

Sikniskam nani ba mai rakamna, insauhkan brisma ba sîka daukamna, waihlam nani ba nahki aisabia sin: ‘Saion ba lulki swin sa wibia, upla kumi sin Saion dukiara lukras sa.’ Yang, Dawan, kasak aisisna.”

Jirimaya 31:18

Yang walri Efraín uplika nani ba brukwisa sari lâka tara ni: ‘Yang ba bîp wainhka kum sip smalki tim daukras ba baku sna, sakuna man mita lika puri luram bara tim ai daukram sa, pura luan lâka aikisma; ai dauks kli man ra balaia, kan man sma sika Dawan ba, yang Gâdki.

Jirimaya 33:6

Sakuna yang kli witin nani ba sîka rakamna, bara pain kulkan kupia kumi kaia kli baku takaia apia liliaka briaia daukamni.

Jirimaya 4:1

Dawan kasak aisisa: “Israel, man kli tawi balaia sma kaka, yang ra sika kli tawi balaia sma. Lilka bahki nani brisma ba misbara kaikisna bara yang wina tnaya ra tawpara,

Isikiel 18:30

Yang bui man nani kumi bani lâmka daukisni, Israel wina nani daukanka ba kat. Yang, Dawan, kasak aisisna. Watawankam nani sut ba mahka swis, bara man nani klauna sauhki mai tikaia pâtka ba brima apia.

Isikiel 33:11

Kuna yang, Dawan, rayaki ba mata, swer takisni, watawikira nani pruanka ba brinki apia sa, witin ai rayaka natka ba lakbia bara raya kabia want sna, lâka saura brisma ba swis. ¿Dîa muni pruaisma?’

Oseas 13:4

Dawan aisisa: “Yang, Dawan, yang lika man Gâdkam ban sna Idsip tasbaya ra kapram ba yua wina: Yang tnaiya ra Gâd wala, yang baku man kaikma apia, sakuna yang baman lika, kan yang baman sna, man swaki sasakrikam.

Oseas 14:1

¡Israel, Dawan Gâdkam ra, kli tawi bal, man saura daukram ba tâka mita sika kauhram ba!

Oseas 14:4

Dawan aisisa: “Upliki nani maipara buaia sikniska bri ba sîka daukaisna; witin nani ra ban latwan kaikaisna, latwan kaikaia apia uplika nani takan sakuna, witin nani mapara lawanki tara briri ba pat luan sa bamna.

Oseas 14:5

Israel purara diwas laya baku takaisna, witin ai tangnika nani sâkbia, tangni pihni nani baiwi baku. Wakia nani ba karna pâwbia, Líbano ilka ra dus nani ba baku;

Oseas 14:8

Baha yua ra Efraín aisabia: ‘¿Aidul nani ba dukiara, yang dîa lukamna?’ ¡Yang sika upliki ra wali ban kaiki kamna! Piu bani awas dusa baku sangni ban kamna, bara upliki nani ba, yang wina mâ nani wahbi kabia.”

Oseas 3:5

Baha yua nani ningkara, Israel luhpia nani ba kli tawi bal, ai Dawan Gâdka ra plikbia, bara ai kingka Debit ra sin. Baha piua nani aimaki lui kabia ba ra, witin nani bui Dawan ra ai kupia krauki tara kulkbia, diara nani yabi ba dukiara sin.

Joel 2:12

“Sakuna nanara —Dawan naku param pali aisisa—, man nani kupiam brinka aiska kira, kli yang ra tawi bal. ¡Kaiki plun wahwi banhs, kisbi wini banhs, bara sin namkra laya sarikira bal!”