Jirimaya 20:6 - DAWAN BÎLA AISKA

⁶ Bara, Pashur, man Babilon ra mai brih wabia tamya nani sut aikuki. Man bahara pruma, bahara sin mai bikbia man uplikam nani ba sut aikuki; man bui witin nani diara dahra ba aisi katma ba.’ ”

Jirimaya 20:6 ပူးပေါင်းရင်းမြစ်များ

Aiseya 9:15

(Lal ba sika, almuk bara wihta nani ba, prapit nani kunin smalki ba, baha nani sika wâika ba.)

Jirimaya 14:13

Sakuna pana yang Dawan ra wîri: “Dawan, prapit nani ba aisisa, upla nani ra wisa war âpu, sanglang sin âpu kabia, man mita naha tasbaya na kupia kumi lamni baman kaia daukma.”

Jirimaya 14:16

Witin nani smalkanka wali uplika nani ba sin, war ra bara sanglang ra prui banhbia, mairka nani ba, luhpia waitna nani luhpia bara mairin nani sin. Pruan uplika nani ba Jerusalem yabalka ra lulkan kabia, bara upla âpu kabia bikaia ba. Baku witin nani watawika lâka mana ba aibapaia daukamna.

Jirimaya 20:1

Pashur, Imer luhpia waitna, witin ba prîs kan bara witin tempel main kaiki nani ba wihtka kan, bara witin walan Jirimaya baha bîla dahra nani aisi ba,

Jirimaya 20:4

Kan Dawan aisisa: ‘Man silp sirang iwi kaia mai daukaisna, uplikam nani ra sin sirang iki kaia; man namkra ni kaiki kama man uplikam nani ba waihlam nani sordka ra kauhi kabia. Juda uplika nani ba sut Babilon kingka mihta ra mangkamna, upla tila witin Babilon ra brih wabia, wala nani skiru ni ikbia.

Jirimaya 23:32

Yang param aisisna baha prapitka nani kunin yaprisauhkanka nani aisi ba mapara; sturi bahki man kunin aisi, upliki nani ba mawahkisa. Yang baha nani ba blikras, aisaia adarka sin yaras, baha mita witin nani karnika âpu sa upla nani hilpka daukaia. Yang, Dawan, kasak aisisna.

Jirimaya 29:32

yang Dawan sna ba, wisni Semaías ba klala yabamna, ai kiamka nani ba sin. Witin ai kiamka nani wina upliki tilara âpu kabia, upliki nani ra lilia lâka yabaisna ba tilara sin lilia bribia apia, witin ai bîla nani aisi kan ba mita upliki nani ba yang maipara buan bamna. Yang, Dawan, kasak aisisna.”

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Inanka Nani 2:14

Dahra aisasarikam nani diara kaikan, dahra kunin man ra aisi mai win ba, kau diara wala apia kata, kunin baman saki mai win sa. Witin nani saurkam ba param ra saki mai wiras kan, man lukkam ba lakaia dukiara; ban sakuna, diara kunin baman kaikan dahra aisi, bara baha ra kasak lukaia mai daukan.

Isikiel 22:28

Prapit nani ba diara kasak ba yukukisa, kutbanka pihni dauki baku; diara nani kaikisa wisa, bara dahra aisisa kuna ningkara sut ba kunin man takisa. Yang nini ra aisisa wisa, kasakka ba yang bui witin nani ra wiras.

Libait Lâka 26:17

Yang lika man nani mampara takamna, bara waihlam nani ba mita puram lubia, misbara mai kaiki nani ba mita mai taibi kabia, upla ninam blikras man yakan plapi kama.

Miqueas 2:11

Kunin aisasara kum, upla nani ra kunin muni dahra aisi wibia: “Yang lika wain laya bara laya tahpla dukiara aisi wisna”, baha sât prapitka sika naha uplika nani na brin daukisa.

Sakaraya 13:3

“Bamna upla kum ban dahra aisaia wibia kaka, aisika bara yaptika wal witin ra wibia: ‘¡Man pruaisma, kan Dawan ai bîla dahra aisi ba ninak man kuninkam ba aisaisma ba tâwan!’ ¡Ai aisika, ai yaptika pali mita skiru ni sabia, witin prapit baku aisi kabia ba ra!

Kli Smalkanka 28:25

bara waihlam nani bui mai taibia. Witin nani mapara asla taki dimi wama, sakuna aslika ba slingwi witin nani sîa yakabrira baman plapma, bara man tamka mita tasba kingka nani sut mai kaiki kabia ba sirang iwi kabia.