Jirimaya 26:12 - DAWAN BÎLA AISKA

¹² Baha Jirimaya aisin wihta nani ra bara upla sut ra sin, witin win: “Dawan sika witin ai nina ra yang ai blikan, naha tempelka mapara aisaia, naha tawanka mapara sin aisaia, yang aisari man nani sut walram.

Jirimaya 26:12 ပူးပေါင်းရင်းမြစ်များ

Jirimaya 26:15

Sakuna naha lika, kasak pali kaiki bas: man nani ai ikma kaka, man nani bara tawanka uplika nani sut pâtkira kama upla pâtkas kum ikuma bamna; yang kasak aisisna Dawan mita ai blikan naha sturka man nani ra param pali mai wiaia.”

Jirimaya 26:2

bara win: “Tempel ra dimaia durka ba ra wih bus, bara dîa sut man aisaia yang mai wîri ba Juda tawanka nani wina upla nani ai pura sunaia aula nani ba ra wis. Mai wîri ba sut pali aisas.

Isikiel 21:7

Bara ban kra mamkabi walbia kaka, dîa muni inisma, wis diara pat pali takaia ba dukiara, bara upla nani sut ba kupia ba kriwan kabia, bara klahkla ba swika kauhbia; bara upla kumi sin karnika âpu kabia, sut ba sibrin mita lula nani ba tatatwi kabia. Pat piua aula, pat pali takbia. Yang Dawan, baha kasak aisisna.”

Emus 3:8

Layan ba ihbisa kaka, ¿ya lika sibrin daukras sa ki? ¿Ya Dawan nina brih aisaras sa ki, witinka adar yabi kaka?

Apastil Nani Sturka 4:19

Kuna Pita Jan wal pana win: —Man nani pali luki kaiks, Gâd mawanra aitani kabia sapa yang nani Gâd bîla walaia katna ba swi si, man nani bîlam walamna kaka.

Apastil Nani Sturka 5:29

Sakuna Pita bara apastil wala nani sut, naku win: —Yang nani Gâd bîla ba kau walaia sna, upla nani ra lika apia.