Jirimaya 22:15 - DAWAN BÎLA AISKA

¹⁵ ¿Man lukisma yalam tatka kainam kir brih iwisma ba mita king sma? Man aisikam ai raya ba lilia brin, sakuna kasak lâka wapni lâka ra ai warkka dauki kan, baha mita diara sut dauki kan ba yamni man taki kan.

Jirimaya 22:15 ပူးပေါင်းရင်းမြစ်များ

2 Samuil 8:15

Debit lika Israel luhpia nani sut kingka aimakan bara kasakka lâka, wapni lâka kat daukan upla sut wal.

1 King Nani 10:9

¡Dawan Gâdkam ba yamni pali kabia, witin aitani lukan ba man ba Israel king iwaika ra iwaia! Kan Dawan lika piua bani ra Israel ra latwan kaikisa, bara man ba king mai mangkan sa, lâ wapni bara kasak kat daukaia.”

2 King Nani 22:2

Josías Dawan mawanra diara kasak baman daukan, ai yabalka nani sut tilara ai damika Debit yabalka ba kat tauki kan, bara baha yabalka wina tnaya ra tawras ban wapi kan.

2 King Nani 23:25

King wala witin wal baku âpu kan, kainara bara ningkara sin, ai kupia bara ai sulka aiska kira Dawan ra tawan ba, Moses lâka ra ulban ba kat.

1 Kronikas 3:15

Josías luhpia nani ba naha nani kata: Tawahkia ba, Johanán; ningkara ba, Joaquim; yumhpika ba, Sedequías; bara walhwalka ba, Salum.

2 Kronikas 34:2

Josías daukanka nani ba wapni kan Dawan nakra ra, kan witin ai almukka Debit yabalka ra wapan, baha yabalka wina kitwi takras kan.

2 Kronikas 35:22

Sakuna Josías ai ninara tawras, ban mapara aiklabaia lukan, Necao bîla walras kan naha na Dawan bui blikan balan ba. Baku bamna mahka war aiklaban Meguido langnika ra,

2 Kronikas 35:26

Josías sturka nani bara diara kasak nani daukan sut ba, Dawan lâka wauhkataya ra ulban ba baku,

Sins Lâka 20:28

King ai iwaika ba kasak pali main kaikisa latwan lâka ba bara kasak lâka ba pain dauki ba ra.

Sins Lâka 21:3

Kasakka lâka bara wapni lâka ba dauks, kan Dawan mita baha ba kanra yamni kaikisa daiwan nani iki angki dauki ba wal.

Sins Lâka 25:5

upla watawikira ba, king mawan wina aihka sâkma, bara king iwaika tara ba, kasakka lâka ra ni dutki bapan kabia.

Sins Lâka 29:4

King lâ wapni aisi dauki ba mita, tasbaya ba buki bapisa; sakuna lal mana sakaia upla ra taibi makabi waitnika, ai tasbaya ba dringbisa.

Sins Lâka 31:9

¡Bîlam baikra buks, bara kasakka lâka ba dauks; umpira nani ba tâ baiks bara bawikira nani ba sin!

Smasmalkra 10:17

¡Lilia pali sa, ani kuntrika king kulkanka bri kan mangki bri ba, bara tawan wihtka nani sin ai piu kat plun pîsa, ai karnika briaia dukiara bara bla takaia dukiara lika apia!

Smasmalkra 2:24

Upla ba diara kau yamni daukaia ba sika piaia bara diaia, bara ai rayaka ba lilia daukbia ai warkka mâ nani ba wal, baku sin kaikri, naha ba Gâd mihta wina sa.

Aiseya 3:10

Kasakkira nani ba, witin nani lilia pali kabia, ai mihta warkka mâ nani pibia bamna.

Aiseya 33:16

baha ba kasak iwbia, walpa tara nani ra ai kan kahbaika pliska kum bribia, witin ra ai pata yabia, ai laya briaia ba lika kasak pali brin kabia.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 22:18

Bamna Dawan Joaquim, Josías luhpia waitna Juda kingka ba dahra aisisa: “Witin prubia ba sarka inaia upla âpu kabia. Upla kumi sin âpu kabia pura mata ini aisaia: ‘¡Alai, muihki! ¡Alai, laikra! ¡Alai, Dawan! ¡Alai, king tara!’

Jirimaya 22:3

‘Kasak lâka bara wapni lâka ba man nani naha tasbaya ra dauks, man nani tataibra nani ba mihta wina taiban uplika nani ba pri sâks, tringsar nani ba mâyara kulkpara bara sin rausauhkpara, rau nani ba bara piarka mairin nani ba sin. Upla pâtkas nani ba sin ikpara.

Jirimaya 23:5

Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Jirimaya 42:6

Dawan pana aisabia ba yang nani kupi lâka kabia, apia kra kabia sin, yang nani Dawan Gâdki bîla walamni, witin ra puram sunaia yang nani makabisna, baku yang nani ra diara sut yamni kaia dukiara.

Jirimaya 7:5

‘Man nani rayakam lâka warkkam nani ba yamni daukma kaka, walkam aikuki sin kasakka lâka daukma kaka;

Luk 11:41

Sakuna man nani mita umpira nani ra diara yabi bas bîla tani ra bâra ba wina, bara baku mika diara sut klin daukan kabia.

Apastil Nani Sturka 2:46

Yu bani witin nani tempel ra asla taki kan, bara utla bani ra asla taki, liliakira ai kupia kumi lâka ra ai pata pi kan.

1 Korint 10:31

Baku bamna, pi banhwisma sapa, di banhwisma sapa, dîa dîa daukisma sapa, sut ba Gâd prana dukiara dauki bas.

Kli Smalkanka 4:40

Ai lâka bîla nani naiwa maikisna na, man nani dauks, bara yamni kama, kiamkam nani ra sin. Dawan Gâd bui kuntrikam ban kaia ra maikuya ba ra pruras mani ailal raya banhwi kama.”