Jirimaya 2:19 - DAWAN BÎLA AISKA

¹⁹ Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Jirimaya 2:19 ပူးပေါင်းရင်းမြစ်များ

1 King Nani 18:18

Bara Ilayas win: —Yang apia trabil dauki ba, sakuna man bara uplikam nani wal, Dawan lâka nani ba swi si Baal nina ni bliki banhram.

2 Kronikas 12:5

Bara prapit Semaías ba Roboam ra wan bara baku sin Juda wihtka tara nani aikuki Jerusalem ra asla taki banhwan kan ba, Sisac dimi aula ba dukiara aisi banhwan kata: —Dawan bîla man nani bui witin ra lulki swiram ba mita, witin sin man nani mai lulki swin, bara nanara man nani Sisac mihta ra mai swisa.

2 Kronikas 21:10

Sakuna Edom ba Juda wina dakwi takan, Libná sin, bara baha piua wina naiwa kat ban sa, kan Joram ba ai almukka nani Dawanka wina tnaya ra takan kan bamna.

2 Kronikas 25:16

Sakuna prapit ba kau naha aisi kan ba ra, king ba naku win: —¿Dîa yang nani mai mangki banhri king ra lâ marikaia? ¡Baha lâka ba swis! ¿Apia kaka, mai iki banhbia want sma? Prapit ba kau diara kumi aisaras, sakuna naku win: —Yang kaikisni Dawan mai sauhki tikbia naha daukisma mita, bara yang mai wisna walras sma bamna.

Lawana Nani 36:1

Watawi lâka ba mita watawikira kupia lukanka pali kat dimi aisisa, witin ai lukanka ra, Dawan ra sibrin lukaia tânka âpu pali sa.

Impakan Sturka 33:6

Bara baku, Israel luhpia nani Horeb ilka ra kan nani ba, gul dukia nani pami bri kan ba sut saki swin.

Sins Lâka 1:31

¡Ai daukanka tâka mita, pât wauhbia! ¡Saura daukaia lâka bri ba ni aibanhbia!

Sins Lâka 1:32

Sins tânka aitani briras nani ra, diara daukaia tânka luha ba mita ikisa, bara taniskira nani ra diara lukras ba mita sauhki tikisa.

Sins Lâka 5:22

Upla watawi ba, witin pali ai watawanka nani mita klauna bliki alkisa; witin ra prak alkan kabia, ai saurka mita sin kiwa ni baku.

Aiseya 3:9

Witin nani ai swira âpu tâka mita ai saurka ba yukukras witin nani ai witnis aisisa; Sodoma baku ai saurka dahra tasba aiska ra maisa pakisa, yukukras. ¡Witin nani ra saura pali kabia, kan silp daukisa, klala briaia ba!

Aiseya 5:5

Man nani ra mamrikamni, nanara yang wainki nasla ra daukamna ba: kutbanka ba sakamni, bara bal sauhki tikan kabia; kutbanka ba krikamni, upla ai mina ra taibi sauhki daukbia.

Aiseya 50:1

Dawan aisisa: “¡Man nani lukpara waitna ai maya lulki swi ba baku, yang, Israel ba lulki swiri, apia kaka witin nani alba baku man nani ra atkri, witin nani ba yang wal tras diman aibapras ba tâwan! Wals man nani watawikam lâka ba mita sika mai atkan ba; man nani maipara buaia lâka brisma ba mita sika yaptikam Israel mita mai lulki mai swin ba.

Jirimaya 1:16

Naku sika klalka yabaia lâ daukaia sna ba, baha saura dadaukra nani ai lulki ai swin ba mapara, witin nani sika dus mâka kîa pain angki bara upla wala nani ra witin ai tasbaya wina apia nani gâdka lilka klauna paski bri kata ba, bahara ai pura suni mayunan.

Jirimaya 13:22

Bara man makabi walma kaka, tânka briaia sma kau diara saura pali daukram ba tâka mita sika; ¡baha mita witin nani susu mai dauki bara saura mai munan!

Jirimaya 2:17

Naha diara nani man nani puramra balan man nani ai lulki ai swiram ba tâka, yang sika Dawan, man nani Gâdkam yabal ra tampahki katna ba.

Jirimaya 3:22

Maipara babura kiamka nani, yang ra kli tawi bal, man nani maipara buisma sikniska ba wina mai rakamna.’ ” “Bahamna yang nani lika man ra balri, nâra sna, kan man sika yang nani Dawan, Gâdki.

Jirimaya 4:18

“Juda, man tânkam daukankam saura nani ba tâka mita sika naha diara sut man ra taki ba; watawikam lâka daukram ba tâka wina naha mâ tahpla nani na bal takan, bara kupiam ra mai sabisa.”

Jirimaya 5:22

Yang Dawan sna ba, naku wisni: ¿Dîa man nani bui yang ra sip si briras sma ki? ¿Dîa man nani maiwanra sip tatatras sma ki? Kabu un kir tawan ba baku sika yang mita kabu piarkika ba mangkri, ripka tara nani karna âpu tilwisa bara bin tara daukisa, sakuna piarkika ba wina luras sa.

Jirimaya 5:24

Kupiam wal aisi kaikras bara naku sin aisaras: Dawan wan Gâdka ra kulkanka ba yabaia, bara witin mita piua kat lî auhaia bara lî sikwaia nani piua ba wankbia, mâ nani dâkaia piua ba sin piua kat wankbia.

Jirimaya 5:6

Baha tâka mita layan nani taki bal witin nani ba ikbia, upla iwras tasbaya wina yul wail nani bal drusbia, bara limi bulni nani mita sin ai tawanka bîla kat dimi witin nani takbia bara alki aubi kalkbia; witin nani sika saurka ailal pali daukan bamna, aima ailal upla pât ra lakan.

Jirimaya 7:19

Sakuna witin nani bui yang ra kau mini prukaia watlika ra, witin nani kau ai mina prukisa bara klauna kau ai swira daukisa. Yang, Dawan, kasak aisisna.

Jirimaya 8:5

Ban kaka, Israel, ¿man nani dîa muni ai atkram? Jerusalem, ¿dîa muni ai swih waram ban kaia ra? ¿Dîa muni maipara bûi ban sma? ¿Bara kli tawi balaia brin mai daukras ki?

Isikiel 23:30

baha tâka mita sika naiwa man ra baha diara taki ba, kan man ur takaia lâka daukisma ba mita, baha nisanka nani aidulka ra mayunram bamna mâyara kauhram sa.

Isikiel 39:24

Yang ai saurka ba mapara buaia lâka tânka kat daukri, bara nini laki yabri.

Oseas 11:7

Upliki nani yang wina tnaya ra tawan ba baku, ban kaia lukisa; purara ba ra karna wini kabia, sakuna upla kumi sin witin nani ra hilp yabia apia.

Oseas 13:9

Israel, mai sauhki tikaisna, upla kumi sin ai takaskbia apia.

Oseas 14:1

¡Israel, Dawan Gâdkam ra, kli tawi bal, man saura daukram ba tâka mita sika kauhram ba!

Oseas 4:16

Israel ba mapara babura takan, bîp tiara wail baku; bara baku sma ba, ¿Dawan ba ban man nani ra sîp lupia nani ra baku twi painkira pâwi tasbaya ra, main mai kaiki kabia ki?

Oseas 5:5

Israel uba tara takan, sakuna ai daukanka ba kli, witin ai mapara aisisa; Efraín ai watawika lâka daukan ba ra, kli ai mina prukisa, ¡bara Juda sin witin aikuki bahara ai mina prukbia!

Oseas 7:2

Witin nani luki kaikras sa watawika lâka nani dauki ba, yang kupi ra brisna. Nanara witin nani ai daukanka nani daukan ba mita, ai tnaya kir kutbisa, daukanka nani ba naikra ra ban bâra sa.

Oseas 9:1

Israel, man nani lilia kapara; upla wala nani baku, âmyapah pali srutwi kapara, man bui Dawankam ba lulki swiram bara ur takram, plawar mâ taya saki ba watla ra ur takisma mana, mamna briaia lihkisma.

Emus 8:10

Lilia daukaia yua nani ba, pruan nani pura mata inaia yua daukamna; bara lilia dauki aiwanaia lawana nani ba sut, bikaia pura mata inanka nani ra tawbia; man nani sut kwala siksa dimma, upla nani tâwa ba sin irbi lipni daukbia; upla ai luhpia kumi baman bri kan pruan mata ini ba baku ini yahwi kama, bara yuam tnata ba tahpla pali lui wabia.”

Miqueas 1:5

Jekob uplika nani, Dawan mapara buan tâka wina naha pâtka aula; Israel luhpia nani saura daukan ba tâka mita sin. ¿Jekob mita mapara buanka daukata ba, anira sa? ¡Sameria tasbaya ra sa! ¿Dawan ra kulkras lâka ra, Jekob mita lilka bahki nani paski, bahara pura sunaia watla nani mâkan ba anira sa? ¡Jerusalem tasbaya ra sa!

Sakaraya 7:11

Ban sakuna, Dawan aisin ba, upla nani wali daukras kan. Sut ai kiamapara dauki si bara ai ninara tawan.

Roman 3:18

Piu kumi sin lukras banhwisa Gâd ra sibrinka briaia ba.”

Wihta Nani 10:13

Baku man nani ra swaki mai sakri, sakuna man nani ban yang ra ai lulki ai swiram gâd wala bahki nani ba mayunaia dukiara, bahamna yang kli man nani swaki mai sakamna apia.