Jirimaya 15:7 - DAWAN BÎLA AISKA

⁷ Kuntrikam ra tawankam tara nani ba wina uplikam nani ba saki rais taya pâsa ra yakabi baku yakabamni; upliki nani ba sauhkri bara luhpia nani ba âpu daukri witin nani ai rayaka lâka saura ba swiras ban ba tâwan.

Jirimaya 15:7 ပူးပေါင်းရင်းမြစ်များ

Lawana Nani 1:4

Upla watawi nani ba, baha baku apia sa; sakuna rais kapan taya nani pâsa mita yakabi ba baku sa.

Aiseya 41:16

Witin nani ba pâsa ra bukma, bara pâsa mita witin nani ba brih wabia, prari mita tanis yakabia. Bara man Dawan ra lilia kama, Israel Gâdka Holikira ba dukiara tara damra wali kama.

Aiseya 9:12

Lalma wina Siria uplika nani, muna wina filisteo nani balbia Israel luhpia nani ba ai bîla banhki langki pibia. Baha sut daukan kabia ba wal sin Dawan ai kupia baiwanka ba kau takaskras; witin kau ban baha nani tayahki kabia.

Aiseya 9:13

Upla nani ba klala brin, sakuna witin nani Gâd ra ai kupia lakras, karnika sut bri Dawanka ba plikras.

Jirimaya 18:21

¡Sakuna nanara, dauks ai luhpia nani plun bla, apia kaka sord malka ra prubia; ai maya ba piarka takbia bara sin luhpias kabia! ¡Siknis mita ai waitnika nani ba ikbia bara wahmika nani ba war ra aiklabi prubia!

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Jirimaya 51:2

Yang daukaisna waihla nani bal Babilon ba plawar taya pâsa ra buki baku bukaia; daukaisna tasbaya ra upla kumi sin swiaia apia. Diara saura takaia yua balbia ba ra, tnaya bani wina witin mapara bal aiklabia.

Jirimaya 9:21

“Wan watla nani ra prura bal diman, utla tara nani paskan ba bilara sin; yabal ra tuktan nani ba ikisa, pulaia pliska nani ra wahma nani ba ikisa.

Isikiel 24:21

‘Israel luhpia nani ra wis: Dawan ba naku wisa: Tempelki ba tâski daukamni man nani kaikaia lihkisma bara latwan sma ba; man nani kulkanka tara brisma bara karnikam ba; luhpa mairin bara waitna nani, Jerusalem ra swiram ba iki yakabia.

Isikiel 24:25

‘Bara Israel uplika nani ra karnika ba dakbi sakamna, baha sika tempelka ba, prana tara ba dukiara upla ailal ai liliaka brisa kaikaia lihki ba, bara latwan kaiki ba. Baku sin luhpia waitna bara mairin ba mihta dakbamna.

Isikiel 36:12

Yang daukamna upliki Israel luhpia nani man puramra wapaia, bara man nani ba ai dukia mai briaia, bara man nani kli witin nani ba luhpias swima apia.

Sakaraya 1:4

Damikam nani daukan baku daukpara, prapit nani kaina piua ra kan nani ba bui yang bîli witin nani ra smalkan, ai natka saura, ai daukanka saura nani ba mahka swiaia, sakuna witin nani lika yang bîli walan daukras kan, bara baku sin tawi ai kaikras kan. Yang, Dawan, kasak aisisna.

Matiu 3:12

Witin ai mihta ra singbaia dukia pat ridi brisa, bamna plawar mâ ba klin dauki, taya ba sait ra sâkbia. Plawar mâ ba ai pata watla ra auhbia, sakuna taya ba pauta kum ban kaia ra dasras ba ra angkan kabia.”

Kli Smalkanka 28:18

Luhpiam nani ra, patam mâ nani dâkma ba ra saura pali kabia, bîpkam luhpia nani ra, sîpkam nani ra bara daiwram nani sut ra sin.

Kli Smalkanka 28:32

Mamwan wina luhpiam nani alki upla tringsar ra yabia, bara awar bani ra wih kaiki kan mai daukbia, kuna yabal âpu kama.

Kli Smalkanka 28:41

Luhpa nani lika bri kama, sakuna man wal kabia apia, kan kuntri wala ra alba lâka ra brih wan kabia mita.