Jirimaya 19:7 - DAWAN BÎLA AISKA

⁷ Juda Jerusalem wal diara nani daukaia luki kaikan ba, yang naha tasbaya ra baha yuya sirpi daukamna. Yang daukamna ai waihla nani upla âikra nani ba mita bal iki pura luaia, bara wîna nani ba tnawira wîna papira nani ba daiwan wail nani pata takbia.

Jirimaya 19:7 ပူးပေါင်းရင်းမြစ်များ

2 King Nani 21:14

Bara upliki nani tâka takaskan ba, lulki swimna bara ai waihla nani mihta ra mangkamna, bara diara nani bri ba sut ai mihta dakbia.

Sins Lâka 21:30

Dawan mapa ra, sins lâka nani ba bahki baman takisa, diara tânka alkaia lâka, lâ tânka smalkaia sin âpu sa.

Aiseya 29:14

Baha ba mita, kaiks naha uplika nani kli munrika sirang iwi mita taki wabia, kli diara aihka tara dauki sirang ikamni, baha sinskirka nani sinska lâka ba lap tiwbia, bara diara tânka kaikaia sinska lâka bri ba âpu takbia.”

Aiseya 8:10

Daukaia luki ba lilka dauks, kan baha ba sauhki tikan kabia; dîa lâka upla wala ra kabia want ba kat daukbia apia, kan Gâd ba yawan nani wal sa bamna.

Jirimaya 15:2

Bara witin nani maura mamkabi walbia anira waia sa wibia, bara yang mai wisna na man bui witin nani ra wis: ‘Siknis saura alki prubia win uplika nani ba, siknis alki prubia; war ra prubia win uplika nani ba war ra prubia; sanglang dauki prubia win uplika nani ba, sanglang dauki si prubia; tasba wala ra brih wan kabia win uplika nani ba sin, tasba wala ra wabia.’

Jirimaya 15:9

Luhpa ailal bri kan yaptika nani ba kupia lap tiwan kauhan, sip ai wingka puhbras kan; swira paskan mâyara batakan, lapta ingnika ba witin nani ra tihmia takan. Tila kau raya ba, yang yabrika waihla nani mita ikaia. Yang Dawan ba, yang bîli mai wisna.”

Jirimaya 16:4

Siknis saura witin nani ra alkbia, prui banhbia bara upla kumi sin bal pura mata inbia apia, bikbia sin apia; daiwan kânka nani baku tasba ra prawi kabia. War aiklabi ba mita, sanglang mita sin witin nani ba âpu daukbia; daiwan tnawira nani bal, daiwan wail nani sin bal pruan nani ba pibia.”

Jirimaya 18:21

¡Sakuna nanara, dauks ai luhpia nani plun bla, apia kaka sord malka ra prubia; ai maya ba piarka takbia bara sin luhpias kabia! ¡Siknis mita ai waitnika nani ba ikbia bara wahmika nani ba war ra aiklabi prubia!

Jirimaya 21:7

Baha ningkara Sedequías, Juda kingka ba Nabucodonosor mihta ra mangkamna, ai waihla upla âikra nani ba mihta ra, wihtka tara nani ba daknika nani ba sin mihta ra mangkamna, war lubia bara siknis saura ba sanglang ba sut lubia ningkara kau pruras raya uplika nani ba. Baha yang daukamna, kuna pruras swakwan nani ba sin sord ni ikaia kupia pihni lâka âpu umpira kaikan lâka luha ikbia. Yang, Dawan, kasak aisisna.

Jirimaya 22:19

Biriku biki baku: witin nani bal Jerusalem wina raski saki bri si lulki swibia.”

Jirimaya 22:25

waihlam upla âikra nani ba mihta ra mai mangkaia, man baha nani sîa pali mai dauki ba, Nabucodonosor Babilon kingka, Caldea uplika nani ba mihta ra aimakma.

Jirimaya 32:28

Baku bamna, yang mai wisni: Yang daukaisna tasbaya ba king Nabucodonosor karnika munhtara kauhaia, witinka Babilon kingka ba, bara Caldea uplika nani mihta ra sin.

Jirimaya 34:20

Baha mita yang daukamna prura kat ai waihla kaia ba mihta ra kauhbia, bara wîna ba daiwan tnawira daiwan wail nani wîna papira nani ba pata takbia.

Jirimaya 46:26

Nabucodonosor, Babilon kingka upla âikra witin nani ai waihla ba mihta ra, ai uplika mihta ra sin mangkamna. Sakuna baha piua ba bal lui wabia ba ra, blasi upla nani Idsip ra iwi kan ba baku kli iwi kabia. Yang, Dawan, kasak aisisna.

Jirimaya 7:33

Upla pruan wîna nani pi tnawira daiwra nani mita pibia, bara upla kumi sin âpu kabia daiwra nani ba munka plapbia.

Jirimaya 8:2

witin nani lapta, kati, slilma nani ra latwan kaikan, baha warkka daukan, nina blikan, baha nani ra aisi ai tânka pliki wali kan, bahara mayuni kan ba mawanra lulki swibia. Upla kumi sin baha dusa nani ba bikaia wisi alki bukbia apia. Tasba ra prawi kabia, daiwan kânka nani baku.

Jirimaya 8:8

¿Nahki man nani wiaia sip sma diara tânka brabrira nani sma, Dawan lâka ba sin brisma? ¡Sturi âiulbra nani ba, daiwan tnawa ba buski kunin baman ulban!

Jirimaya 8:9

Sakuna baha nani sinskira puli ba swira daukan kabia, daiwan nani alkaika ra alkan sinska lap tiwi ba baku. ¿Witin sins lâka brisa aisi ba anira sa, yang bîli nani lulki swin na?

Inanka Nani 3:37

Ahkia piua ra diara kum aisisa ba ra, diara kum takisa ba ra, baha lika Dawan adarka sa.

Libait Lâka 26:17

Yang lika man nani mampara takamna, bara waihlam nani ba mita puram lubia, misbara mai kaiki nani ba mita mai taibi kabia, upla ninam blikras man yakan plapi kama.

Libait Lâka 26:25

Man nani puramra war bri balamna pana mai munaia lâka ba, yawan wal lâ daukan lâka ba krikisma bamna. Man nani plapi banhma yukuwaia pliska ra tawankam nani ra, sakuna yang siknis nani blikuna bara man nani waihlam mihta ra kauhma.

Roman 3:31

Bamna, ¿naha kasak lukanka lâka na mita yawan lâ ba bahki sakisa ki? ¡Sip apia pali! Sakuna, yawan mita lâ ba kau karna sakisa.

Roman 4:14

Baku bamna, lâ bîla wali dauki banhwi ba baman Gâd mita pramis munan tasbaya ba alki brisa kaka, kasak lukan lâka ba lika bahki sa, bara Gâd pramiska ba sin diara bahki.

1 Samuil 17:46

Nanara Dawan bui mihti ra mai mangkbia, naiwa yang mai ikamna, lamla sin klaki dakbamna, filisteo aiklaklabra nani wîna ba sin tnawira nani ra bara daiwan nani ra sin yarka pibia. Baku tasba aiska kaikbia Israel ra Gâd kum bâra ba;