Jirimaya 26:21 - DAWAN BÎLA AISKA

²¹ King Joaquim, wihtka tara nani ba bara wihta wala nani ba sin Urías aisin ba walan, bara king lukan witin ba ikaia. Sakuna witin baha sturka ba walan sibrin daukan bamna Idsip ra plapan.

Jirimaya 26:21 ပူးပေါင်းရင်းမြစ်များ

1 King Nani 18:10

Swer takisna man Dawan Gâdkam ba nina ra, kuntri kumi sin âpu sa, baku sin king tasbaya kumi sin âpu sa man mai plikras ba, bara sut bui win: ‘Nahara âpu sa’, bara witin pali bui sin aisin, king tasbaya nani ra, kuntri nani ra sin witin bui man ba mai sakras sa.

2 Kronikas 16:10

Bara Asá ba ai kupia sauhkan bara prapit ra silak mangkan, bara baha piua ra sin tawan uplika kum kum ra sin saura munan.

2 Kronikas 24:21

Sakuna upla nani ba witin mapara buan, bara walpa ni sabi banhwan, king adarka ba kat, Dawan tempelka kutbanka ba ra.

Lawana Nani 119:109

Pruaia pâtka ra ban sni, sakuna yang lika, man smalkankam ba âiya tikamna apia.

Sins Lâka 29:25

Upla ra uya sibrin briaia ba wan mina alkaia kiwka wan mangkisa, sakuna Dawan ra luki tniwi uplika ba laih purara bukan kabia.

Jirimaya 26:10

Juda ra wihta nani ba dîa takan ba witin nani walan, bara king watla wina tempel ra wan kli baha wina Durka Raya ba kat wan, bahara iwan.

Jirimaya 36:26

sakuna witin tawi king kiamka luhpia kum Jerahmeel ra adar yan, Seraías ra sin, Azriel luhpia waitna ba, wala Selemías Abdeel luhpia waitna ba ra sin adar yan, prapit Jirimaya ba, wauhkataya âiulbra Baruc sin silak ra mangkaia. Sakuna witin nani ba Dawan mita yukukan.

Jirimaya 38:4

Bara wihta tara nani ba wih king ra win: —Naha waitnika na ikaia sa, witin aisi ba mita suldiar nani tawan ra nâra ba lukanka, upla nani sut lukanka ba swapni daukisa. Waitnika na upla nani tâ baikaia daukras, sakuna saura munaia baman aisisa.

Matiu 10:23

Tawan kum ra man nani ra ninam bliki rau mai sauhkbia kaka, wala ra plaps; kan kasak pali mai wisna, Upla Luhpia Waitna ba balbia kau man nani Israel tawanka aiska ra waras ba ra.

Matiu 10:28

Man nani ra mai ikaia sip nani ba ra sibrin lukpara, witin nani karnika âpu sa rayakam ban kaia ra man nani ra mai ikaia bara hil pauta ra mai sauhkaia ban kaia ra, bahara sibrin luks.

Matiu 10:39

Ya ai rayaka swaki sakaia lukbia ba, witin lika baha ba tikbia; sakuna ya yang tâiwan ai rayaka tikbia ba, witin baha ba swaki sakan kabia.

Matiu 14:5

Herod Jan ra ikaia want pali kan, sakuna upla nani ra sibrin bri kan, upla sut mita Jan ba Gâd prapit kulki kan bamna.

Mark 6:19

Bamna Herodías mita Jan ra misbara pali kaiki kan, ikaia sin luki kan, sakuna witin sip apia kan.