Jirimaya 3:1 - DAWAN BÎLA AISKA

¹ Dawan aisisa: “Waitna kum ai maya swibia bara mairka ba witin swi si, waitna wala ai maya bribia, bara witin ra swin waitnika ba kli bal mairka ba bribia apia. ¡Baku daukbia kaka naha kuntrika ra lâ krikanka tara takbia! Ban sakuna, Israel, man, liliam nani ailal wal ur takram, ¡bara nanara lika kli yang ra tawi balaia lukisma! Yang, Dawan, kasak aisisna.

Jirimaya 3:1 ပူးပေါင်းရင်းမြစ်များ

Lawana Nani 106:38

Tala pâtkas sin laikan, ai luhpia waitna nani, luhpia mairin nani tâlia ba sin; witin nani Kenan gâdka nani ra sakripais dauki yan, bara tasbaya ba tala ni tâski daukan.

Aiseya 24:5

Tasba ba upla nani ba mita sauhkan sa, kan witin nani, lâ purak luan bamna, wapni lâka ba wali daukras lâ ban kaia ba krikan.

Jirimaya 2:20

“Man bui yang maipara buram ba wina pat piu wihka auya, bîli wali daukaia apia wiram. Man aisaram: ‘Warkkam takan ai daukras.’ Bara wala nani warkka daukram il purara nani bani ra dus distika painkira bani ra man ur taki kapram.

Jirimaya 2:23

¿Man nahki ai wima: ‘Yang tâski takras gâd bahki nani ra sin mayunras’? Il bîla ba ra kaiks man tânkam daukram ba, man dîa sut daukram ba bâra sa kiamil mairin wainhka pliki plapi taukan baku taukram ba, tnaya bani ra;

Jirimaya 2:7

Tasba disang ra man nani ba mai bri balri, baha mâ nani ba wina man nani pima wisi mâ kau pain ba man nani piaia. Sakuna man nani balram bara tasbaya ba watawi daukram, kuntrika ba kaikisna bara âiya warbisa, yang prapatiki ba.

Jirimaya 22:20

“¡Juda, Líbano ilka purara uli wins! ¡Bîlam baikra karna wins Basán ilka nani ra! ¡Abarim kiuhsika nani ba wina wins lamtwankira nani ra pat pura luan bamna!

Jirimaya 3:22

Maipara babura kiamka nani, yang ra kli tawi bal, man nani maipara buisma sikniska ba wina mai rakamna.’ ” “Bahamna yang nani lika man ra balri, nâra sna, kan man sika yang nani Dawan, Gâdki.

Jirimaya 3:9

Witin nani ai swira âpu ur taki taukan, kuntrika na aiska tâski daukan. Yang wal wapni apia kan walpa nani ra dus pâwi nani ra mayunan.

Jirimaya 31:22

¿Ahkia kat tnaya kum wina wala ra waia luhpia mairin kum tiwan baku? Yang, Dawan ba, diara raya daukri naha tasba ra: mairin kum waitna kum ra triswi ba baku.”

Jirimaya 4:1

Dawan kasak aisisa: “Israel, man kli tawi balaia sma kaka, yang ra sika kli tawi balaia sma. Lilka bahki nani brisma ba misbara kaikisna bara yang wina tnaya ra tawpara,

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Inanka Nani 1:2

Witin tihmia bani ini ban katwisa; ai nakra laya, iswi ai mawan bâk laiwisa. Ai latwankirka nani sut ba tilara, kumi sin âpu sa witin ra ai maisa nihkaia. Ai uplika pali nani sut, witin ra kunin muni lulki swin; nanara baha nani sut ai waihla baman takan.

Isikiel 16:26

Ur lâka ra iwram, lamara iwi nani aikuki, baha Idsip uplika nani ur lâka lihki nani wal, bara yang kupi baikram man daukankam, ur lâka ra iwi katma tâka mita.

Isikiel 16:30

Yang, Dawan ba, naku wisni: ¡Dîa sikniska kupiam ba bri kan, ur lâka, diara yamni kaikaia apia dukia ban daukram kaia!

Isikiel 16:35

‘Bamna, man rug mairin, yang aisinki na wals:

Isikiel 33:11

Kuna yang, Dawan, rayaki ba mata, swer takisni, watawikira nani pruanka ba brinki apia sa, witin ai rayaka natka ba lakbia bara raya kabia want sna, lâka saura brisma ba swis. ¿Dîa muni pruaisma?’

Oseas 1:2

Dawan ai bîla smalkanka ba, naku tâ krikan, witin Oseas bâk wiaia want kan: “Israel luhpia nani ba rug mairin takan, yang wina tnaya ra tawi. Bamna man sin baku natka ra was, bara yabal mairka kum mayam bris, bara witin wal luhpiam nani sâks; bara baha nani sut ba, rug mairin luhpia nani takbia.”

Oseas 2:2

Dawan aisi wisa: “¡Man nani yaptikam lâka aisi dauks, dahra sâks, kan witin ba, yang mayi apia takan sa, yang sin witin ai maya waitna apia sna! ¡Ur mairin lâka ba swibia ai waitnika nani ba, ai lamkuka wina saki batakbia!

Miqueas 2:10

¡Man nani naha wina bus, bara impaki bas! Kan naha lika ris briaia pliska apia sa; saurka witin ra uba pali ai pura luan sa, baha mita witin ba danh pali saura takan sa.

Sakaraya 1:3

Bahamna nanara, yang bîli na upla nani ra wis: ‘Yang ra kli tawi bal, bara yang sin man nani ra tawamna. Yang, Dawan, kasak aisisna.

Matiu 5:31

“Kan piua ra sin naku wisata: ‘Ya ya ai maya mairin wal dakwi taki ba, dakwi takuya wauhkataya kum yabaia sa.’

Kli Smalkanka 22:21

saura lâka tara pali dauki Israel purara ai aisa watla bilara sin swira lâka bri balan ba ra, aisika watla bîla wina saki latara bri si, tawan waitnika nani mita walpa ni sabi ikbia. Baku lika saurka lâka man nani tilamra âpu kabia.

Wihta Nani 19:2

Sakuna yu kumi mairin ba witin wal unsabi, ai kupia sauhkan, bara mahka Betlehem ra wih iwan. Kati walhwal ai aisika watla ra bâra kan.