Jirimaya 17:16 - DAWAN BÎLA AISKA

¹⁶ Ban sakuna, yang mita taibi mai wiras sna man baha ba mahka dauks, sauhki tikanka witin nani purara blikaia, baku sin yang brinki apia sa man bui witin nani ra sauhki tikaia. Dîa aisari ba man nu sma, kan man lamam kat mai aisari bamna.

Jirimaya 17:16 ပူးပေါင်းရင်းမြစ်များ

Jirimaya 12:3

Sakuna yang tani, Dawan, man ai kaikisma; man tâinka brisma bara nu sma kupi dahra wal ra man mampara dîa brisna ba. ¡Baha uplika nani ba sîp nani baku daiwan ikaia watla ra brih was; bri si swis ikaia yua piua ba mangki swis!

Jirimaya 13:17

Man nani naha walras kama kaka, yukuwan ra ini kamna praut lâka brisma ba tâwan; naikra nani wina laya ba plapi kabia, kan silak ra bri auya sa Dawan sîpka daknika ba.

Jirimaya 15:15

Dawan, man lika diara sut tânka brisma ba, ¡yang ra ai luki bas, bal hilp ai muns! ¡Waihli nani nini bliki ba man bui witin nani ra pana muns! Witin nani mapara man ban kupiam alki takaski kapara, witin nani ban yang ra ai ikbia; kaiks man tâmwan diara saura nani ai wi ba ban kupi alki takaskisna.

Jirimaya 18:20

¿Dîa saura ba ni yamni mana ba aibapisa baku sa? ¡Witin nani ba yang ai bikaia tasba salhkan! Kupiam krauki bas yang bui man mampara aisi katna ba witin nani dukiara man ra aisari, mamkabi kapri kupiam baiwanka ra witin nani wina baha sâkma.

Jirimaya 20:7

Dawan, man kunin ai munram, bara yang sin kunin ai munan takri; man kau karna sma, bara puri luram. Piu sut upla ai kaiki kikaia dukia kum takri; upla sut yang laiwaska kikisa.

Jirimaya 20:9

Yang naku wimna: “Yang Dawan ra kau luki kamna apia, witin ai nina bri yang kli aisamna apia”, bara man aisinkam nani ba biaira bilara ai angkisa pauta klauhan baku, ai sauhkisa dusi nani kat. Bapi buaia trai munisna, sakuna sip apia.

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Emus 5:10

Tawan dimaika nani kat, man nani ra lâ tânka mai smalki uplika nani ra misbara kaikisma ba, bara upla kasak nani ra misbara kaikisma ba.

Apastil Nani Sturka 20:20

Sakuna takaskras mai smalki katna man nani ra dîa dîa man nani yamnikam kaia ba dukiara, ban tawan bilara, wamtla nani kat sin.

Apastil Nani Sturka 20:27

kan yang bui man nani ra Gâd ai kupia ra luki dukia nani ba tânka yukukras param pali mai wîri.

2 Korint 1:12

Diara kum bâra sa wan kupia âuyapah daukisa, bara baha sika: wan kupia lukanka ba mita wan wisa, yang nani lika naha tasba ra holikira lâka ra bara kunin tânka âpu kira watauki banhri sa; bara kau pali lika man nani tilamra. Baku kaia tânka ba lika, yang nani sinski ba mita lika apia, sakuna Gâd ai kupia latwanka lâka tara ba mita sika.

2 Korint 2:17

Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.

Jems 1:19

Naha na âmya ra bri bas, muihki laitwankira nani: man nani kumi bani walaia dukiara ridi kaia sma, sakuna damra wali kaia sma, aisaia bara praut takaia mapa ra.

Jems 3:1

Muihki nani, man nani tilamra smasmalkra ailal kaia apia sa, kan man nani pain kaikisma, yawan smasmalkra nani ba lika, wan lâka kau karna daukan kabia.