Jirimaya 23:14 - DAWAN BÎLA AISKA

¹⁴ Yang kaikri prapit nani Jerusalem ra bâra ba, diara saura pali daukisa: upla maya lâka krikisa bara upla ra taibisa, baha dauki ba mita watawikira nani ba kau tâ baikisa, upla kumi watawika lâka ba swi si tnaya ra tawras. Witin nani ba bara tawan uplika nani ba Sodoma bara Gomora uplika nani baku sa.

Jirimaya 23:14 ပူးပေါင်းရင်းမြစ်များ

Blasi Sturka 13:13

Ban sakuna, Sodoma uplika nani ba upla saura pali kan, saurka lâka tara nani Dawan mapara dauki kan.

Blasi Sturka 18:20

Bara Dawan bui witin ra naku win: —Sodoma bara Gomora wal uplika nani sturka ba tara pali sa, watawika lâka ba sin tara pali sa.

Blasi Sturka 19:24

Bara Dawan mita Sodoma bara Gomora wal purara kasbrika pura wina sulpa pauta klauhan wal yakaban;

Blasi Sturka 19:25

bara tawan nani, baha bilara iwi kan nani ba, diara nani pâwi kan ba sut âpu daukan.

Aiseya 9:15

(Lal ba sika, almuk bara wihta nani ba, prapit nani kunin smalki ba, baha nani sika wâika ba.)

Jirimaya 14:14

Bamna Dawan pana ai win: “Prapit nani ba yang nini bri baku aisisa kaka, kunin aisisa. Yang bui witin nani ba blikras, witin nani ra sin yang aisaras, witin nani aisaia sin yang wiras. Witin nani nahki kunin aisaia tânka ba param kaikan, upla ra kunin munaia tânka ba param brin, ai lukanka kat luki kaikan ba. Baha prapitka nani ba sika naha kunin aisaia dahra ba man nani ra aisisa.

Jirimaya 18:13

Baha mita Dawan naku aisisa: “Nisan nani tilara man nani makabi wals, baha sut sturka talia upla kum kum walan sapa. ¡Israel luhpia nani diara saura pali daukan ba!

Jirimaya 20:16

¡Baha waitnika ba Dawan mita sauhkan tawanka nani ba baku sauhkan ba ban kabia! ¡Titan ra wali kabia latwan pali bri inanka nani ba, bara wan lal kat war winanka ba,

Jirimaya 23:17

Yang bîli kulkaia apia aisi nani ba wisa: ‘Diara sut yamni man takbia.’ Lal karna ai kupia lukanka kat luki tniwi nani ba aisisa: ‘Man nani puramra diara saura kumi sin balbia apia.’ ”

Jirimaya 23:22

Witin nani ba yang tâinka dahra prakan ba tânka kaikan kata kaka, baku lika witin nani bui yang upliki nani ra aisaia sip kan; bara baha nani yabal saura nani ba sin swiaia kan ai daukanka saura nani ba sin swiaia kan.”

Jirimaya 23:32

Yang param aisisna baha prapitka nani kunin yaprisauhkanka nani aisi ba mapara; sturi bahki man kunin aisi, upliki nani ba mawahkisa. Yang baha nani ba blikras, aisaia adarka sin yaras, baha mita witin nani karnika âpu sa upla nani hilpka daukaia. Yang, Dawan, kasak aisisna.

Jirimaya 29:21

“Dawan, karnika sut bri ba, Israel Gâdka ba, Ahab, Colaías luhpia waitna ba, dahra aisisa; Sedequías, Maaseías luhpia waitna ba, dahra aisisa; witin nani bui yang nani ra, Dawan nina ra kunin aisi mai wisa: ‘Yang daukaisna witin nani ba Nabucodonosor munhtara kauhaia, bara witin baha nani ba ikbia bara man nani kaiki kama.

Jirimaya 29:23

Witin nani ra baku takbia, kan Israel wina tâski daukaia dukia nani daukan bamna: ai uplika maya nani lâka krikan, yang nini bri kunin manis aisin, baku aisaia wiras katna ba. Yang baha kaikisna, yang ra param sa. Yang, Dawan, kasak aisisna.’ ”

Jirimaya 36:2

“Ulbaia wauhkataya kum bris, bara bahara Israel Juda bara nisan wala nani dukiara sin, yang diara mai wîri ba uls; Josías piua mai aisisatna ba wina naiwa kat sturka ba sut.

Jirimaya 49:18

witin nani ra sin Sodoma, Gomora wal, lamara tawanka nani kan bara sauhki tikan ba, baku takbia. Upla kli bahara iwbia apia, bahak wapi sin lui kabia apia. Yang, Dawan, aisisna.

Inanka Nani 4:6

Yang upliki nani watawanka Jerusalem ra saura munan ba kanra tara sa, Sodoma saura daukan ba wal, baha lika tasbaya purara upla bal aiklabras, minit kumi ra sauhkan.

Isikiel 13:16

Israel prapitka nani Jerusalem dukiara kunin smalki nani ba, bara diara tânka kaiki nani ba kupia kumi lâka ra aisi kan, sakuna kasak pali ba lika baku apia kan.’ Yang, Dawan, kasak aisisna.

Isikiel 13:19

Man nani, barli mâ mihtam banhki bri bara brit pîs ba wal, upliki nani mawanra swiri paskisma; upla nani pruaia apia kata ba ikisma, bara raya kaia apia pruaia kata ba baha lika swiram raya sa. Baku upliki nani ra kunin munisma, kunin lâka ra kasak luki nani ba.

Isikiel 22:25

Kuntri kum tâ wihta nani ba layan baku, diara alkan ba bisbi tikisa; ai tasbaya ra upla nani ba pîsa, ai kukanka ba bara diara apahkan ba implikisa, bara mairin ailal pali piarka swisa.

Oseas 6:10

Israel watla bilara yang diara saura pali nani kaikri: Efraín urkira takan; Israel ba tâski pali takan.

Emus 4:11

“Man nani ra yang bui sauhkanka saura kum ni sauhki mai tikri, sim Sodoma bara Gomora wal ra sauhki tikri ba baku; pauta klauhan kum pauta aswi ba tila wina sakan baku kan. Baha sut daukri, ¡sakuna man nani lika yang ra kli tawi balras!” Dawan baku kasak aisisa.

Miqueas 1:5

Jekob uplika nani, Dawan mapara buan tâka wina naha pâtka aula; Israel luhpia nani saura daukan ba tâka mita sin. ¿Jekob mita mapara buanka daukata ba, anira sa? ¡Sameria tasbaya ra sa! ¿Dawan ra kulkras lâka ra, Jekob mita lilka bahki nani paski, bahara pura sunaia watla nani mâkan ba anira sa? ¡Jerusalem tasbaya ra sa!

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Sofonías 3:4

Ai dahra aisasarika nani ba, saura daukisa kunin lâka ra; ai prîska nani ba, Dawan lâka kriki bara Dawan wal prawaia watla holi ba bahki lâka ra daukisa.

Sakaraya 13:2

Bara naha kuntrika aiska ra gâd bahki nani ba nina ba kat sin sut sauhki tikamni, ban baha nani nina ra ai pura suni kaia apia dukiara. Prapit nani lukan tâski bri nani ba sut, naha kuntrika wina sakamna. Yang, Dawan, naha aisisna.

Malaquía 1:1

Naha bîla nani sika Dawan, Malaquías ra aisin ba Israel luhpia nani ra wiaia.

Matiu 11:24

Sakuna mai wisna, lâ daukaia yua ra, Sodoma tawanka wal man nani kau pât tara brima.”

Kli Smalkanka 32:32

Witin nani ba wain nasla saura sa, Sodoma bara Gomora wal kiamka nani sa, wain tahpla puisinkira sakisa;

1 Timoti 4:2

Upla mawan wâl bara kuninkira nani ra walbia, baha nani kupia lukra ba sim ayan angkan lapta ba baku sa.

2 Pita 2:6

Sodoma bara Gomora tawanka wal ba, Gâd mita ban swi âpu daukan, bara pauta mita angki yamhpus baman daukan, baha lika naika piua ra upla nani saura lâka ra iwbia nani sut ra latan sampla kum kabia wisi.

Judas 1:7

Baku sin Sodoma, Gomora bara baha lamara tawan nani kan ba, baha insalka nani kauhan ba baku witin wîna nani sîn tara brinka mita munan saurka ra diman; saurka uba dauki ba mita, paskanka ban bâra ba mapara takan. Baha mita pauta ami ban kaia pâtka ba wahwan bara upla sut ra kupia kraukanka kum baku takaskan sa.

Param Marikanka 11:8

Ai wîna tara nani pruan ba, wan Dawan dus prihni ra saban tawanka tara wakpaska nani ra prawi kabia. Baha nina ba pirit tânka mapa ra Sodoma mâkisa, Idsip sin.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.