Jirimaya 15:8 - DAWAN BÎLA AISKA

⁸ Kabu un ra auhya ailalka ba wal man nani tilamra kau piarka nani ailal swiri. Yu wan lal kat prura ba blikri yaptika nani luhpia waitna nani bara tiara nani purara; bîla kaikras pali kan pât tara sibrin tara ba pât blikri.

Jirimaya 15:8 ပူးပေါင်းရင်းမြစ်များ

Aiseya 3:25

Waitna nani ba sord ra kauhbia, war aiklaklabrikam nani ba war ra prubia.

Aiseya 3:26

Tawan getka nani ba, sari bribia bara inbia, bara witin nani, lulki bîla man swibia.

Aiseya 4:1

Baha yua ra waitna nani ba maura pali kabia, bamna mairin 7 waitna kumi tâwan unsabi kabia, witin nani waitna ra wibia: “Yang nani pati pliki pimna, yang nani sin silp kwala pliki dimamna, sakuna baman man aisas yang nani, man mayam nani, swiri lâka wina yang nani ai sâks.”

Jirimaya 16:3

Yang mai wimna, baha tuktika nani naha tasbayi ra aisubi taki nani bara dîa takaia ba baku sin aisika nani ra sin takbia ba.

Jirimaya 18:21

¡Sakuna nanara, dauks ai luhpia nani plun bla, apia kaka sord malka ra prubia; ai maya ba piarka takbia bara sin luhpias kabia! ¡Siknis mita ai waitnika nani ba ikbia bara wahmika nani ba war ra aiklabi prubia!

Jirimaya 22:7

Aiklabaia dukia bri uplika nani ba mampara blikaisna, man nani âpu mai dauki si balaia. Yalam dusa playka painkira nani ba klakbia bara pauta ra angkbia.

Jirimaya 4:16

“Nisan nani ra Jerusalem ra sin maisa paks laih tasba wala kum wina waihla nani ba aidrubi aula Juda tawanka nani mapara aiklabaia bara pura winanka nani winisa.

Jirimaya 5:6

Baha tâka mita layan nani taki bal witin nani ba ikbia, upla iwras tasbaya wina yul wail nani bal drusbia, bara limi bulni nani mita sin ai tawanka bîla kat dimi witin nani takbia bara alki aubi kalkbia; witin nani sika saurka ailal pali daukan bamna, aima ailal upla pât ra lakan.

Jirimaya 6:26

¡Yang upliki nani, krukus prâka dimi sari tukinka ba; yamhpus ra aikarwi bas, kwala siksa dimi sari pali bri ini bas, luhpiam waitna kumi baman bri kapram pruan baku; kan wan sauhki tikaia uplika ba pat pali yawan ra balbia bamna!

Inanka Nani 5:3

Yang nani rau takri, aisikas; yaptiki nani sut piarka nani baman takan sa.

Isikiel 22:25

Kuntri kum tâ wihta nani ba layan baku, diara alkan ba bisbi tikisa; ai tasbaya ra upla nani ba pîsa, ai kukanka ba bara diara apahkan ba implikisa, bara mairin ailal pali piarka swisa.

Oseas 4:5

Man lika kakna pali kauhma, prapit ba sin, man ninamra; witin lika tihmia ra kauhbia, bara man ra aiska pali mai sauhkamna.

Luk 21:35

Mina alkaia kumi ai bîla prakuya ba baku kabia, naha tasba ra iwi uplika sut ra.