Jirimaya 17:18 - DAWAN BÎLA AISKA

¹⁸ Nini bliki nani ba lawaska kikaia dauks, yang lika apia; witin nani sirang tara iwbia ba ra, yang lika apia. Witin nani purara sari balaia dauks, kriki, kli kriki âpu pali dauks.

Jirimaya 17:18 ပူးပေါင်းရင်းမြစ်များ

Job 16:14

Wîni insauhkanka nani ba purara kli kli sabisa, war aiklaklabra baku trisba ai lulkisa.

Lawana Nani 35:4

Ai ikaia aula nani ba munrika plapan kabia; baha nani saura ai munaia luki nani ba munrika plapan kabia;

Lawana Nani 35:8

¡Sauhkaia pâtka witin nani ai dahra walras kaka, bal prak alkbia! ¡Mina alkaia nani paskan ba, ai mina nani kli bahara alkbia! ¡Sauhki tikaia pâtka kat, witin nani kli bahara kauhbia!

Lawana Nani 40:14

Yang rayaki sauhki tikaia pliki banhwi nani ba sut, yarka saura swira daukan kabia, lal sin tanis takbia; ¡baha nani yang ra saura ai munaia luki nani ba kli witin nani ra swira daukka plapi banhbia!

Lawana Nani 70:2

¡Yang rayaki sauhki tikaia pliki banhwi nani ba sut, yarka swira daukan kabia, lal sin tanis takbia! ¡Baha nani yang ra saura ai munaia luki nani ba, kli witin nani ra swira daukka plapi banhbia!

Lawana Nani 71:1

Dawan, man ra kaini kahbaika plikisni; ¡aikrika swiri takamnara!

Jirimaya 1:17

Bamna man, kupiam karna bris; was bara yang dîa mai wîri ba baha wis. Man lika witin nani ra sibri apia sma, baha apia kaka yang bui mai munrika man bui witin nani mawan ra tatatwi kama.

Jirimaya 11:20

Sakuna Dawan, man lika karnika sut brisma ba, man ba wihta kasak kum sma; upla kupia lukanka kat dîa luki ba sut kaikisma ba. Aik kaikamna man baha uplika nani ra nahki klala yabaisma ba, yang ra diara nani takaia ba man mihtam ra swiri bamna.

Jirimaya 12:3

Sakuna yang tani, Dawan, man ai kaikisma; man tâinka brisma bara nu sma kupi dahra wal ra man mampara dîa brisna ba. ¡Baha uplika nani ba sîp nani baku daiwan ikaia watla ra brih was; bri si swis ikaia yua piua ba mangki swis!

Jirimaya 14:17

Bamna man upla nani ra naha bîla na wis: ‘Tihmia ra bara kakna ra naikra laya takaskras ban kauhisa, yang upliki nani pât tara saura ra diman ba luki, saura pali insauhkan ba sarka.

Jirimaya 16:18

Man nani watawi lâka saura nani sin daukram ba mana pas aima wâl aibapaia daukamna, yang tasbayi ba aidulkam misbara kaikisna pruan nani ba ra mayuni tâski daukram, witin nani ai tasbaya prapati baku yabri ba sut ra yang saura kaikisna ba daukan.”

Jirimaya 17:13

Dawan, man sika Israel bîla kaikanka. Baha nani sut mai briras mai swin ba swira takan kabia. Baha nani sut man wina kitwi laihura taki ba upla nina tasba pukpuka ra ulbi swin tiwi ba baku lap tiwbia, man lî kârma kauhla, mai briras mai swin ba mita.

Jirimaya 17:16

Ban sakuna, yang mita taibi mai wiras sna man baha ba mahka dauks, sauhki tikanka witin nani purara blikaia, baku sin yang brinki apia sa man bui witin nani ra sauhki tikaia. Dîa aisari ba man nu sma, kan man lamam kat mai aisari bamna.

Jirimaya 17:19

Dawan bui ai win: “Was, Upla Dimi ba getka ra bus, Juda kingka nani bahak dimi taki ba, bara baha wina Jerusalem getka wala nani sut ba ra sin wih bus.

Jirimaya 20:11

Sakuna Dawan, man lika yang laimara sma aiklaklabra kum baku, man puram luaia âpu sa; nini bliki nani ba kauhbia, puri luaia sip apia kabia; sip apia takbia, witin nani swira takan kabia, bahki kulkan ni pura prakan ba âuya tiwbia apia ban kaia ra.

Kli Smalkanka 33:11

Dawan ai warkka ai karnika ra yamni muns, bara warkka ba, pain kaiki brima. Waihlam nani nina baikanka ba kalks, man misbara kaiki nani kli tawi balbia apia.”

Param Marikanka 18:6

Upla wala nani ra dîa yaban ba baku, witin ra sin yas, bara dîa daukan ba mana wâl prais aibaps. Ai kapka upla wala nani ra diaia dukia abalki yan ba, witin ra aima wâl prais kau karna abalki yas.