Jirimaya 14:3 - DAWAN BÎLA AISKA

³ Yuyakira nani albika nani ba lî panhkaia laihura blikisa; lî watla tara nani ra witin nani auya, sakuna lî sakras ai mihta ra, lî watla nani ba bîla man kli tawi aula. Kunin munan swira tara takan, ai lal pura biki tawi aula.

Jirimaya 14:3 ပူးပေါင်းရင်းမြစ်များ

2 Samuil 15:30

Debit lika Olivet ilka albangkika bâk ai mina baman ini uli wan, sari tukinka ai lal purara praki. Upla nani sut witin wal auya kan ba sin, ai lal pura praki ini uli wan.

2 Samuil 19:4

Sakuna king lika takaskras, ai mawan ban praki ai bîla baikra tara ini kan: “¡Yang luhpi Absalón! ¡Yang luhpi Absalón, yang luhpi!”

1 King Nani 17:7

Sakuna yu nani luan ba ra, tingni ba lâwan, lî auhras kan ba mita.

2 King Nani 18:31

Ezequías ra walpara, kan naku sika Asiria kingka ba aisisa: ‘Yang wal kupia kumi dauks, bara yang ra taki bal, bara kumi bani wainkam bara tawahkia dusa mâ ba wina pima, bara kumi bani ai laya watlika ba wina sin lî dima.

Ester 6:12

Naha daukan ba ningkara, Mardoqueo ba kli king watla dimaika ra balan. Bara Amán lika, ai kupia ra wirha tara wal, ai lal biki aihni muni ai watla ra wan.

Job 6:20

Sakuna witin nani baha kat wan, bara kaiki muni sari takan; bîla kaiki kata ba kat sari lâka ra takaskan.

Lawana Nani 109:29

¡Yang waihli nani ba sut, swira tara ni aibanhbia! ¡Witin nani ai swira ni, pura prakaika kum baku pura prakan kabia!

Lawana Nani 40:14

Yang rayaki sauhki tikaia pliki banhwi nani ba sut, yarka saura swira daukan kabia, lal sin tanis takbia; ¡baha nani yang ra saura ai munaia luki nani ba kli witin nani ra swira daukka plapi banhbia!

Jirimaya 14:4

Insla dadaukra nani ba witin nani ra sin kunin munan ai dara walisa bara ai lal pura bikisa, kan lî auhras ba mita tasba lâwan pali sa.

Jirimaya 15:18

¿Dîa muni latwan nani brisna ba sip dasras ban ba? ¿Dîa muni insauhkan nani brisna ba sip pruras, rakaika nani ba sut mapara bûi ba? Man ba yang maipara lî puputni kunin wan muni ba baku takram sa.

Jirimaya 2:13

“Yang upliki nani aima wâl saura daukan: ai lulki ai swin, yang rayaka laya kârma ra ai briras, witin nani lî watla paskan, laya watla nani ba iswisa sip lî alki takaskras ba.

Jirimaya 2:37

Idsip wina swiram tara daukka tawi balma, baha nani man ra pain mai kulki ba yang mita lulki swiri, witin nani wal pain sma ba wina diara brima apia.”

Jirimaya 20:11

Sakuna Dawan, man lika yang laimara sma aiklaklabra kum baku, man puram luaia âpu sa; nini bliki nani ba kauhbia, puri luaia sip apia kabia; sip apia takbia, witin nani swira takan kabia, bahki kulkan ni pura prakan ba âuya tiwbia apia ban kaia ra.

Jirimaya 3:3

Baha mita sika lî auhaia piua ba bara lî sikwaia piua ba lî auhras kan. Man mamwan ba swiram âpu sa yabal mairka mawan baku sa; ¡man swiram bri kaia kapram!

Inanka Nani 4:4

Tiala di tuktika nani twisa ba ai darkaya kat alkisa, lî diran dauki ba mita; tuktan nani plun makabisa, kuna upla kumi sin witin nani ra yaras sa.

Oseas 2:3

Witin baku daukras kabia kaka, susu dauki swimna: witin aisubi takan ba yua ra, dîa luha kata ba baku, upla iwras tasbaya baku daukamna, tasba lâwan baman kabia, bara lî diran bla yarka prubia.

Joel 1:20

¡Daiwan wail nani ba sin man ra inisa, tingni laya nani lâwan ba mita; twi untika nani ba sut, pauta klauhi amisa!

Emus 4:7

“Yang daukri sika, kati yumhpa namsla purara lî auhras kaia ba, kau mâ dâkras ba kainara, tawan tara kum purara baman yabri lî auhan, bara wala nani purara yabri auhras kan. Insla kum kum purara lî auhan, bara insla wala nani ba lika, lî âpu tâka mita srawi luan.

Emus 4:8

Tawan kum wina tawan wala ra upla nani ba lî pliki tauki kan, sakuna ai âuyapah lî aitani sakras kan ai diranka tikaia. Baha sut daukri sakuna, man nani lika yang ra kli tawi balras kapram.” Dawan baku kasak aisisa.

Sakaraya 14:17

Bara baha tasbaya nisanka nani ba tila wina King, karnika sut bri Dawanka ba ra mayunaia Jerusalem ra waras sa kaka, baha nani tasbaya purara lî auhbia apia.