Jirimaya 26:19 - DAWAN BÎLA AISKA

¹⁹ “¿Bara king Ezequías ba Juda uplika nani sin Miqueas ba ikata ki? Baku takras bara ikaia watlika ra: king Dawan sibrinka daukan bara witin ra makaban witin nani ai dukiara kupia swapni lâka ba bribia. Bara latwan saura ba Dawan bui witin nani ra blikras takaskan, witin nani ra baku takbia wisata ba. ¿Bara nanara yawan mita kaiki lâ ba sauhkaia wirhika tara ba wan pura sunaia?”

Jirimaya 26:19 ပူးပေါင်းရင်းမြစ်များ

2 Samuil 24:16

Insal ba bui Jerusalem ba âpu pali daukaia takan bara Dawan kupia wirha takan, witin insal ra adar yan baku, rausauhkanka tara daukan ba, bamna insal ra win: “¡Aitani, baha kat takasks, tawan ba kau klala yapara!” Dawan insalka ba, Arauna, Jebús uplika nani wi ba, plawar mâ taya sakaika watla ba kat bâra kan.

2 Kronikas 32:20

Baha trabilka takan ba ra, king Ezequías bara prapit Aiseya, Emus luhpia ba wal, Dawan kasbrika purara ba ra ai pura sunan.

2 Kronikas 34:21

—Dawan ra wih makabi wals yang dukira, upla nani Israel bara Juda kiamka wina kau swin nani ba dukiara, naha wauhkataya ra ulbanka ba tânka; kan naha dukiara Dawan yawan wal ai kupia sauhkisa kaia sa, wan almukka nani Dawan dîa win ba kulkras kan bamna, baku sin dîa sut baha wauhkataya ra ulban ba kat daukras kan bamna.

Impakan Sturka 32:14

Bara Dawan bui ai uplika nani ra saura munaia lukan ba, ai kupia wina sakan.

Aiseya 26:21

Kan nanara Dawan ai watla tara wina taki aula, tasba ra iwi uplika nani ra ai saurka mana klala yabaia, watawika lâka witin ai mapara daukan ba tâwan; tasba ra pruan nani ba witin kau yukuki bri kabia apia, sut param marikbia.

Aiseya 37:1

Naha sturka ba, king Ezequías walan ba ra ai prâka ba kalkan, ningkara prâk almuk diman sari prâka bara Dawan watla ra dimi wan.

Aiseya 37:4

Ban kra Dawan man Gâdkam walbia naha bîla aisanka nani ba, witin ra sika Asiria kingka ai Dawanka ba mita blikan ba Gâd rayakira ra lahtubaia dukiara, bara sturi saura nani wiaia dukiara sin, naha bîla aisanka nani ba sika man Gâdkam pat walan sa, bahamna kau kiamka nani tila takaskan nani na dukiara puram suns.’ ”

Jirimaya 26:15

Sakuna naha lika, kasak pali kaiki bas: man nani ai ikma kaka, man nani bara tawanka uplika nani sut pâtkira kama upla pâtkas kum ikuma bamna; yang kasak aisisna Dawan mita ai blikan naha sturka man nani ra param pali mai wiaia.”

Jirimaya 26:3

Ban kra witin nani mai walbia bara ai daukanka saura ba swibia, bara yang luki kaikamna diara saura daukan ba mana klala yabaia apia, yang pat luki kaikri ba baku.

Jirimaya 44:7

‘Baku bamna, Yang, Dawan karnika sut brisna, Israel Gâdka, aisisna: ¿Dîa muni man nani klauna baha mai sauhki tikaia pâtka tara ba puramra bri balaia daukisma? ¿Dîa muni man nani mita Juda uplika nani, waitna, mairin, tuktan nani, bisi baikan lupia nani ba sut pruaia daukisma, upla sut âpu takaia?

Emus 7:3

Bamna Dawan kli ai kupia swapni daukan bara ai win: —¡Daukaia wîri ba baku daukamna apia!

Abakuk 2:10

Baha daukram ba tâka mita, swiram mai daukaia ba wamtla bilara bri balram, mai sauhki mai tikaia lâka ba man daukram, nisan nani sauhki tikram ba mita.

Sakaraya 7:2

Baha piua nani ra Betel wina Sarézer, Réguem-mélec bara upla wala nani sin blikan, Dawan hilpka makabaia;

Kulki Kaikanka 16:38

Baha waitnika nani, kîa pain angkaia watlika nani bri kan ba, witin nani pruan saura daukan ba tâwan. Baha watlika nani ba sunu kulkan sa, kan witin nani lika yang kainira kîa pain daukaia warkka daukan; baha pânka nani ba pruki plit nani dauks altar pura prakaika, bara baha Israel luhpia nani mapa ra smalkanka tara kabia.”

Matiu 23:35

Bara baku sika man nani puramra pât kauhbia, upla yamni nani sut upla mita ikan nani tâlia ba, Abel kasakkira ba wina Berequías luhpia Sakaraya ba kat, witin ba man nani mita tempel altar wal lilapas kat ikram.

Apastil Nani Sturka 5:39

Sakuna Gâd wina sa kaka, man nani sip sauhki tikma apia. Bamna man nani aman kaiks, Gâd mapara aiklapara.

Param Marikanka 16:6

Kan witin nani sika Gâd uplika nani tâlia, bara prapit nani tâlia sin laikan, bara nanara man ba witin nani ra tala yabram diaia. Witin nani dîa briaia aitani kan ba nanara brisa.”