Jirimaya 27:4 - DAWAN BÎLA AISKA

⁴ Witin nani ra wis kumi bani ai kingka ra wibia yang, Dawan karnika sut brisna, Israel Gâdka, mai wisna:

Jirimaya 27:4 ပူးပေါင်းရင်းမြစ်များ

Impakan Sturka 5:1

Baha ningkara Moses ba Eran wal king fero mawanra wan wiaia: —Dawan, Israel luhpia nani Gâdka ba, naku aisata: ‘Upliki nani ba swis upla iwras tasbaya ra taki wabia, bahara yang nini yamni kulkaia maiyunaia dukiara lilia tara daukbia.’

Jirimaya 10:10

Dawan sika Gâd pali ba, Gâd ai rayaka bri ba, king ban ba. Witin ai kupia baiki ba ra tasba nikwisa; ai kupia baiwi ba mapara nisan nani sip bapi buras.

Jirimaya 10:16

¡Jekob Gâdka diara sut bâra ba Papaskra sa, witin sât aihka ba! Witin mita Israel ba ai uplika nani kaia bâk sakan. Ai nina ba mâkan sa: Karnika sut bri Dawanka ba.

Jirimaya 25:27

Baha ningkara Dawan kli ai win: “Witin nani ra wis yang, Dawan karnika sut brisna, Israel Gâdka ba, adar yabisna dih bla takbia ba kat bâra aikabia bara tasba ra kauhbia bara baha wina kli bubia apia, war man nani ra blikamna ba tâka mita baku takbia.

Jirimaya 27:3

Baha ningkara naha kingka nani ra bîlam blîks balaia: Edom, Moab, Amón, Tiro, Sidón kingka nani ba, witin nani ai uplika nani blikan king Sedequías wal aisaia, baha nani nâra sa Jerusalem ra, bîla ba witin nani wis wih wibia.

Jirimaya 27:5

Yang karniki tara ba param mariki tasba na paskri, upla nani, daiwan nani diara sut bilara ba sin, bara yaura baha yabaia lukisna ba ra yabisna.

Jirimaya 28:14

Kan yang, Dawan, karnika sut brisna ba, Israel Gâdka, mai wisna: Nisan nani sut nana ra baha lal ra mangkaika dusa ba ayan ni paski mangkri, witin nani Nabucodonosor Babilon kingka warkka daukaia. Daiwan wail nani sin witin ai karnika bri ba lâka munhtara swiri sa.”

Jirimaya 51:19

¡Jekob Gâdka diara sut bâra ba papaskra ba, witin sât aihka sa! Witin mita Israel ba ai uplika nani kaia bâk sakan. Ai nina ba mâkan sa: Karnika sut bri Dawanka ba.