Jirimaya 22:3 - DAWAN BÎLA AISKA

³ ‘Kasak lâka bara wapni lâka ba man nani naha tasbaya ra dauks, man nani tataibra nani ba mihta wina taiban uplika nani ba pri sâks, tringsar nani ba mâyara kulkpara bara sin rausauhkpara, rau nani ba bara piarka mairin nani ba sin. Upla pâtkas nani ba sin ikpara.

Jirimaya 22:3 ပူးပေါင်းရင်းမြစ်များ

2 Samuil 23:3

Israel Gâdka ba witin aisin; Israel kan kakahbra ba witin bui yang ra ai win; upla purara kasak lâka ra wihta aimaki ba, “Dawan ra sin sibrin luki wihta aimaki ba,

2 King Nani 24:4

baku sin tala pâtkas Jerusalem ra laikan kan ba tâwan. Baha mita Dawan bui naha pâtka kau ban swih tikras kata.

Job 22:9

Piarka mairin nani ba ai mihta bîla baman ban swiram wi kan, bara rau nani ra saura muni kapram.

Job 24:9

Piarka nani bisiura ai luhpia aisubi sakan ba mihta dakbisa, umpira nani ra taibi munisa ai wîna sakahkaia dukia nani bri ba yabia wisi.

Lawana Nani 68:5

Gâd ai tempelka holi ra iwi ba, witin sika rau nani aisika ba, bara sin piarka nani ra tâ babaikra ba;

Lawana Nani 82:4

¡Swapni bara umpira nani ba pri sâks, bara watawikira nani ba wina tâ baiks!

Lawana Nani 94:21

upla dakni kum taki pâtkas bara kulkanka bri nani mapara buisa, bara ban pruaia kat lakisa.

Lawana Nani 94:6

Piarka nani bara tringsar nani ra ikisa; rau nani ra sin ikisa.

Impakan Sturka 22:21

“Upla tringsar nani ra saura munpara bara rau sauhkpara, kan man nani sin tringsar kapram Idsip tasbaya ra.

Impakan Sturka 22:22

“Piarka nani ra saura munpara, bara tuktan rau nani ra sin,

Sins Lâka 23:10

Tasba markka almuk bâra kan ba, man kitpara, bara rau nani nasla ra dimpara.

Sins Lâka 6:17

ai nakra praut lâka ra kaiki ba, twisa kunin aisi ba, mihta nani sin tala pâtkas laiki ba,

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Aiseya 58:6

Baha apia sika. Kaiki plun wahwi tânka yang yamni kaikisna ba sika naha: kasak apia lâka ra silak ra priskan ba wina kriki sakisma ba, lal wilkaika dusa ra taibi wilkan ba wina lanhkisma ba; taiban uplika nani pri sakisma ba. Baku sin man tataibra nani ba âpu daukisma ba sika.

Aiseya 58:7

Plun wahwi nani ba wal, patam ba wina yuaia, umpira nani aimawahki tauki nani ba wamtla ra bris, kwala luha nani ba kaikma bara dimaika yama, bara man muihkam nani pât ra ba hilpka daukaia.

Jirimaya 19:4

Kan Israel luhpia nani ai lulki ai swin bara tasbaya na upla tringsar tasbaya daukan; nahara gâd wala nani ra diara kîa pain nani angki yabi kan, baha gâdka nani ba witin nani sin apia ai damika nani Juda kingka nani sin kakaira apia ba, upla pâtkas nani sin nâra iki tâlia laikan.

Jirimaya 22:17

“Sakuna man lika yakan briaia trabil taki lukisma saura dauki sakram ba wina, pâtkas nani ba ikaia daukram, uplikam nani ba taibisma bara dukia dakbisma.”

Jirimaya 26:16

Bara wihta nani ba bara upla wala nani ba sin prîs nani ra bara prapit nani ra sin win: “Dîa tâwan naha waitnika na pruaia pâtka ra lakaia tânka ba âpu sa; witin Dawan, wan Gâdka nina ra yawan ra aisin.”

Jirimaya 5:28

witin nani plun pain pîsa ba mita batana sa. Ba mita watawika lâka nani dauki ba takaskras: rau nani ra raitka yaras, umpira nani ra sin raitka yaras.

Jirimaya 7:23

Yang bui witin nani ra wîri ba lika yang bîli wali kaia bara yang lika witin nani ai Gâdka kamna, baku witin nani sin yang upliki nani kabia. Bamna yang dîa aisari ba witin nani dîa daukaia wîri ba baku dauki kaia, diara yamni witin nani takaia mata.

Jirimaya 9:24

Upla kum aimayunaia brin daukisa kaka, yang ai kakaira taki bara witin aimayunbia, witin tânka bribia yang sika Dawan sna ba, yang latwan kaiki tasba ra diara daukisna, kasakka lâka, wapni kaka ni, yang baha daukaia sika yamni kaikisna. Yang, Dawan, kasak aisisna.”

Inanka Nani 3:36

lâ kum kasak wapni ba warbi laki saura daukaia ba, baha sut ba Dawan yamni kaikras sa.

Isikiel 18:12

upla umpira ai nitka bri nani ra taibi ba, upla wala nani ra impliki ba, ya wina diara brin dukia nani ba kli aibapras ba, witin ai lukanka gâd bahki nani ba ra mangki ba bara yang saura kaikisna dukia nani dauki ba,

Isikiel 18:7

upla ra taiban lâka munras, ya wina dîa brin ba kli yabisa; upla kumi ra sin implikras; ai britka ba yui brisa ai walka wal, bara ai kwalka ba kwala luha nani ra yabisa;

Isikiel 22:7

Uplikam nani ba, ai aisa bâra ba ai yapti nani ra kulkras sa, tringsar nani ra saura munisa, rau bara piarka nani ra taiban lâka ra diara bri ba dakbi brisa.

Isikiel 45:9

“Yang Dawan sna ba, aisisni: ¡Ba kat aitani sa, Israel gabamintka tâ brabrira nani! ¡Kau taiban lâka âpu, saura munan sin âpu! ¡Kasakka lâka ra bara wapni lâka ra taws! ¡Upliki nani tasbaya implikisma ba swis! Yang, Dawan, baku adar yabisni.

Joel 3:19

Idsip slingban ba baku ban kabia, Edom sin twi saura tasbaya upla bâra iwras ba baha ban kabia, witin nani mita sika Juda uplika nani ba pâtkas kan, mapara aiklabi tala laiki ikan bamna.

Libait Lâka 19:15

“Lâ kat upla lâka daukisma ba ra, kli warha daukpara: upla mita kulkras ba ra sin tâ baikpara, karnika tara bri nani ra sin bawpara. Sakuna lâka ba kasakka lâka dauks.

Emus 5:15

¡Diara saura daukaia ba, man nani misbara kaiki bas! ¡Bara diara yamni daukaia ba latwan kaiks! Aman kaiks lâ pliska nani ra lâ kasak ba daukbia, baku daukma ban kra karnika sut pali brih Dawanka ba, Israel luhpia nani kau bâra ba, ban umpira kaiki bâra swibia.

Emus 5:24

Lâ wapni dauki kaia lâka ba yarka lî laiwi baku kabia; kasakka lâka ba awala laya sip lâwras ba baku kabia.

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Miqueas 6:8

Dawan bui man ra pat mai win, dîa ba yamni daukaia tânka bara dîa man wina bîla kaiki ba. Bamna naha pali sika, man daukaia witin mamkabi yaba: kasakka lâka daukma, kupia pihni lâka ba, latwan kaikma, bara Gâdkam mawanra bawikira kaia sma.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Matiu 23:23

“¡Lâ Smasmalkra nani bara parisi nani, kuninkira nani, man nani mampara saura pali kabia!, diara matawalsip bani wina kumi Gâd ra yabaia ba, man nani baha mint wahia, anis bara kumin wina yabisma, sakuna lâ smalkanka tara nani ba lika bîla walras, baha nani sika umpira kaikaia lâka ba, kasak wapni kaia lâka ba. Baha sika man nani daukaia sma ba, bara wala ba sin swiras ban dauki kaia sma.

Kli Smalkanka 10:18

rau bara piarka nani lâka kasak daukisa, bara tringsar man nani tilamra iwi ba ra latwan kaiki, pata bara kwalka sin yabisa.

Kli Smalkanka 24:17

“Tringsar nani bara rau nani lâka ba warha daukpara, piarka nani kwalka sin dakbi bripara.

Kli Smalkanka 24:7

“Israel uplika kum mita ai tasbaya uplika ra impliki alba natka ra lakbia, apia kaka atkka wabia, baha ba pruaia pâtka ra lakbia. Baku lika man nani tilamra saurka lâka bâra âpu daukbia.

Kli Smalkanka 25:1

“Upla nani unsaban bâra sa kaka, wihta nani mawanra balbia, bara wihta nani mita param sâkbia pâtkas ba, bara pâtkira ba pât ra laki swibia.

Kli Smalkanka 27:19

‘Tringsar nani mapara, piarka nani ra, rau nani ra lâka watawi daukbia kaka, lahtuban kabia.’ Bara upla sut wibia: ‘Baku kabia.’

Jems 1:27

Gâd Aisa mapa ra kristian lâka klin bara tâski âpu ba naha sika: Tuktan rau nani bara piarka nani ra hilp munaia, bara naha tasbaya dukia saura nani wal tâski takaia apia.