Jirimaya 26:11 - DAWAN BÎLA AISKA

¹¹ Bara prîs nani bara prapit nani ba mita wihta nani ra bara upla nani ra sin win: “Naha waitnika na pruaia pâtka ra lakaia sa, kan naha tawanka mapara aisin bamna. Aisin ba man nani kiamam ni walram.”

Jirimaya 26:11 ပူးပေါင်းရင်းမြစ်များ

Jirimaya 18:23

Sakuna, Dawan, man bui witin nani dîa dauki ba sut kaikisma, witin nani bui yang ai ikaia daukan. ¡Watawika lâka pâtka ba swih tikpara, saura daukan ba sin âmya tiwbiara! ¡Yas witin nani man mamwanra kauhbia, kupiam baiwan ra lâ ni dauks!

Jirimaya 26:16

Bara wihta nani ba bara upla wala nani ba sin prîs nani ra bara prapit nani ra sin win: “Dîa tâwan naha waitnika na pruaia pâtka ra lakaia tânka ba âpu sa; witin Dawan, wan Gâdka nina ra yawan ra aisin.”

Jirimaya 38:4

Bara wihta tara nani ba wih king ra win: —Naha waitnika na ikaia sa, witin aisi ba mita suldiar nani tawan ra nâra ba lukanka, upla nani sut lukanka ba swapni daukisa. Waitnika na upla nani tâ baikaia daukras, sakuna saura munaia baman aisisa.

Matiu 26:66

¿bamna man nani nahki lukisma ki? Witin nani pana win: —¡Witin ba pâtkira sa, bara witin pruaia sa!

Jan 18:30

Witin nani pana win: —Naha waitnika na saura dadaukra apia kaka, yang nani bui man mihtam ra mangkaia apia kapri.

Jan 19:7

Sakuna Ju nani pana win: —Yang nani lâ kum brisna, baha lâka ba kat witin na pruaia sa, kan witin na Gâd Luhpia sa win.

Apastil Nani Sturka 22:22

Naha bîla kat baman sip kan upla nani ba Pal ra wali kaia, bara witin nani mahka karna wini banhwan: “¡Baha waitnika ba mahka ikaia aitani sa! ¡Naha sât waitnika ba sip apia kau raya kaia!”

Kli Smalkanka 18:20

Sakuna prapit ra, yang diara wiras kapri nini bri aimayuni aisi ba, apia kaka gâd wala nani nina brih aisi ba, witin ba pruaia pâtka ra lakan kabia.’

Wihta Nani 6:30

—Luhpiam waitna ba latara sâks, yang nani witin ba ikaisna. ¡Baal altarka kata ba witin mita saki mâyara swin, bara upla bahara ai pura suni dusa altar lamara kata ba sin!