Jirimaya 20:18 - DAWAN BÎLA AISKA

¹⁸ ¿Dîa muni plauya ba wina bal takri latwan swira lâka briaia baman, bara baku rayaki ba swira lâka ni pura bikan ba baku bâra ban pruaia?

Jirimaya 20:18 ပူးပေါင်းရင်းမြစ်များ

1 King Nani 19:4

Bara witin lika upla iwras tasbaya bâk yu aiska kum wapi wan, bamna wih dus kum munhtara iwan, mahka pruan dauki kan, bara win: “¡Nanara aitani sa, Dawan, rayaki na sâks, kan yang na kau yamni apia sna, papiki nani ba wal!”

Job 14:1

Mairin wina aisubi takan uplika bani ba, rayaka kunhku brisa, pât dimaia lamara ban sa.

Job 14:13

¡Baku kaia kan, yang ba prura kingka tasbaya ra yukuwaia katna, kupiam baiwanka ba bal lui wabia ba kat, bara piua kumi mangkma yang dukira kupiam kraukaia!

Job 3:20

¿Dîa muni Gâd bui swin, pât wahwi uplika nani ba ingni ba kaikisa? ¿Dîa muni kupia wirha pali uplika ba, kau ban swisa raya kaia?

Job 5:7

Upla mita sika sari lâka pliki sakisa, pauta klauhan yuyaka biulwi ba baku.

Lawana Nani 102:3

Rayaki ba kiasma baku lui auya dusi nani ba sin pauta masku klauhi ba baku sa,

Lawana Nani 69:19

Man sika, baha nani saura ai wi kata kaikram, swira lâka bara kulkanka âpu ba sut pâtka wauhri; man sut kaikisma, ya ba yang waihli nani ba

Aiseya 1:6

Man nani minam bîla wina lamla bahna kat, diara yamni kumi sin âpu sa; baha sut ba, insauhkan baman, prukan baman, taya sukwan baman sa; sîka mangkras, kwala wilkras, batana laiki latwanka ba sin daskras.

Aiseya 51:7

“Yang ra ai wals, man nani kasakka lâka kakaira sma ba, upliki nani lâika nani bîla kaikanka brisma ba. Swappara witin nani saura mai wi ba dukiara,

Jirimaya 15:10

¡Yaptiki, yang sari pali ai daukisa man tasba ra ai bri balram ba tasba aiska ra upla aikuki unsabaia bara aiklabaia baman! Upla kumi ra sin yang lalah lin munras, witin nani sin lin ai munras, ban sakuna witin nani sut ba mita laihtubisa.

Jirimaya 15:18

¿Dîa muni latwan nani brisna ba sip dasras ban ba? ¿Dîa muni insauhkan nani brisna ba sip pruras, rakaika nani ba sut mapara bûi ba? Man ba yang maipara lî puputni kunin wan muni ba baku takram sa.

Jirimaya 3:25

Swira lâka ra bawi kap, swira lâka mita wan mawan prakan yawan tukta kan ba piua wina ban naiwa kat, yawan, wan damika nani sut sin Dawan wan Gâdka mapara saura daukan, yawan bui witin bîla wali daukras.”

Jirimaya 8:18

Sairka na tikaia saika âpu sa, kupi lukanka na daswuya sa.

Inanka Nani 1:12

¡Man nani, yabalku auma ba, wiria takaski luki kaiks, sari lâka wala yang sairka na baku bâra sa sapa, ai munan pât wahwisna na! ¡Dawan bui naha pât wahwanka ai blikan, ai kupia baiwanka lapta pali taki piua ra!

Inanka Nani 3:1

Yang sika pât saura wahwan waitnika ba, Dawan kupia baiwanka klalka mununhtara.

Abakuk 1:3

¿Dîa kan man sari lâka bara watawika lâka nani ba sin marikisma ki? Lâ krikanka nani bara sauhki tikaia lâka nani ba kutbi kir ai brisa; tnaiya bani ra unsaban lâka bara aiklaban nani man kir sa.

Jan 16:20

Yang kasak pali mai wisni, man nani ini kama bara sari sin banhwi kama, sakuna naha tasba uplika nani ba lika lilia kabia. Ban sakuna, man nani sari kama kra, kuna sarkam ba lilia ra ni tawbia.

Apastil Nani Sturka 5:41

Apastil nani lika lâ wihtka nani mawan wina liliakira pali taki wan, kan Gâd mita adar yan kata, witin nani ba Jisas nina tâwan swira bara pât wahwaia sin.

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

Hibru Nani 10:36

Man nani ba wihka bîla kaikaia lâka want sma, bara baku mika sip kama Gâd kupia lâka ba kat dauki, witin mita dîa pramis daukan ba briaia.

Hibru Nani 11:36

Tila nani lika lawaska kikan nani ba ra klala ni wipan, pât nani brin, bara wala nani lika, sîn ni priskan kata bara silak watla ra sin mangkata.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Hibru Nani 13:13

Baku bamna, yawan kiamp lata tani ra taki Jisas ra wap, bara witin ra bahki kulkan ba sin wal aikuki twilkpi.