Jirimaya 18:8 - DAWAN BÎLA AISKA

⁸ Sakuna baha nisanka ba saura dauki ba mahka swibia kaka, klala yabaia ridi daukri ba blikamna apia.

Jirimaya 18:8 ပူးပေါင်းရင်းမြစ်များ

2 Kronikas 12:6

Israel wihta nani bara king ba sin baha lâka ba bawikira ai dara wali banhwan: —¡Dawan ba ai raitka brisa!

Lawana Nani 106:45

witin ai kupia kraukan baha nani wal lâ daukata ba; bara ai lukanka kata ba lakan, kan ai latwanka lâka ba tara pali sa bamna;

Lawana Nani 135:14

Dawan ba ai uplika nani lâka kasakka tânka kat daukisa; ai napakanka nani dukiara sin, ai kupia swapni daukisa.

Lawana Nani 90:13

¡Dawan, yang nani ra kli tawi bal! ¿Nahki kau piua wihka tiwaisma? ¡Naha nampakan nani ra kupiam swapni ni kaiks!

Impakan Sturka 32:12

¿Nahki ban swirka Idsip uplika nani ba aisi wibia: ‘Lukan saura wal Dawan baha uplika nani ba sakan, baha nani ba sut il ra bri si iki tikaia, naha tasba mawan wina diki âpu daukaia?’ Bara kupiam baiwanka ba swis, uplikam nani ra saura munaisma ba takasks.

Impakan Sturka 32:14

Bara Dawan bui ai uplika nani ra saura munaia lukan ba, ai kupia wina sakan.

Jirimaya 12:16

Witin nani mita saki yang upliki nani ba Baal ra swer takaia smalkan ba, sakuna nanara upliki nani tilara iwaia sip kabia, upliki nani nini mâki maiyuni ba witin nani sin aitani lukbia bara nini bri swer taki aisabia: ‘Dawan raya ba mita.’

Jirimaya 15:6

Man bui yang ra ai swiram, ninam ba yang ra lakram. Yang, Dawan, kasak aisisna. Baha mita yang, kupi alki takaski ban swapri, bara mihti bukri klala maikaia, bara mai sauhkri.

Jirimaya 26:13

Man nani daukankam ba yamni dauks, man nani Dawan Gâdkam bîla wali dauks, bara witin ban man nani pât tara mai blîkbia apia, yang aisari baku.

Jirimaya 26:19

“¿Bara king Ezequías ba Juda uplika nani sin Miqueas ba ikata ki? Baku takras bara ikaia watlika ra: king Dawan sibrinka daukan bara witin ra makaban witin nani ai dukiara kupia swapni lâka ba bribia. Bara latwan saura ba Dawan bui witin nani ra blikras takaskan, witin nani ra baku takbia wisata ba. ¿Bara nanara yawan mita kaiki lâ ba sauhkaia wirhika tara ba wan pura sunaia?”

Jirimaya 26:3

Ban kra witin nani mai walbia bara ai daukanka saura ba swibia, bara yang luki kaikamna diara saura daukan ba mana klala yabaia apia, yang pat luki kaikri ba baku.

Jirimaya 36:3

Ban kra Juda uplika nani tânka bribia baha pâtka nani sut witin ra blikaia lukisna ba, witin nani ai daukanka saura ba swibia kaka, witin nani ai watawanka saura daukan pâtka nani ba ban swih tikamna.”

Jirimaya 42:10

‘Man nani naha tasbaya ra takaski iwaia wilin sma kaka, man nani ra diara yamni nani takaia daukamna; mai sauhkamna apia, mai mangkamna bara kli mai daikamna apia, man nani mai sauhkaia baha pâtka blikri ba kupi wirha takisa.

Isikiel 18:21

“Saurakira ba, ai saurka dauki kata wina dakwi takbia sa kaka, bara lâika nani ba sut daukbia, diara wapni ba kat daukbia, bara kasakka lâka ba sin, kasak pali raya kabia, prubia apia.

Isikiel 33:11

Kuna yang, Dawan, rayaki ba mata, swer takisni, watawikira nani pruanka ba brinki apia sa, witin ai rayaka natka ba lakbia bara raya kabia want sna, lâka saura brisma ba swis. ¿Dîa muni pruaisma?’

Isikiel 33:12

“Man, upla luhpia, tawankam uplika nani ra wis: ‘Upla yamni kum saura daukbia kaka, ai kupia yamnika kanra bri kan ba mita swaki sâkbia apia, bara saurakira kum ba saurka daukaia lâka swibia kaka, ai saurka kanra dauki kan ba tâka mita prubia apia. Upla yamni ba saurka daukbia sa kaka, ai kupia yamnika lâka bri kan ba tâka mita lika raya kabia apia.

Isikiel 33:13

Yang raya kaia pramiska yabuna upla yamni kum ra, bara witin bahara ai kupia yamnika tniwi, saura daukbia, diara yamni daukan kum sin kulkamna apia, kuna saurka daukan ba mita prubia.

Isikiel 33:14

Pruaia ra lakamna sa kaka, saura dadaukra kum ba, sakuna naha ai saurka dauki lâka ba swibia bara yamni ra taukbia bara kasakka lâka ra,

Oseas 11:8

“Efraín, ¿yang nahki man mai swimna ki? Israel, ¿yang nahki man mai lulki mai swimna ki? ¿Adma tawanka tara sauhkri ba baku, mai sauhkamna ki, apia kaka Seboím ra daukri ba baku, mai munamna ki? ¡Yang kupi na wirha pali takisa, latwan pali mai kaikisna ba mita!

Emus 5:15

¡Diara saura daukaia ba, man nani misbara kaiki bas! ¡Bara diara yamni daukaia ba latwan kaiks! Aman kaiks lâ pliska nani ra lâ kasak ba daukbia, baku daukma ban kra karnika sut pali brih Dawanka ba, Israel luhpia nani kau bâra ba, ban umpira kaiki bâra swibia.

Jona 4:2

Bara Dawan ra ai pura suni, naku win: —Kaiks, Dawan, naha naku takaia ba yang pat aisari kan kau waitla ra katna ba ra. Baha mita sika Tarsis ra aihni plapaia lukatna ba, kan yang kaikisna man kupiam lukra ba swapni sa, upla ra kupiam baiki si kli pat umpira kaikisma, upla ra latwan pali kaikisma ba mita rausauhkaia pâli si, kli pat kupiam lakisma.

Kli Smalkanka 32:36

“Dawan lika ai uplika tâwan aisabia, kaikka tâ baikaia kau want kabia kaka; Dawan ai albika nani ra umpira lukbia, kaikka swapni sin âpu, karnakira sin âpu kaka.

Wihta Nani 2:18

Dawan bui witin nani ai wihtka kum sakuya ba ra, baha wihta ra witin mita tâ baiki kan, bara wihta raya kan ba yua nani sut ra lika Israel luhpia nani ba waihla nani karnika ba wina dakbi pri saki kata, kan witin nani ba taiban lâka ra munan ba mita pât nani wahwi kan, ai mamna lulki ba witin wali kan, bara baha nani dukiara ai kupia swapni taki kan.