Jirimaya 23:22 - DAWAN BÎLA AISKA

²² Witin nani ba yang tâinka dahra prakan ba tânka kaikan kata kaka, baku lika witin nani bui yang upliki nani ra aisaia sip kan; bara baha nani yabal saura nani ba sin swiaia kan ai daukanka saura nani ba sin swiaia kan.”

Jirimaya 23:22 ပူးပေါင်းရင်းမြစ်များ

Jirimaya 23:14

Yang kaikri prapit nani Jerusalem ra bâra ba, diara saura pali daukisa: upla maya lâka krikisa bara upla ra taibisa, baha dauki ba mita watawikira nani ba kau tâ baikisa, upla kumi watawika lâka ba swi si tnaya ra tawras. Witin nani ba bara tawan uplika nani ba Sodoma bara Gomora uplika nani baku sa.

Jirimaya 23:18

¿Sakuna ya Dawan tânka bâra ba kaikisa? ¿Ya pat baha kaikan, apia kaka ai bîla aisin ba walata ki? ¿Ya pat witin ra aman pali walata ki?

Jirimaya 25:5

Witin nani bui man nani ra mai win: ‘Wapankam saura nani ba swis bara daukankam saura nani ba sin swis; bara baku Dawan bui man nani ra maikan bara damikam nani ra sin yaban ba tasbaya ra iwi ban kaia.

Jirimaya 35:15

Yang bui man nani ra prapit kumi blikri, kli wala blikri, albiki prapit nani sut blikri mai wiaia: Man nani natkam saura nani ba daukankam saura nani ba swiaia. Man nani lika gâd wala nani ninara waia apia, baha nani ra sin mayunaia apia, bara baku man nani damikam nani ra baha tasbaya maikri bâra iwi kaia sip kama. Sakuna man nani bui yang ra walras, bîli wali sin daukras.

Jirimaya 36:3

Ban kra Juda uplika nani tânka bribia baha pâtka nani sut witin ra blikaia lukisna ba, witin nani ai daukanka saura ba swibia kaka, witin nani ai watawanka saura daukan pâtka nani ba ban swih tikamna.”

Jirimaya 9:12

¿Ya ba ban aitani sinskira pali sa baha tânka briaia? ¿Yaura Dawan baha tânka nani ba briaia marikan, bara witin tawi upla wala ra baha tânka wiaia? ¿Dîa muni kuntrika ba diara slingwan baku ba, lâwan upla iwras tasbaya baku ba, bahak sin upla impakras ba?

Isikiel 13:22

Man nani, kuninkam lâka ni, upla yamni nani ba sasibrira daukram, yang baha daukaia lukras katna ba, bara kli tawan taim watawikira nani ra tâ baikisma ai daukanka saura nani ba ban dauki kaia. Baku yang bui witin nani ra rayaka yabamna apia dukiara.

Isikiel 13:5

Israel kaina kahbaia dukia diara kumi sin daukras, Dawan yua balbia bara witin nani aiklabi bapi bûi kaia dukia.

Isikiel 18:30

Yang bui man nani kumi bani lâmka daukisni, Israel wina nani daukanka ba kat. Yang, Dawan, kasak aisisna. Watawankam nani sut ba mahka swis, bara man nani klauna sauhki mai tikaia pâtka ba brima apia.

Isikiel 2:7

Man, yang bîli nani na aisas, ban kra bîlam walbia apia kaka walras kabia, kan uya mapara babura sa.

Isikiel 3:17

“Upla luhpia, yang aihwawakra baku mai mangkisni Israel watla ra, bara dîa mai wimna ba baha man wima witin nani pat ai dara wali banhwi kaia mata.

Emus 3:7

Dawan ba diara kumi sin daukras sa, witin ai prapitka ra param sakras sa kaka.

Sakaraya 1:4

Damikam nani daukan baku daukpara, prapit nani kaina piua ra kan nani ba bui yang bîli witin nani ra smalkan, ai natka saura, ai daukanka saura nani ba mahka swiaia, sakuna witin nani lika yang bîli walan daukras kan, bara baku sin tawi ai kaikras kan. Yang, Dawan, kasak aisisna.

Malaquía 2:6

Libai smalkanka tâski âpu kasakka tânka kat smalki kan. Yang wal wapni, kupia kumi lâka, upla ailal saura wina yamni ra lakan.

Apastil Nani Sturka 20:27

kan yang bui man nani ra Gâd ai kupia ra luki dukia nani ba tânka yukukras param pali mai wîri.

1 Tesalonaika 5:6

Baku bamna, yawan na wala nani ba baku yapaia apia sa; yawan lika raya kaia sa bara wan dara sin pain wali kaia sa.