Jirimaya 17:4 - DAWAN BÎLA AISKA

⁴ Man prapatikam baku tasba maikri ba tasbaya ba man lulki swiaia sma, waihlam nani ba albika takaia mai daukamna man kakaira apia sma ba tasbaya ra, kan yang kupi baiwanka buki klauhan pauta klauhi ba baku, mai angki âpu mai daukbia.”

Jirimaya 17:4 ပူးပေါင်းရင်းမြစ်များ

1 King Nani 9:7

yang bui Israel ba baha tasbaya yâri ba wina sakamna, bara naha watla yang nini ra yamnika yâri na, yang maiwan wina âpu daukamna, bara Israel luhpia nani ba nisan wala nani mita lawaska kiki kaiki kabia piua bani ra.

Nihimaya 9:28

“Ban sakuna, witin nani piu prahni trabil âpu iwi banhwi kan ba ra, pat kli man lamamra kaikisma ba ra saura dauki kan; ba tâwan man mita kli lulki swiram waihla nani ba mita taibi kaia, sakuna witin nani kli man ra wini banhwi kan ba ra, man laih kasbrika ba wina wali kapram, bara man kupiam swapnika lâka uya brisma ba mita, aima ailal pât nani wina dakbi sakram.

Aiseya 14:3

Israel luhpia nani, Dawan mita man nani ra ris briaia maikbia, trabil saura takisma ba wina, sarkam tara brih banhwisma ba wina, bara sin alba lâka saura ra mai brih wankan ba wina sut pri mai sâkbia piua ra,

Aiseya 30:33

Kan piua wihka wina pat pliskam ridi daukan sa, Asiria kingka ba ai uplika nani dukiara sin, pliska ba tara pakni pali sa, upla angki ikaika pauta manis kir mukan klauhisa. Dawan wingka puhbra ba mita, pauta buki klauhbia sulpa lî aubi baku.

Aiseya 5:25

Baha ba tâwan, Dawan kupia baiwanka ba ai uplika nani mapara sakan bara witin nani mapara ai mihta sakban bara klala yan. Il nani ba tatatban, ai pruanka nani ba dipasta baku yabal lila kat lulki swin. Sakuna baha sut ba mita, ai kupia baiwanka kau takaskras kan; ai mihta ba kau ban sakbi brisa.

Aiseya 50:11

Sakuna baha nani sut pauta klauhan muki ba bara trisbaya nani aswi ba, ridi dauki ba witin nani baha pauta klauhan kat kli ambia, witin nani ai pata klauhan ba ra kli tawi kauhbia, man nani mihtam ni trisbaya nani pauta klauhan daukram ba munhtara. Baha klalka ba Dawan mita man nani ra blîkbia, bara baha pâsa saura lika prawi kama.

Aiseya 66:24

“Witin nani balbia bara kaikbia upla pruan nani ba baha nani maipara buan ba. Liwa nani baha nani ra pi ba sip pruras ban kabia, pauta klauhan witin nani ra angki ba sin daskbia apia. ¡Baha ba diara saura pali kabia upla sut mapara!”

Jirimaya 12:7

“Upliki nani ba yang lulki swiri, yang tasbayi kata ba briras swiri. Witin ai waihla nani mihta ra mangkri yang latwan pali kaikisna nisanka nani ba.

Jirimaya 15:14

Waihlam nani albika takaia mai daukamna man kakaira apia sma ba tasbaya kum ra, kum kupi baiwanka ba mukan pauta klauhan kum mai angki âpu mai daukbia ba baku.”

Jirimaya 16:13

Baha tâwan, naha kuntrika wina man nani mai saki kuntri wala ra mai lulkaisna, man nani damikam nani sin kakaira apia kan ba tasbaya ra, bahara Gâd wala nani warkka dauki kama, yang bui man nani ra kupi swapni brimna apia.’

Jirimaya 18:23

Sakuna, Dawan, man bui witin nani dîa dauki ba sut kaikisma, witin nani bui yang ai ikaia daukan. ¡Watawika lâka pâtka ba swih tikpara, saura daukan ba sin âmya tiwbiara! ¡Yas witin nani man mamwanra kauhbia, kupiam baiwan ra lâ ni dauks!

Jirimaya 2:14

“Israel ba alba kum apia sa; witin alba lâka ra aisubi takras. ¿Bamna dîa muni dukia nani ba mihta dakbisa?

Jirimaya 22:28

¿Jeconías ba sumi kriwan baku yus âpu takan sa, upla kum sin want apia watlika kum takan sa ki? ¿Dîa muni witin ai luhpia nani aikuki saki lulkan ba, tasba kum witin kakaira apia ba ra?

Jirimaya 5:19

Witin nani man ra mamkabi walbia: ‘Dawan wan Gâdka ba, ¿dîa muni naku pali wan daukan?’, bara man bui witin nani ra pana wis: ‘Man nani kakaira apia gâdka nani ra mayunram ba, baha baku tasbayam ra apia, sakuna upla wala tasbaya ra baha nani warkka takma.’

Jirimaya 5:29

¿Baha daukanka nani ba tâwan klala yabaia apia katna ki? ¿Baha uplika nani baku daukan mana ba kli yabaia apia sna ki? Yang, Dawan, kasak aisisna.

Jirimaya 7:20

Bahamna, yang Dawan ba kasak mai wisni yang lawanki ba naha tawanka nani purara, uplika nani ba purara, daiwan nani ba purara, dus nani pâwi ba purara bara insla mâ nani dâki ba baha nani sut purara blikamna. Impiara ami ba baku ami ban dasras kabia.”

Inanka Nani 1:12

¡Man nani, yabalku auma ba, wiria takaski luki kaiks, sari lâka wala yang sairka na baku bâra sa sapa, ai munan pât wahwisna na! ¡Dawan bui naha pât wahwanka ai blikan, ai kupia baiwanka lapta pali taki piua ra!

Inanka Nani 5:2

Duki nani sut upla sât wala nani mihta ra tawan sa, waitla nani sut ba tasba wala uplika nani baman bal brin sa.

Isikiel 21:31

yang lawanki ba man puramra blikamni, pauta klauhanka saurakira baku; upla sauhki tatikra saurakira nani mihta ra mai mangkamna.

Isikiel 7:24

Yang mita yabrika upla tahplu nani balbia bara tawan watla nani dawanka takbia. Karnira prautka lâka nani ba danh daukamni; yabrika pliskam holikira nani ba tâski daukan kabia.

Kli Smalkanka 28:25

bara waihlam nani bui mai taibia. Witin nani mapara asla taki dimi wama, sakuna aslika ba slingwi witin nani sîa yakabrira baman plapma, bara man tamka mita tasba kingka nani sut mai kaiki kabia ba sirang iwi kabia.