Jirimaya 3:12 - DAWAN BÎLA AISKA

¹² Man was bara mamwan yahbra tani ra kaiki naha bîla aisisna na wis: ‘Dawan kasak aisisa: ¡Israel maipara babura, kli yang ra tawi bal! Lawi mai daukamna apia, kupi baiki ban kamna apia, yang kupi yamni sa. Yang, Dawan, kasak aisisna.

Jirimaya 3:12 ပူးပေါင်းရင်းမြစ်များ

Blasi Sturka 4:7

Yamni daukram kaka, man purara mai bukan kaia kan. Sakuna man yamni daukras kapram bamna, saurka ba durkam kat bâra sa. Saura lâka ba puram luaia munisa, ban sakuna man mita baha ba sip muni pura luaia sma.”

2 King Nani 15:29

Pécah Israel kingka kan piua ra, Tiglat-piléser Asiria kingka ba balan, bara Iión, Abel-bet-maacá, Janóah, Quedes, Hasor, Galaad, Galili, bara Neftalí tasbaya aiska ba dakbi brin, bara uplika nani ba Asiria ra alki alba lâka ra brih wan.

2 King Nani 17:23

Lâs kat Israel luhpia nani ba Dawan mita ai mawan ba wina sakan, sip pain takras kan bamna, dîa witin prapit nani bâk aisan ba kat, bara Israel luhpia nani ba Asiria ra alki brih wan, naiwa yua ba kat ban bâra sa.

2 King Nani 17:6

Bara Oseas ba king aimakan ba wina pat 9 mani diman ra, Asiria kingka ba mita Sameria tasbaya aiska ba dakban, bara Israel luhpia nani ba alba lâka ra sut alki brih wan, bara Halah ra swin, Habor tasbaya ra, Gozán awalka lama pali kat, Media uplika nani tawanka ra.

2 King Nani 18:1

Oseas Elá luhpia ba Israel ra king aimakan pat mani yumhpa kan ba ra, Ezequías, Ahaz luhpia ba, mahka Juda kingka aimakan.

2 Kronikas 29:10

Baku bamna, yang Dawan wal lâ kum plikisna, witinka Israel Gâdka ba, ai lawanka ba wan tila wina sakaia lâka.

2 Kronikas 30:9

Man nani ba Dawan ra tawma kaka, waihlam nani nanara kat muihkam nani ra taibi bri ba, baku sin luhpiam nani ra taibi bri ba, umpira kaikbia bara swika kli ai tasbaya ra balbia. Kan Dawan man nani Gâdkam ba, kupia latwankira sa, bara upla ra kupia pihni lâka brisa, bamna man nani ra mai swibia apia, man nani kli witin ra tawma kaka.”

Lawana Nani 103:17

Sakuna Dawan kupia latwanka lâka ba, ban kaia ra bâra sa, baha nani witin ra pain kulki nani ba ra; ai kasakka lâka ba tnata âpu sa baha kiamka nani sut ra,

Lawana Nani 103:8

Dawan ba upla ra tawa munisa, bara kupia swapni sa, wihka sin bîla kaikisa, ai latwanka lâka bri ba mita.

Lawana Nani 103:9

Witin piua sut ra lawi wan daukras, ai lawanka ba sin ban kaia ra bâra apia sa;

Lawana Nani 145:8

Dawan ba kupia yamni sa, bara latwan kaikisa, witin sin wihka bîla kaikisa, bara latwan lâka sut brisa.

Lawana Nani 79:5

Man Dawan, ¿ahkia kat kau lawi kama? ¿Ban kau lawi kama pauta klauhi ba baku?

Lawana Nani 86:15

Sakuna, man Dawan, latwankam swapni brisma ba wihka bîla kaikisma, lamtwanka lâka bara kasakkam lâka ba wal.

Lawana Nani 86:5

Dawan, man yamni sma, wan pâtka nani swih tikisma; man ra ai pura suni nani ba sut ra, latwan kaikisma.

Sins Lâka 28:13

Ani uplika ai saurka nani pura biki ba, ai bisniska ba sip yamni takbia apia; sakuna baha nani ai dahra saki si mahka swi ba, saurka swih tikbia.

Aiseya 31:6

Israel luhpia nani, witinka ra kli tawi bal, witin mapara man nani sîa briras pali buram ba.

Aiseya 44:22

Maipara buanka nani man daukram ba sut yang slingbi tikri, mukus kum awi tiwi ba baku. Kli yang ra tawi bal, kan yang atki mai sakri bamna.”

Jirimaya 11:6

Bamna Dawan bui ai win: “Naha smalkanka na man Juda tawanka yabalka ra Jerusalem ra sin aisas. Upla nani ra wis: ‘Lâ daukan bîla nani aisin ba man nani wals, bara baha wali dauks.

Jirimaya 12:15

Baha daukamna ningkara kli yang kupi kriwan takbia witin nani ai sarka, bara witin kli ai kuntrika ra ai tasbaya ra balaia daukamna.

Jirimaya 23:8

sakuna man nani naku swer taki aisi kama: ‘Dawan raya ba mita Israel luhpia nani yahbra kuntrika wina kuntri wala nani wina sin ani anira yakaban ba wina sut saki bri balan.’ Bara witin nani ai tasbaya ra iwi kabia.”

Jirimaya 3:1

Dawan aisisa: “Waitna kum ai maya swibia bara mairka ba witin swi si, waitna wala ai maya bribia, bara witin ra swin waitnika ba kli bal mairka ba bribia apia. ¡Baku daukbia kaka naha kuntrika ra lâ krikanka tara takbia! Ban sakuna, Israel, man, liliam nani ailal wal ur takram, ¡bara nanara lika kli yang ra tawi balaia lukisma! Yang, Dawan, kasak aisisna.

Jirimaya 3:14

Dawan kasak aisisa: “Maipara babura kiamka nani kli tawi bal, yang sika man nani Dawankam. Tawan kumi bani wina upla kum brimna, kiamkam kumi bani wina sin upla wâl, bara baha nani ba kli Saion ra blikamna.

Jirimaya 3:18

“Baha yua ba bal aimakbia ba ra, Juda Israel wal kli asla takbia, bara witin nani aikuki asla aidrubi banhbia yahbra tani kuntri ba wina, witin nani ai damika nani ra yâri tasbaya ba ra waia.

Jirimaya 3:22

Maipara babura kiamka nani, yang ra kli tawi bal, man nani maipara buisma sikniska ba wina mai rakamna.’ ” “Bahamna yang nani lika man ra balri, nâra sna, kan man sika yang nani Dawan, Gâdki.

Jirimaya 3:5

¿man ba yang wal kau ban lawi kaia lukisma?, ¿dîa baku lawi ban kaia lukisma?’ Man kau baku aisi kapram ba ra, saurka nani daukaia sip kapram ba sut dauki kapram.”

Jirimaya 3:7

Yang kupi ra luki kapri witin nani baku daukbia ba ningkara, kli tawi yang ra balbia; sakuna witin nani tawi balras. Muihnika mairin Juda, rugkira takan ba baha daukan ba kaiki kan;

Jirimaya 30:11

Yang, Dawan, kasak aisisni man nani wal sna swaki mai sakaia. Nisan nani ba sut slingbamna baha nani tilara mai yakabri ba. Sakuna man ra lika mai slingbamna apia; klala lika maikamna, mana briaia sma ba kat: klalkam ba maikras lika mai swimna apia.”

Jirimaya 31:20

“Efraín uplika nani ba yang maipara luhpi latwankira kum sa; baha luhpika ba kau latwan sna. Lawi daukisna ba ra, sip âiya tiwras witin ai dukiara; yang kupi ba dikwisa, lukisna witin dukiara latwan pali. Yang, Dawan, kasak aisisna.

Jirimaya 31:21

“Israel, yabalka ra tukin mangkisa, baku lika sip sa kli swapni lâka ra yabal ba sakaia; pain kaiks yabalkam anira watauki kapram ba. ¡Kli bal, Israel luhpia nani, kli bal tawankam nani ra!

Jirimaya 31:8

Kli daukamna lalma kuntrika wina balaia bara asla mai daukamna tasba tnata ba kat. Baha nani aikuki balram kabia blain bara skahwa nani ba, mairin kwihra nani babaikra, pat ai luhpia brin nani ba sin; ¡upla ailal kli balan kabia!

Jirimaya 33:26

Jekob kiamka nani bara duki dadaukra Debit ba sip lulki swimna apia, Ebraham, Aisak, Jekob kiamka nani tila wina pura aimaki kaia wihtka ba sakras swimna apia. Witin nani ra luki kupi swapni lâka kli brimni, bara diara sut witin nani ra yamni takaia daukamni.”

Jirimaya 4:1

Dawan kasak aisisa: “Israel, man kli tawi balaia sma kaka, yang ra sika kli tawi balaia sma. Lilka bahki nani brisma ba misbara kaikisna bara yang wina tnaya ra tawpara,

Inanka Nani 3:22

Dawan latwanka ba ban kaia ra bâra sa, ai kupia yamnika nani ba sip danh takras.

Isikiel 11:17

Baku sin wis: ‘Dawan ba naku wisa: Yang mita yabrika kli tawi balbia, baha kuntrika bara nisanka nani anira yakabi kir lakri ba wina, bara asla daukamni bara Israel kuntrika ba maikamni.

Isikiel 33:11

Kuna yang, Dawan, rayaki ba mata, swer takisni, watawikira nani pruanka ba brinki apia sa, witin ai rayaka natka ba lakbia bara raya kabia want sna, lâka saura brisma ba swis. ¿Dîa muni pruaisma?’

Isikiel 39:25

“Baha mita, yang Dawan sna ba, wisni: Nanara kupi pihni lâka brimni Israel uplika aiska dukiara, Jekob kiamka nani dukiara. Yabaisni nahki kaia ba, bara taibi munaia nini ba kulkanka tara yabia dukiara.

Oseas 6:1

Man nani sut bal, bara Dawan ra yawan kli wap; witin mita yuya man wan daukan sakuna, wan sikniska nani wina sin kli wan rakbia; witin ai klalka mita wan wîna insauhkan, sakuna witin sin kli sîka wan daukbia.

Libait Lâka 26:40

“Man nani saurkam daukram dukiara tânkam bri kama kuna, bara aisikam nani saura daukan ba sin, baku sin man nani lilia lâka âpu sma ba, yang maipara buram ba sin,

Sakaraya 1:4

Damikam nani daukan baku daukpara, prapit nani kaina piua ra kan nani ba bui yang bîli witin nani ra smalkan, ai natka saura, ai daukanka saura nani ba mahka swiaia, sakuna witin nani lika yang bîli walan daukras kan, bara baku sin tawi ai kaikras kan. Yang, Dawan, kasak aisisna.

Kli Smalkanka 30:2

Bara Dawan ra kli tawi balma kupiam wina, sulkam wina. Ai kupia lâka nani ba daukma, man nani bara man nani luhpiam nani sin, naiwa yang adar maikisna baku.