Jirimaya 18:16 - DAWAN BÎLA AISKA

¹⁶ Baku witin nani ai kuntrika ba upla iwras tasbaya daukan, piu sut sirang wan iki pliska takan. Upla bahak lui auya ba sut sirang iwi ai lal wauhisa.

Jirimaya 18:16 ပူးပေါင်းရင်းမြစ်များ

1 King Nani 9:8

Bara naha tempelka na sauhki tikanka tara kabia, bara upla nani bui wih kaiki tâ iwi bara lawaska kiki wibia, dîa muni Dawan naku pali naha tasbaya ra daukan bara naha watla ra sin.

2 Kronikas 29:8

Baha mita Dawan ba Juda bara Jerusalem mapara ai kupia baikan, baha mita witin nani daukan ba mita sirang wan iki kaia Dawan mita baku daukan.

Lawana Nani 109:25

¡yang na upla nani kikaika sna! ¡Ai kaiki ba ra, ai lal wauhi laiwaska kiki banhwisa!

Lawana Nani 22:7

Baha nani ai kaiki ba, laiwaska kikisa; witin nani ai un drubi, ai lal wauhisa:

Lawana Nani 44:14

Idan nani ba, yang nani laiwaska kikisa, upla nani ba yang nani ra ai kaiki ai lal wauhisa.

Aiseya 37:22

Naha bîla nani sika Dawan aisan ba, Asiria kingka ba dukiara: “Saion luhpia mairin tiara baku Senaquerib lawaska kikisa. Man ninamra, Jerusalem luhpia mairin ba, ai lal wauhisa man mahka taki auma ba ra wisi.

Aiseya 6:11

Bara yang bui witin ra makabi walri: “¿Ahkia kat kabia, Gâd?” Witin pana yang ra ai win: “Tawan tara nani ba bîla man, upla iwaika sin âpu takbia ba kat utla bilara upla âpu kabia; bara tasba ba sin upla iwras tasbaya baku bîla man takbia ba kat.

Jirimaya 19:8

Naha tawanka tara na upla iwras tasbaya daukamna, sirang wan iki kaia bahmuna tânka baman bâra kabia. Ya sut bahak bal lui kabia ba sirang iwi tâ iwan ra baha sut sauhkan ba kaiki kabia.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 29:18

War ni, sanglang ni, siknis ni yang bui witin nani ra blikaisna. Yang daukamna nisan nani sut ba mita witin nani ra diara saura kaikan wan daukras dukia baku daukamna, lahtuban swira daukan patrangka kum kaia daukamni, diara kum sirang wan iki sibrin wan dingki ba baku daukamni, nisan nani bani kaikbia witin nani ra yakabamna ba.

Jirimaya 42:18

“Dawan karnika sut bri ba, Israel Gâdka, aisisa: ‘Yang lawanki kupi baiwanka laptika Jerusalem uplika nani ra alkan ba, baha baku man nani mampara sin takbia, ban Idsip ra wama kaka. Man nani ninam ba lahtuban uplika nani mâkbia, upla ra sirang ikaika takma, naha tasbaya ra sin kli tawi balma apia.’

Jirimaya 44:12

Bamna yang daukaisna Juda ra takaskan uplika nani ba Idsip ra iwaia wan nani ba, sut pali sauhki âpu daukbia. Sut pali, sirpi lupia nani ba wina tara ba kat, war ra, apia kaka sanglang ra pruaia. Man nani ninam ba lahtuban uplika nani mâkbia, swira daukan upla ra sirang ikaika takma.

Jirimaya 48:27

Moab, ¿Israel ba âimplikra kum baku, saura kaiki kabia piua bani ra lawaska kiki kapram apia?

Jirimaya 49:13

Yang, Dawan, nini ra swer takisna: Bosrá tawanka tara ba upla iwras tasbaya daukbia, slingban kabia, swira paskan bara lahtuban kabia upla nakra ra, bara tawan wala nani ba slingban ban kabia.”

Jirimaya 49:17

“Edom sauhkanka ba tara pali kabia, baha wina sirang wan ikaia takbia. Upla nani sut bahak lui kabia ba witin nani klala brin ba kaiki sirang iwi kabia,

Jirimaya 50:13

Yang kupi baikamna bara upla kumi sin bâra swimna apia, upla bahara iwras pali tasbaya takbia. Upla nani bahak lui kabia ba tâ iwan tara taki kabia baku klala brin ba kaiki.

Jirimaya 51:37

Bara utla slingwan almuk upla dimras baman bâra kabia, suksuk tara nani watla takbia, lasa nani upla nani sut ra sirang iki tasbaya, upla sip bâra iwras tasbaya takbia.

Jirimaya 51:43

Tawanka nani ba aihka saura takan, bîla man daukan, tasba ba lâwan diara bâra âpu, upla bâra iwras, upla bahak sin wapi luras.

Jirimaya 9:11

“Jerusalem ba walpa nani ni pura paskanka tara kum daukamna, yul wail sâtka nani watla takbia; Juda tawanka tara nani ba upla iwras tasbaya kum daukamna.”

Inanka Nani 1:12

¡Man nani, yabalku auma ba, wiria takaski luki kaiks, sari lâka wala yang sairka na baku bâra sa sapa, ai munan pât wahwisna na! ¡Dawan bui naha pât wahwanka ai blikan, ai kupia baiwanka lapta pali taki piua ra!

Isikiel 12:19

Bara kuntri uplika nani ra wis Jerusalem, bara Israel luhpia nani sut: ‘Naha wisa Dawan ba: Sarikira ni patam pih banhma bara sibrinkira ni, diaia laya ba dima. Kuntri ba sauhkan pali kabia bara bîla man kabia; bahara iwi nani saurka tâka ba mita.

Isikiel 27:36

Kuntri wala wina diara âiatkra nani ba, sirang iwan mai kaikan. Bara aihka pali ra tawram ban kaia ra âpu takram.’ ”

Isikiel 36:3

Bamna aitani sa, yang nini ra aisas bara wis: ‘Naku wisa Dawan ba: Tnaya sât sât wina mai yuskisa bara mai sauhkisa; nisan tringsar nani sut ba ai munhtara mai brisa, bara upla nani ba lamwaska kikisa bara bahki mai kulkisa.

Isikiel 6:14

Bara yang mihti sakbamni witin nani mapara klala yabaia, upla iwi tasbaya nani ba waupasa tani wina Riblá yahbra tani kat, kuntrika ba upla iwras tasbaya sibrin wan daukaia tasbaya daukamni. Bâra mika tânka bri banhbia yang sika Dawan sna ba.”

Libait Lâka 26:32

“Tawankam tara nani ba sauhkamna, man nani waihlam nani bal bahara insla irbia bara tâ iwan takbia.

Libait Lâka 26:43

Baku tasba ba pri kabia, ris bribia yua tara dukiara lilia pali kaia, kan man nani tasbaya ra iwras kama ba mita man nani saurkam mana aibapma. Yang lâika nani ra bahki kulkisma, lâ nani maikri ba want apia wisma bamna.

Miqueas 6:16

Man nani king Omrí lâka nani kat, baku sin Ahab kiamka warkka saura nani lâka kat nina bliki saura daukram. Witin nani dîa daukan baku man sin daukram. Bahamna man nani ba upla sâtka sut nakra ra diara saura mai kaikaia mai daukamna, bara bahki mai kulki lamwaska kiki kabia; upliki nani swira lâka kaia ba sut, man nani puramra kauhbia.”

Matiu 27:39

Bahak lui kan nani ba mita swira dauki, ai lal wauhi,

Mark 15:29

Bara ai lamak lui nani ba witin ra swira daukan, ai lal sin wauhi, naku aisin: —¡Alai, man tempel batakisma bara yu yumhpa ra kli bapisma ba,

Kli Smalkanka 28:59

witin mita siknis saura sibrinkira nani blîkbia man puramra bara kiamkam nani purara sin, sip rawras sikniska nani ba sin blîkbia.

Kli Smalkanka 29:23

kuntri aiska ba kaikbia tasbayam ba sulpa, sâl, tasba baman ami tiwbia. Baha tasbaya ra diara mangkaia sip apia kabia, diara ai mâ sin sâkbia apia; twi sin pâwbia apia, Sodoma, Gomora, Adma bâra Seboím ra Dawan ai kupia baiwanka prautka ra sauhki tikan ba baku kabia.