Jirimaya 20:11 - DAWAN BÎLA AISKA

¹¹ Sakuna Dawan, man lika yang laimara sma aiklaklabra kum baku, man puram luaia âpu sa; nini bliki nani ba kauhbia, puri luaia sip apia kabia; sip apia takbia, witin nani swira takan kabia, bahki kulkan ni pura prakan ba âuya tiwbia apia ban kaia ra.

Jirimaya 20:11 ပူးပေါင်းရင်းမြစ်များ

Lawana Nani 129:2

aima ailal trabil nani bâk luri, yang wahma kapri wina, ban sakuna witin nani sip puri luras kan.

Lawana Nani 35:26

Saura ai munan ba kaiki, lilia taki banhwi ba, yarka witin nani sut swira daukan kabia; witin nani ba kau tara sa luki ba, yarka swira daukan prâka aiska dingkan kabia.

Lawana Nani 40:14

Yang rayaki sauhki tikaia pliki banhwi nani ba sut, yarka saura swira daukan kabia, lal sin tanis takbia; ¡baha nani yang ra saura ai munaia luki nani ba kli witin nani ra swira daukka plapi banhbia!

Lawana Nani 47:2

Kan Dawan Laih Purara pali iwi ba, aihka sibrinkira sa bamna; witin ba king tara sa naha tasba aiska ra.

Lawana Nani 6:10

Waihli nani ba sut, sibrin mita pruan baku takbia, witin nani tanis man kabia; ¡wan nakra klipan kum ra swira taki plapi banhbia!

Lawana Nani 65:5

Gâd bara wan sasakra, man sika yang nani ra pana aisisma ba, diara kasak aihkakira daukisma ba wal; naha tasba aiska ba man ra kasak lukisa, baku sin kabu lamara iwi nani ba sut.

Lawana Nani 66:5

Man nani bal kaiks Dawan warkka na, diara aihkakira nani upla dukiara daukan na.

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 41:14

Dawan wisa: “Israel, Jekob uplika nani, man nani maura lupia bara karnikas sma sakuna, yang lika man hilpkam sna; si bripara. Yang, Israel Gâdka Holikira, man sasakrikam sna.

Aiseya 45:16

Aidul uplika nani sut ba, turban man bara swira sin daukan kabia, lilka papaskra nani sut ba, witin nani ai swira daukka wabia.

Jirimaya 1:18

Kan naha yua ra yang mai blikisni, man ba tawan tara kum ai kaina kutbanka bri ba baku, ayan playka ni bapan baku, bras ni kutban tawanka baku, Juda tasbaya aiska mapara buma: kingka nani ba mapara, wihta nani, prîs nani ba mapara, uplika nani sut ba mapara sin.

Jirimaya 1:19

Witin nani mampara war aiklabia, sakuna puram lubia apia, kan yang lika man wal kamna kainam kahbaia. Yang, Dawan ba, yang bîli mai wisna.”

Jirimaya 1:8

Man upla kum ra sin sîa briaia apia sma, kan yang lika man wal kamna kainam sunaia. Yang, Dawankam, aisisna.”

Jirimaya 15:15

Dawan, man lika diara sut tânka brisma ba, ¡yang ra ai luki bas, bal hilp ai muns! ¡Waihli nani nini bliki ba man bui witin nani ra pana muns! Witin nani mapara man ban kupiam alki takaski kapara, witin nani ban yang ra ai ikbia; kaiks man tâmwan diara saura nani ai wi ba ban kupi alki takaskisna.

Jirimaya 15:20

Naha uplika nani mapara yang daukamna man ba bras ni mai paski mai daukan, kutbanka kum baku kama, puram luaia karna. Mampara aiklabia, sakuna sip puram lubia apia, yang lika man wal kamna swaki mai sakaia. Yang, Dawan ba, kasak mai wisna.

Jirimaya 17:18

Nini bliki nani ba lawaska kikaia dauks, yang lika apia; witin nani sirang tara iwbia ba ra, yang lika apia. Witin nani purara sari balaia dauks, kriki, kli kriki âpu pali dauks.

Jirimaya 22:22

Pâsa mita wihta tara nani ba sut bri balbia, lamtwankira nani ba tasba wala ra brih wabia. Swiram mai daukan laya ra mai kulkan kabia watawika lâka nani daukram ba tâka mita.

Jirimaya 23:40

Bara swira lâka puramra bri balbia swirka ban kaia ra, sip ai âuya tikras ban kabia.’ ”

Jirimaya 32:18

Kiamka tausin nani ra latwan kaikisma tânka ba man marikisma, sakuna man sin upla ra klala yabisma aisika nani saura daukan ba tâka. ¡Âu, Gâd, man tara pali karnika sut brisma, man ninam ba Dawan karnika sut bri ba!

Daniel 12:2

Raiti ra yapi banhwi ba ailal pali kli buan kabia: manis raya ban kaia lâka ba bribia, bara wala nani ra lika swira lâka bara pât ban kaia ra takbia.

Roman 8:31

¿Dîa kau yang nani wiaia sna ki? Gâd ba yawan wal sa kaka, ¿ya wan mapara buaia sip kabia ki?

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,