Jirimaya 18:22 - DAWAN BÎLA AISKA

²² Âimplikra daknika kum witin nani ai dara walras kaka blîks; ¡baha nani wini sirang iki ba walbia! Witin nani tasba salhkan yang bahara ai mangkaia, bara yang yabalki ra mini alkaika nani swin.

Jirimaya 18:22 ပူးပေါင်းရင်းမြစ်များ

Lawana Nani 119:85

Upla trabil babukra nani, man smalkankam nina blikras ba, yang luaiki ra unta salhkan mini alkbia dukiara.

Lawana Nani 140:5

Baha nani, witin baman sa luki ba, maipara mini alkaika daukan; mini alkaika kiwka mangkan mini alkaika nani, yang yabalki ra mangkan.

Lawana Nani 140:6

Yang Dawan ra wîri: “Man ba yang Gâdki; ¡yang ini makabisna ba kiamam ra wals!

Lawana Nani 142:4

Aihkiki tani ra tawi kaikuna bara upla sin âpu sa hilp ai munaia, ¡upla kumi sin âpu sa, yang ra tâi baikaia! ¡Upla kumi sin âpu sa, yang dukira lukaia!

Lawana Nani 38:12

Ai ikaia luki nani ba, yabalki ra mini alkaika nani mangkisa; baha nani sin saura ai munan dauki ba, diara saura nani maipara aisisa, yu aiska aikuki iwi aisi kaikisa, yang ra pât ai dingkaia ba nahki daukaia sapa.

Aiseya 10:30

¡Bat-galim luhpia mairin nani, bîlam baikra tara wins! ¡Lais uplika nani, witin nani wini ba wals! ¡Anatot uplika nani, witin nani ra pana aisas!

Jirimaya 18:20

¿Dîa saura ba ni yamni mana ba aibapisa baku sa? ¡Witin nani ba yang ai bikaia tasba salhkan! Kupiam krauki bas yang bui man mampara aisi katna ba witin nani dukiara man ra aisari, mamkabi kapri kupiam baiwanka ra witin nani wina baha sâkma.

Jirimaya 20:10

Upla nani pusbi aisi ba walaia sip sna: ‘‘¡Sibrin tara ba tnaya bani ra bâra sa!” Witin nani wisa: “¡Man nani bal, kaisa yawan bui witin dahra kwahkaia!” Yang upliki aihwa nani ba sin bîla kaikisa kunin lâka ra mini tâi baikan kum lulkamna. Witin nani aisisa: “Ban kra swirka kunin munbiara; bara yawan mita pura lui bara yawan pana witin ra munbia.”

Jirimaya 20:16

¡Baha waitnika ba Dawan mita sauhkan tawanka nani ba baku sauhkan ba ban kabia! ¡Titan ra wali kabia latwan pali bri inanka nani ba, bara wan lal kat war winanka ba,

Jirimaya 4:31

Saion inanka nani ba, mairin kum aimahsi luhpa baikaia ai mamna lulki ini ba baku; inanka ba walisna, ai klahkla nani ba sakbisa bara aisisa: ‘¡Alai! ¡Diara saura pali yang ra takuya! ¡Upla âikra nani ai ikaia aula!’ ”

Jirimaya 5:26

Kan upla saura nani yang upliki nani tilara bâra sa tnawira âialkra nani kahbi tauki ba baku sa, mina alkaika nani mangkisa, wala nani ba alkaia dukiara.

Jirimaya 6:26

¡Yang upliki nani, krukus prâka dimi sari tukinka ba; yamhpus ra aikarwi bas, kwala siksa dimi sari pali bri ini bas, luhpiam waitna kumi baman bri kapram pruan baku; kan wan sauhki tikaia uplika ba pat pali yawan ra balbia bamna!

Sofonías 1:16

Trumpit puhbi karna winaia yua kabia, tawan tara karna nani mâkan ba ra, tawer purara paskan ba mapara sin.

Matiu 22:15

Parisi nani ba mahka wan, bara ai lâka daukan Jisas ra munka diara aisabia ba ra, dahra sakaia dukiara.