Jirimaya 21:5 - DAWAN BÎLA AISKA

⁵ Bara yang bui man nani mampara aiklabamna, karniki ba kupi baiwan laptika tara ba param sakamna.

Jirimaya 21:5 ပူးပေါင်းရင်းမြစ်များ

Impakan Sturka 6:6

Bamna Israel luhpia nani ra wih wis yang, Dawan mita witin nani alba lâka ra ba wina pri sakaisna, Idsip uplika nani mita wark karna yan taki ba wina sin. Yang karniki ba mariki witin nani ba swaki sakamni, warkki karnakira lâ wapni daukisna lâka ba wal;

Impakan Sturka 9:15

Yang pali mihti buki, man nani ra siknis nani wal klala maikri kan kata, man nani sut pat naha tasba wina sauhki âpu mai tikan kaia kan.

Aiseya 10:4

Witin nani bahki mai kulkbia bara silak ra mai mangkaia mai brih wabia, pruan ba nani tilara ikan kabia. Baha sut daukan kabia, ban sakuna, Dawan ai kupia baiwanka ba takaskbia apia; ai mihta bukan ba ban sa.

Aiseya 5:25

Baha ba tâwan, Dawan kupia baiwanka ba ai uplika nani mapara sakan bara witin nani mapara ai mihta sakban bara klala yan. Il nani ba tatatban, ai pruanka nani ba dipasta baku yabal lila kat lulki swin. Sakuna baha sut ba mita, ai kupia baiwanka kau takaskras kan; ai mihta ba kau ban sakbi brisa.

Aiseya 63:10

Sakuna witin nani Dawan mapara babura nani takan, Dawan holikira lâka ba witin nani mita kupia baikaia daukan; baha mita witin baha nani ba waihla takan bara witin nani ra aiklaban.

Aiseya 9:12

Lalma wina Siria uplika nani, muna wina filisteo nani balbia Israel luhpia nani ba ai bîla banhki langki pibia. Baha sut daukan kabia ba wal sin Dawan ai kupia baiwanka ba kau takaskras; witin kau ban baha nani tayahki kabia.

Aiseya 9:17

Baha ba mita sika, Dawan ba wahma, tiara, rau bara sin piarka nani ra umpira kaikras kan ba. Witin nani sut ba, kuninkira, saura dadaukra, bîla tanis nani baman aisi uplika kan. Baha sut daukan, sakuna Dawan kupia baiwanka ba dasras kan; ai mihta bukan ba ban sa.

Aiseya 9:21

Manasés mita Efraín ra sauhki tikisa, Efraín mita Manasés ra, bara wâlsut Juda mapara buisa. Ban sakuna baha sut ba mita Dawan kupia baiwanka ba takaskbia apia, ai mihta bukan ba ban sa.

Jirimaya 32:17

‘Dawan, man kasbrika pura bara tasba sin paskram ba ni karnikam tara ba marikisma. Man daukaia sip apia dukia ba âpu sa.

Jirimaya 32:37

Tawanka uplika nani ba kli asla daukisna, yang kupi baiwan, yang lawri bara yang lawanki tara ra kuntri nani ra yakabri ba wina, yang daukamna witin nani kli bal baha tasbaya ra ai âuyapah iwi kaia.

Jirimaya 36:7

Baha wali ban kra witin nani Dawan ra ai pura sunbia, bara ai daukanka saura nani ba swibia, kan Dawan ai kupia baiki, karna lawi naha uplika nani mapara bîla karna aisin sa.”

Jirimaya 37:10

Man nani Caldea uplika nani ba mapara aiklabi aiklaklabra nani ba sut ikma sin, sakuna insauhkan aiklaklabra nani watla ra bâra ba, baha nani ba bal tawanka na angkbia.”

Jirimaya 6:12

Watla nani ba, nasla nani ba, maya mairin nani ba upla wala nani bribia. Kan yang mihti bukamna baha kuntri ra iwi nani ba klala yabaia. Yang, Dawan, kasak aisisna.

Inanka Nani 2:3

Witin ai kupia baiwanka ra, Israel karnika aiska ba klaki dakban. Yawan wina laihura sakan ai hilpka karnika ba, wan waihla mapara buan piua ra; ¡Jekob ra pauta laknika kum yan klauhan, sauhki tiki kan dîa wal prawi bani ba!

Isikiel 39:3

Bara pantamangka mihtam smihka ra bri kama ba yabrika kauhbia, trisbaya nani mihtam aihkika ra bri wama ba sin kauhaia daukamna.

Isikiel 5:8

Baha mita, yang, Dawan, naku aisisna: Jerusalem, yang sin man mampara buaisna; yang bui man mampara lâ daukaia sna nisan nani sut mawanra, bara nisan sut mawanra,

Kli Smalkanka 4:23

Sakuna aman kaiks, Dawan Gâd bui man nani wal ai lâka aisi daukan yaba âmya tikpara. Aidul lilka kumi sin daukpara, Dawan Gâd mita waihlam mai kulkan ba,

Kli Smalkanka 4:34

¿Gâd wala bâk sakan ba ra kangbi, upla wala nani tilara tânka tara kaiki, sain nani wark aihkakira dauki, war aiklabi kira tasba ra ai karnika marikan, Dawan Gâdkam Idsip ra man nani mamta daukan kaikram ba?