Jirimaya 20:8 - DAWAN BÎLA AISKA

⁸ Aisisma ba sika piua bani aisisna bara lâ krikanka nani bara sauhkaia sturka baman sa; piu sut maipara saura aisisa bara laiwaska sin kikisa man aisisma bîla ba yang aisisna ba mita.

Jirimaya 20:8 ပူးပေါင်းရင်းမြစ်များ

2 King Nani 2:23

Baha ningkara Ilaidsa Betel ra wan. Bara witin yabal ra auya kan ba ra, tuktan dakni kum tawan ba wina lawaska kiki, wini win: “¡Lal daiwra, uli was! ¡Lal daiwra, uli was!”

2 Kronikas 36:16

Sakuna Gâd blikan uplika nani ra lawaska kikan, maisa papakra nani ra sin kulkras kan, prapit nani ra lawaska kikan, Dawan kupia baiwanka balan kat ai uplika nani mapara, bara diara wala daukaia âpu kan.

Aiseya 57:4

¿Ya dukiara man nani lawaska kikisma? ¿Ya mapara mamwan aihka dauki misbara lâka dauki kapram? ¿Ya mapara twisam daiki mariki kapram? ¡Man nani saura dadaukra nani, upla kuninkira nani!

Jirimaya 15:10

¡Yaptiki, yang sari pali ai daukisa man tasba ra ai bri balram ba tasba aiska ra upla aikuki unsabaia bara aiklabaia baman! Upla kumi ra sin yang lalah lin munras, witin nani sin lin ai munras, ban sakuna witin nani sut ba mita laihtubisa.

Jirimaya 15:15

Dawan, man lika diara sut tânka brisma ba, ¡yang ra ai luki bas, bal hilp ai muns! ¡Waihli nani nini bliki ba man bui witin nani ra pana muns! Witin nani mapara man ban kupiam alki takaski kapara, witin nani ban yang ra ai ikbia; kaiks man tâmwan diara saura nani ai wi ba ban kupi alki takaskisna.

Jirimaya 17:27

Sakuna man nani lika yang lâ aisari ba wali daukras, baku yua ba yang yui aikras, ris yua ra Jerusalem getka ra diara twilki dimaia apia wisna ba sin walras sma kaka, bâra lika yang tawan getka nani ba ra pauta mukamna, pauta klauhan kum king watla Jerusalem ra bara upla kumi sin sip daskbia apia.’ ”

Jirimaya 20:7

Dawan, man kunin ai munram, bara yang sin kunin ai munan takri; man kau karna sma, bara puri luram. Piu sut upla ai kaiki kikaia dukia kum takri; upla sut yang laiwaska kikisa.

Jirimaya 28:8

Piua luan ra dahra aisi kan uplika nani ba, yang kau aisubras man sin kau aisubras kapram, witin nani aisi kan war aiklabia pât tara aula, siknis nani sin naha nisanka nani mapara, king tasbaya karna nani mapara sin.

Jirimaya 5:1

Dawan ba naku aisisa: “Man nani Jerusalem yabalka aiska plapi taws, pulaia pliska nani ba ra pliki pain laki kaiks, upla kasakka lâka kat dauki ba kum man nani wal prawma sapa, witin kunin luha kaia luki ba. Man nani ba witin wal prawma kaka, yang bui Jerusalem pâtka ban swih tikamna.

Jirimaya 5:6

Baha tâka mita layan nani taki bal witin nani ba ikbia, upla iwras tasbaya wina yul wail nani bal drusbia, bara limi bulni nani mita sin ai tawanka bîla kat dimi witin nani takbia bara alki aubi kalkbia; witin nani sika saurka ailal pali daukan bamna, aima ailal upla pât ra lakan.

Jirimaya 6:10

Bara yang pana wîri: “¿Ya yang ra ai walbia, bara witin nani ra aisamna kaka, mai sauhkanka na witin nani ra wimna kaka? Witin nani ai kiama ba prakan sa, Dawan, witin nani sip walras sa; witin nani man aisisma ba lamwaska kikisa, aisisma ba witin nani yamni kulkras.

Jirimaya 7:9

Man nani implikisma, ikisma, upla maya lâka sauhkisma, swer taki kunin aisisma, Baal ra diara kîa pain angki yabisma, gâd wala man nani wal diara daukaia briras sma ba baha nani ra mayunisma,

Abakuk 1:3

¿Dîa kan man sari lâka bara watawika lâka nani ba sin marikisma ki? Lâ krikanka nani bara sauhki tikaia lâka nani ba kutbi kir ai brisa; tnaiya bani ra unsaban lâka bara aiklaban nani man kir sa.

Luk 11:45

Lâ Smasmalkra kum pana win: —Smasmalkra, man naha aisisma na wal yang nani ra sin swiri daukisma.

Hibru Nani 11:26

Witin Kraist tâwan bahki kulkan kaia pâtka wahwaia bani ai wîna ba kau yuyakira kulki kan, Idsip yuyaka aiska bri kaia ba wal; kan Gâd mita mana tara yabaia kan ba kat ai nakra kahbi bri kata.

Hibru Nani 13:13

Baku bamna, yawan kiamp lata tani ra taki Jisas ra wap, bara witin ra bahki kulkan ba sin wal aikuki twilkpi.

1 Pita 4:14

Kraist tâwan saura pali mai wibia kaka, man nani liliam bas; kan Gâd Spiritka pranakira ba man nani puramra bal iwi bahara takaskisa.