Jirimaya 18:11 - DAWAN BÎLA AISKA

¹¹ “Bamna wis, Juda uplika nani ra, Jerusalem ra iwi uplika nani ra sin, yang Dawan, witin nani ra wisna: ‘Yang luki kaikisna witin nani mapara diara daukaia; witin nani ba klala yabaia lukisna. Yabal saura ba witin nani mahka swibia; ai daukanka nani bara ai warkka saura nani ba yamni daukbia.’

Jirimaya 18:11 ပူးပေါင်းရင်းမြစ်များ

Blasi Sturka 11:7

Yamni sa yawan iwi wih witin nani ai bîla aisi ba tanis turbaia, bara baku lika witin nani ai uplika nani wal pana pana dîa aisi ai tânka bri ba yabrika tânka bribia apia.”

1 King Nani 22:23

Bara nanara pat nu sma Dawan mita man prapitkam nani bîla ra kunin aisaia piritka nani mangkan sa, bara Dawan ba wilin pali takan sa man puramra pât saura brih balaia.

2 King Nani 17:13

Pat Dawan mita prapit nani bara baku sin diara kakaira nani bâk, Israel uplika ra kupia kraukan witin nani ai yabalka saura ba wina tawi bal witin lâka bîla yaban ba alki daukbia, bara ai adarka nani witin nani damika nani ra smalki yaban ba ai dukia dadaukra prapit nani bâk.

2 King Nani 22:13

—Man nani was Dawan ra aisaia, bara yang maita, upla nani mata bara Juda aiska dukiara sin, naha lâka wauhkataya sakan na dukiara; kan Dawan lawanka ba tara pali sa yawan wan mapara, wan damika nani ba naha wauhkataya ra ulban bîla ba walras kan, bahara dîa ulbi wankan ba kat daukras kan.

2 King Nani 5:5

Bara Siria kingka ba win: —Aitani, was, bara yang mita Israel kingka ra wauhtaya kum blikamna. Bamna Naamán taki wan. Bara silbar mâ 30,000, gul mâ 6,000 bara waitna prâka nani matawalsip brih impakata,

Aiseya 5:5

Man nani ra mamrikamni, nanara yang wainki nasla ra daukamna ba: kutbanka ba sakamni, bara bal sauhki tikan kabia; kutbanka ba krikamni, upla ai mina ra taibi sauhki daukbia.

Aiseya 57:1

Kasakkira nani ba pruisa, bara upla âpu sa witin nani dukiara luki ba; waitna pain nani ba lap tiwisa, bara upla kumi tânka briras prubia bara saurka ba wina pri taki auya

Jirimaya 11:11

Baha tâwan pât tara kum yang bui witin nani ra blikamna, baha wina sip swak takbia apia. Nahki kat witin nani bui yang ra hilp makabi ai winbia, sakuna yang lika witin nani ra walamna apia. Yang, Dawan, kasak aisisna.

Jirimaya 11:19

Yang sika daira walras katna, sîp kum daiwan ikaia watla ra bri auya ba baku, yang maipara diara daukaia witin nani aikuki aisi kan ba. Witin nani aisi kan: “Baha dusa ai karnika aiska bri pâwi ba kaisa yawan klakaia; naha tasba wina daiki sâkpi rayaka bri nani ba tila wina, bara upla kumi sin witin ra kli ai kupia kraukbia apia.”

Jirimaya 18:18

Upla nani ba aisin: “Kaisa yawan wark kum daukaia, Jirimaya ba âpu daukaia yawan pri takaia. Prîs nani ba âpu takras ban kabia witin nani wan smalki kaia, sinskira nani lâ wan smalki ba ban kabia, prapit nani Gâd dahra wan aisi ba aisi ban kabia. Kaisa yawan bui witin ba dahra kwahkaia, bara witin ba ikbia. Upla nani aisi ba kumi ra sin yawan walbiara.”

Jirimaya 19:15

“Karnika sut bri Dawanka, Israel Gâdka ba, aisisa: ‘Naha tawanka tara ra yang klala yabia aisari ba daukaia, tawan nani witin ai lamara nani ba sut blikaisna klala yabia, kan witin nani lal karna takan yang aisari ba wali daukras kan bamna.’ ”

Jirimaya 19:3

Wis: ‘Juda kingka nani Jerusalem ra iwi uplika nani, Dawan karnika sut bri ba, Israel Gâdka, smalkanka na man nani wals: Pât tara kum naha tasbaya ra blikaisna, baha sturka walbia uplika nani sut ba sinska lap tiwbia.

Jirimaya 25:2

Jirimaya prapit ba bîla dahra ba Juda uplika nani Jerusalem uplika nani sut ra maisa pakan. Jirimaya win:

Jirimaya 25:5

Witin nani bui man nani ra mai win: ‘Wapankam saura nani ba swis bara daukankam saura nani ba sin swis; bara baku Dawan bui man nani ra maikan bara damikam nani ra sin yaban ba tasbaya ra iwi ban kaia.

Jirimaya 26:13

Man nani daukankam ba yamni dauks, man nani Dawan Gâdkam bîla wali dauks, bara witin ban man nani pât tara mai blîkbia apia, yang aisari baku.

Jirimaya 26:3

Ban kra witin nani mai walbia bara ai daukanka saura ba swibia, bara yang luki kaikamna diara saura daukan ba mana klala yabaia apia, yang pat luki kaikri ba baku.

Jirimaya 3:1

Dawan aisisa: “Waitna kum ai maya swibia bara mairka ba witin swi si, waitna wala ai maya bribia, bara witin ra swin waitnika ba kli bal mairka ba bribia apia. ¡Baku daukbia kaka naha kuntrika ra lâ krikanka tara takbia! Ban sakuna, Israel, man, liliam nani ailal wal ur takram, ¡bara nanara lika kli yang ra tawi balaia lukisma! Yang, Dawan, kasak aisisna.

Jirimaya 3:22

Maipara babura kiamka nani, yang ra kli tawi bal, man nani maipara buisma sikniska ba wina mai rakamna.’ ” “Bahamna yang nani lika man ra balri, nâra sna, kan man sika yang nani Dawan, Gâdki.

Jirimaya 35:15

Yang bui man nani ra prapit kumi blikri, kli wala blikri, albiki prapit nani sut blikri mai wiaia: Man nani natkam saura nani ba daukankam saura nani ba swiaia. Man nani lika gâd wala nani ninara waia apia, baha nani ra sin mayunaia apia, bara baku man nani damikam nani ra baha tasbaya maikri bâra iwi kaia sip kama. Sakuna man nani bui yang ra walras, bîli wali sin daukras.

Jirimaya 36:3

Ban kra Juda uplika nani tânka bribia baha pâtka nani sut witin ra blikaia lukisna ba, witin nani ai daukanka saura ba swibia kaka, witin nani ai watawanka saura daukan pâtka nani ba ban swih tikamna.”

Jirimaya 36:7

Baha wali ban kra witin nani Dawan ra ai pura sunbia, bara ai daukanka saura nani ba swibia, kan Dawan ai kupia baiki, karna lawi naha uplika nani mapara bîla karna aisin sa.”

Jirimaya 4:1

Dawan kasak aisisa: “Israel, man kli tawi balaia sma kaka, yang ra sika kli tawi balaia sma. Lilka bahki nani brisma ba misbara kaikisna bara yang wina tnaya ra tawpara,

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Jirimaya 4:23

Yang tasba ra tawi kaikri bara upla iwras tasbaya daukan kan; kasbrika ra tawi kaikri bara bahara ingni kum sin kaikras katna.

Jirimaya 4:6

Man nani plakinka ba Saion tani ra kulki purara buks; takaskpara, ¡man nani yukuwaia pliska pliks! Kan yahbra tani wina sauhki tikaia ba brih aula bamna.

Jirimaya 51:11

Dawan Babilon slingbaia lukisa bara witin ai lukanka ba ni Media kingka nani ba tukbisa. Baha sika Dawan mita pana muni ba warkka ba, witin nani Dawan tempelka ra diara daukan ba tâwan. ¡Man nani trisbaikam ba pliki bris! ¡Kainam kahbaika nani ba dims!

Jirimaya 7:3

Dawan karnika sut bri, Israel Gâd ba, aisisa: ‘Rayakam lâka warkkam nani ba man nani yamni dauks, bara yang ban mai swirka man nani naha tasbaya ra kau ban iwi kama.

Isikiel 13:22

Man nani, kuninkam lâka ni, upla yamni nani ba sasibrira daukram, yang baha daukaia lukras katna ba, bara kli tawan taim watawikira nani ra tâ baikisma ai daukanka saura nani ba ban dauki kaia. Baku yang bui witin nani ra rayaka yabamna apia dukiara.

Isikiel 18:23

Yang brinki apia sa saurakira ba prubia, kuna ai daukanka ba natka wala takbia bara raya kabia. Yang, Dawan, kasak aisisna.

Jona 3:8

Sakuna upla sut ba ai kwalka siksa dimaia sa sari tukinka ba, bara upla sut ai karnika aiska Gâd ra ai pura sunaia sa. Bara upla kumi bani ai tânka saura bri bara lâ krikanka nani dauki ba, nanara mahka swibia;

Miqueas 2:3

Baha mita Dawan aisisa: “Yang sin man nani mampara diara kum daukaia sna, mai sauhki mai tikaia pâtka blikamna, bara man nani baha pâtka wina sip swak takma apia. Man nani pât ra kama, mamyuni lilia wapi tauki kama apia, piua ba man nani mampara saura pali kabia bamna.

Sakaraya 1:3

Bahamna nanara, yang bîli na upla nani ra wis: ‘Yang ra kli tawi bal, bara yang sin man nani ra tawamna. Yang, Dawan, kasak aisisna.

Apastil Nani Sturka 26:20

Bamna yang pas Damaskus ra sturi yamni ba smalkri, ningkara Jerusalem ra, Judia tasbaya aiska ra, bara Ju apia nani sut ra sin. Witin nani ra wîri ai saurka ba swi si Dawan ra tawbia, ai kupia lakan warkka tânka ba sin marikbia.

Jems 4:13

Nanara man nani wals, naku aisisma ba: “Naiwa, yauhka kra, yawan tawan kum ra wabia, bara bahara mani kum wark taki lalah daukbia”,

Jems 5:1

¡Yuyakira nani, naha na wals! ¡Man nani ini bas, bîlam baikra sin tara wins, trabil saura nani man nani wahwaisma bamna!