Jirimaya 27:5 - DAWAN BÎLA AISKA

⁵ Yang karniki tara ba param mariki tasba na paskri, upla nani, daiwan nani diara sut bilara ba sin, bara yaura baha yabaia lukisna ba ra yabisna.

Jirimaya 27:5 ပူးပေါင်းရင်းမြစ်များ

Blasi Sturka 1:25

Gâd bui naha daiwra nani na paskan, bara kaikan baha sut ba yamni kan.

Blasi Sturka 9:6

“Ani uplika ai walka tâlia laiki ba, kli upla wala mita sin witin ai tâlia laikan kabia; kan upla ba Gâd lilka ra paskan bamna.

1 King Nani 8:42

Bara ninam tara ba walbia, mihtam bara klamhkla aiska karnika ba kaikbia, bara naha tempelka ra bal ai pura sunbia.

Esdras 1:2

“Ciro, Persia kingka ba, naku wisa: Dawan, kasbrika nani laih purara ba Gâdka, witin mita naha kingka tasbaya aiska sut ba yang mihti ra mangkan sa, bara Jerusalem ra tempel watla kum mâkamna ai win, baha lika Juda tasbaya ra ba.

Nihimaya 9:22

“King tasbaya lâka nani bara nisan nani sin yabram, tasbaya ba pîs pîs yui sut ra yabram, bara witin nani Hesbón tasbaya ba ai tasbaya brin, king Sihón tasbaya, bara Og Basán kingka tasbaya ba sin.

Lawana Nani 102:25

Patitara wina wan tasba playka nani bapi swiram, man pali bui kasbrika pura ba paskram.

Lawana Nani 96:5

Upla sât wala nani Gâdka sut ba bahki sa, sakuna Dawan sika kasbrika pura ba paskan.

Impakan Sturka 20:11

Kan yu matlalkahbi yua ra, Dawan kasbrika pura ba, tasba, kabu bara diara nani sut ba baha bilka ra paskan bamna, bara yua 7 ba, witin ris brin. Bahamna Dawan bui sabat ba yamni munan, bara aihka saki holikira kulkan sa.

Impakan Sturka 6:6

Bamna Israel luhpia nani ra wih wis yang, Dawan mita witin nani alba lâka ra ba wina pri sakaisna, Idsip uplika nani mita wark karna yan taki ba wina sin. Yang karniki ba mariki witin nani ba swaki sakamni, warkki karnakira lâ wapni daukisna lâka ba wal;

Aiseya 42:5

Dawan Gâd ba, kasbrika pura nani papaskra sa, witin sin baha nani slihbi saki ba; witin sika tasba ba paskan bara witinka ra sin pâwi ba, rayaka yabi bara wingka puhbra sin yabisa, upla nani iwi nani ra, ai dukia dadaukra ra wisa:

Aiseya 44:24

Naku Dawan aisisa, man sasakra, witin pat mai paskan kan, kau mai baikras kan ba ra: “Yang sika Dawan, diara sut ba paskisna, yang yakan kasbrika pura nani ba yakabisna, tasba ba sin drabisna, wala hilpka briras kira.

Aiseya 45:12

Tasba ba yang paskri bara baha purara upla nani ba sin, yang mihti nani ni kasbrika pura nani ba param sakri, slilma ailalka nani ba sut yâri takan.

Aiseya 48:13

Tasba playka na sin yang mihti ni bapri, bara mihti aihkika ba, mihti sirpika bilara kasbrika pura nani ba kulki kaikan; yang bui witin nani ra winri bara bal asla taki maiwanra buan.

Aiseya 51:13

¿Dawan mai papaskra ba, pat âmya tikaisma, witin kasbrika pura nani ba bri sal saki bapan ba? ¿Bara man yu aiska ban sibrin tatatwi ban kaisma, baha nani ai kupia baikanka ra sarkam paski ba dukiara, witin nani mai slingbi tikaia ridi taki buan ba sîa? ¿Sakuna kupia baiwanka ra sarkam paski nani ba anira sa?

Jirimaya 27:4

Witin nani ra wis kumi bani ai kingka ra wibia yang, Dawan karnika sut brisna, Israel Gâdka, mai wisna:

Jirimaya 32:17

‘Dawan, man kasbrika pura bara tasba sin paskram ba ni karnikam tara ba marikisma. Man daukaia sip apia dukia ba âpu sa.

Jirimaya 51:15

Dawan, ai karnika ni, tasba paskan; ai sinska lâka ni tasba aiska karnika bapan; sins bri ba lâka ni kasbrika pura aiska ba paskan.

Daniel 2:38

ani anira upla nani iwi ba sut purara karnika ba maikan sa, daiwan nani bara tnawira nani ba sin, witin mita baha nani sut ba karnikam mununhtara mangkan sa, baha sika gul ni paskan ba, king tara, man.

Daniel 4:14

ai bîla baikra karna wini, naku aisin: Dus ba klaks kauhbia, ai tnawa nani ba sin klaki sâks, ai wahia nani ba dauhbi sâks, ai mâ nani ba yakabrira dauks, daiwan wail nani ai mununhtara banhwi ba sut taki plapbia, ai tnawa nani ra piawira nani bâra ba sin pâlbia.

Daniel 4:17

Naha lâka nani sika aihwawakra insalka holi nani wan win ba, upla nani sut ba tânka bribia dukiara, Laih Purara iwi Gâdka ba naha tasba kingka nani sut purara karnika bri ba, witin yaura king lâka yaia ba yabisa, bara nisan kum tâ aimaki kau upla mâyara ba buki tara daukisa.’

Daniel 4:22

Baha dusa ba sika man king, pâwi ban karnakira pali takram ba. Wan Kingka sma ba lâka lika ban pâwi kasbrika purara ba kat ulan sa, man kingkam lâka karnika ba tasba aiska kat wan sa.

Daniel 4:25

Bara king, man lika upla nani tila wina taki wih daiwan nani tilara takaskma, twi pi kama, wark bîpka nani baku, bara diwas laya ba man puramra kauhi kabia. Baku kama king man mani 7 baha piua man tânka brima ba Gâd Laih Purara iwi ba tasba kingka nani purara king kaia mangki ba.

Daniel 5:18

“Gâd Laih Purara iwi ba bui king lâka aisikam Nabucodonosor ra yan, kulkanka lâka tara bara prana, bara mayunra lâka ba sin.

Apastil Nani Sturka 14:15

—Upliki nani, ¿dîa kan man nani naku dauki banhwisma ki? Yang nani na sin man nani wal baku upla sna. Sakuna nâra yang nani balri na, man nani ra sturi yamni ba mai smalkaia, naha diara bahki nani na swi si Gâd rayakira ba nina blîkma, witinka mita kasbrika pura, tasba, kabu nani ra dîa dîa baha nani bilara ba sut paskan bamna.

Apastil Nani Sturka 17:24

‘‘Gâd bui tasba paskan ba bara dîa dîa baha bilara ba, witin sika kasbrika pura bara tasba Dawanka. Witin lika upla bui paskan tempelka sâtka nani ra iwras sa,

Apastil Nani Sturka 17:26

‘‘Waitna kumi wina baman witin bui nisan nani sut paskan, baha nani ba tasba aiska ra iwbia dukiara; bamna piua ba bara anira witin nani iwaia ba sin marikan sa,

Kli Smalkanka 2:19

Sakuna Amón uplika nani wal prawma kaka, baha nani sin Lot kiamka nani sa; witin nani ra watawi munpara, wal aiklapara, baha nani tasbaya wina sin tasba pîs lupia pan maikamna apia, tasbaya ba yang pat yabri witin nani ai dukia.’

Kli Smalkanka 2:21

Witin nani tawan tara, upla ailal pali kan, tarka tara, braka yari, nana sin yari, Anac masraka baku kan. Sakuna Dawan bui Amón uplika nani mihta ra swin âpu daukan, bara witin nani baha tasbaya ra takaskan.

Kli Smalkanka 2:7

Dawan bara man nani Gâdkam man nani diara sut daukram ba purara, ai yamnika maikan. Mani 40 witin ba man nani wal kan, main mai kaikan, upla iwras tasbaya tara ra, sakuna bahara man nani diara kumi sin luha apia kapram.

Kli Smalkanka 2:9

Bamna Dawan bui ai win: ‘Moab uplika nani ra trabil munpara, saura sin munpara, kan witin nani ba Lot kiamka nani sa. Baha kuntrika wina man nani tasba pîs lupia sin brima apia, yang bui Ar tasbaya ba witin nani ai dukia yabri bamna.’

Kli Smalkanka 32:8

Yu kum Laih Purara iwi ba nisan nani tasbaya yabaia kan ba ra, tawan piarkika ba wapni kulki kaikan, kuna Israel luhpia nani dukira luki kan,

Kli Smalkanka 4:17

daiwan nani lilka, tnawira nani sin apia,

Kli Smalkanka 4:25

“Man nani luhpiam bara mulam nani brima piua ra, bara naha kuntrika ra almuk kama ba ra, lilka bahki nani paski dauki baha ra ai pura sunbia kaka baku saura dauki, Dawan Gâdkam kupia sauhki kama.

Kli Smalkanka 4:32

“Blasi piua nani ra man nani pliki kaiks, Gâd upla ba tasba ra paskan. Tasba aiska ra makabi wals aima kum ra tânka brin bara naku diara tara kum takan.

Kli Smalkanka 4:35

Baku marikan tânka briaia, Dawan Gâd ba aihwakira sa, witin wina wala âpu.

Kli Smalkanka 5:16

‘Man aisikam bara man yaptikam sin pain kulki bas, Dawan Gâdkam adarka mai win ba baku. Baku man piuam yari bri kama, bara diara sut man ra yamni takbia Dawan Gâdkam wina maikuya ba tasbaya ra.

Kli Smalkanka 9:29

Witin nani ba uplikam sa, man dukiam sa, man Idsip wina mihtam karnika ni sakram nani ba.’

Kolosi 1:16

Kraist bâk, Gâd mita diara nani kasbrika purara bara tasba ra ba sut paskan. Diara nani wan nakra ni kaiki ba, bara diara nani wan nakra ni sip kaikras ba sin; king aimaki nani ba, tasba purara karnika bri banhwi ba, tasba wihtka nani, bara spirit lâka mapara karnika bri nani ba sut, Kraist bâk paskan sa, bara witin dukiara sin bâra sa.

Hibru Nani 1:2

bara nanara naha tnata yua nani na ra lika, witin mita ai Luhpia bâk wan aisin sa. Naha Luhpia na bâk Gâd mita tasba nani na paskan, bara diara nani sut ba witin mihta ra swin sa.

Param Marikanka 4:11

“Dawan wan Gâdka, man lika mayunra ba, prana ba bara karnika ba briaia aitani sma; kan man sika diara sut paskram ba, bara man kupiam lâka mita sika baha nani ba ban sa bara paskan kata.”