Jirimaya 13:16 - DAWAN BÎLA AISKA

¹⁶ Man nani bui Dawan Gâdkam ba pain kulki bas, witin bui man nani ra tihmia tara ba kau bri balras bara kiasma ilka nani ra kau minam prukras sma ba ra; baha ingnika bîla kaikisma witin mita kau tihmia tara ba bri balras dista tara ba kau daukras ba ra.

Jirimaya 13:16 ပူးပေါင်းရင်းမြစ်များ

Job 3:5

¡Aitani lukaina, kasbrika distika tara kum bui tihmia dingkan kata, apia kaka kasbrika siksa pali kum bui yu ingnika ba tikan kata, apia kaka aiskura alki, tihmia tara ba mita sirang tara ni ikan kata!

Lawana Nani 107:10

Tihmia tara ra iwi kata silak ra sin mangkan, sarka nani ba brin.

Lawana Nani 107:14

tihu tara ba wina witin nani ra sakan bara sin priskan kan ba wina pri sakan.

Lawana Nani 29:2

Dawan ra ai nina mayunra prana ba yas; Dawan ra mayuns, Dawan wal aisaia watla pranakira ra.

Lawana Nani 44:19

Ban sakuna, man mita minam ni wan taibram, pât nani briaia pliska nani ra wan swiram, ¡tihmia tara ni sin yang nani puri bikram!

Impakan Sturka 10:21

Bara Dawan bila Moses ra win: —Klamhkla kasbrika tani ra purara buks, bara Idsip tasbaya purara tihmia tara kum balbia, tihmia pali kabia ba mita pana pana sip kaikras, ai lal pruki banhwi kabia.

Sins Lâka 4:19

Sakuna upla watawikira nani yabalka ba lika tihmia tara ra sa; witin nani ai dahra walras, dîa mita ai mina prukisa sapa.

Smasmalkra 11:8

Sakuna upla nani ba mani ailal raya iwi kra baha liliaka sut bribia, ai kupia kraukbia tihmia yua nani ba ailal kabia, bara diara nani sut aula ba bahki baman sa.

Aiseya 5:30

Nisanka nani ba baha yua ra kabu binka baku, Israel luhpia nani ra lawi kabia; bara upla kum tasba ra tawi kaikbia ba ra, kaiks tihmia tara man kabia, pât tara nani sin, bara kasbrika purara ingnika ba sut tihmia tara man kabia.

Aiseya 59:10

Yawan utla tnaya ra sapi tauki banhwisa blain baku; bara kapi kaiki watauki banhwisna wan nakra âpu kan baku; yu wan lal kat ra, yang nani mini prukisna tihmu ra kan baku; yang nani tihmia tasbaya nani ra sna upla pruan nani baku.

Aiseya 59:9

Baha mita sika swak takan lâka ba yawan wina kitwi takan ba, bara pri lâka ba wan lamara balras sa; yawan ingni briaia bîla kaiki kan, sakuna kaiks tihmia tara baman sa; ingni briaia wisi bîla kaiki kan, bara yawan tihmia ra wataukisa.

Aiseya 60:2

Kaiks tihmia tara ba, tasba aiska ra kabia, bara nisan nani purara sin tihmia tara kabia; sakuna man puramra lika, Dawan wina yu baiwanka ingnika balbia, bara ai prana ba man puramra bal mai kaikbia.

Aiseya 8:22

bara witin nani tasba ra kaikbia; bara kaiks pât tara, tihmia tara baman kaikbia, tihmia tara, pât wahwaia baman. Upla sut tihmia ra kabia. Pât wahwi taibi bri nani ba, swak takaia âpu kabia.

Jirimaya 14:19

Dawan, ¿Juda ba man aiska pali lulki swiram sa ki? ¿Saion tawanka ba dukiara man tayat pali takram ki? ¿Dîa kan yang nani sip kli rawaia apia kat ai insauhkram? Yang nani lika yamnikam wankma bîlam kaiki katna, sakuna yang nani maipara diara saura baman takan. Yang nani rawaia aihwaki katna, sakuna sirang tara ai iki ba baman bâra sa.

Jirimaya 2:6

Witin nani lika yang ai plikaia trabil taki lukras kan, Idsip wina yang bui witin nani sakri ba, upla iwras tasbaya bâk tapahki ba, tasba lâwan albangka nani bâk luan ba, lî âpu tasbaya bâk, pât nani pali man taukan ba, upla sin bahara iwras, bahara sin impakras yabalka ra taukan ba sut.

Jirimaya 23:12

Baha mita ai yabalka nani ba tihmia tara lalawra man kabia: witin nani ba tukbi batakaia daukamna. Witin nani aikuki diara kulki kaikamna ba ra, witin nani purara sarka paskaia bri balamna. Yang, Dawan, kasak aisisna.

Jirimaya 4:23

Yang tasba ra tawi kaikri bara upla iwras tasbaya daukan kan; kasbrika ra tawi kaikri bara bahara ingni kum sin kaikras katna.

Jirimaya 50:6

Yang upliki nani ba sîp nani tiwan baku kan, sepadka nani mita saura tapahkan, swin il nani ra wih aimawahkaia. Il kum wina il wala ra wan, ai klarka nani kata ba sin ban âuya tiwan.

Jirimaya 6:21

Baha mita, Dawan aisisa; “Naha uplika nani na ai mina pruki kauhaia daukaisna. Aisika nani, luhpia nani, lamara uplika prui nani ba sut, aikuki baku prui banhbia.”

Jirimaya 8:15

Yawan sika aihwaki kan wan mapara yamni ba balaia, sakuna yamni kumi sin yawan ra balras kan. Yawan sika siknis wina rawaia bîla kaiki kan, sakuna sirang wan ikaia lâka bamna sa.

Inanka Nani 4:17

Wan nakra nani swapisa, kau tâ baikanka sip balbia apia ya bîla kaiki ba wina; yawan aihwaki ban bîla kaikisa, nisan kum swaki sakaia sip apia ba aula dukiara.

Isikiel 21:15

Witin sibrin lâka ni banhbia, manis pali ra rausauhkan kabia. Ai watla nani ra sord âikra ba mangkri sa. ¡Sordka ba klaki wapni daukan, imyula baku lipaia, iki tikaia dukiara mala daukan!

Isikiel 34:12

Sepad kum ai sîpka nani dukiara uya luki ba baku yakabrira piua ra, baku yang sîpki nani dukiara lukamni; swaki sakamni baha pliska tihmu bara lâ tara yua kum ra yakabrira takan ba wina.

Isikiel 36:15

Kli walamna apia lahtuban bîla nani, nisan wala nani wina; kli kupia sauhkan bîla nani walbia apia baha uplika nani wina, kan man nani kli ai uplika nani ra luhpias swima apia. Yang, Dawan, kasak aisisna.’ ”

Joel 2:2

tihmia tara bara mukus nani yua, kasbrika nani bara dista yua. Suldiar karnakira daknika tara kum unta nani purara bal iwan sa, lalma kahbi ingnika ba baku sa. Baha sât dukia takan upla kau kaikras kan, kli baku sin takka kaikbia apia, diara kum talika baku sin apia.

Emus 4:13

Dawan, il tara nani bara pâsa sin paski ba, witin dîa daukaia luki ba upla ra maisa paki ba, witin ingni ba wina tihmia tara dauki ba, witin tasba pîska kau purara nani ba wapi kaiki ba, Dawan, Gâd karnika aiska bri ba, baha sika ai nina sa.

Emus 5:18

¡Sarkam pali ai daukisa, man nani Dawan yua balka kaikan pali mai dauki ba! ¿Tânka brisma ki baha yua ra man nani ra dîa takaia ba? Baha yua ra yu ingnika ba lika lap tiwbia, tihmia tara baman kabia.

Malaquía 2:2

Man nani sika yang bîli wali dauki, pulan lâka luha tara ai kulki kaia kapram. Sakuna baku daukras sma kaka, lahtubamna. Baku daukras sma bamna prîs warkka wina yamnika nani briaia katma ba, lamhtubanka ra lakamna.” Karnika sut alki bri Dawanka ba, naha aisisa.

Jan 12:35

Bara Jisas bila baha nani ra: —Kaiks, piua wiria baman ingni ba kau man nani tilamra kabia. Bamna watauki bas kau baha ingnika brisma ba ra, tihmia kra mai alkbiara sîa; kan tihmia ra watauki uplika ba, witin kaikras sa anira auya sapa.

Jasua 7:19

Bara Jasua bui Acán ra makabi walan: —Luhpi, pain kulkan mayunan lâka ba Dawan Israel Gâdka ra yas, man dîa daukram ba damra ba yukukpara, ai wis.

1 Pita 2:8

Bara naha wala na sin: “Walpa tara kum, walpa kum ra sika ai mina prukbia.” Kan witin nani ai mina prukisa, sturi yamni bîla wali daukras ba mita, Gâd kupia lâka kat witin nani ra baku takaia kan.

1 Samuil 6:5

Baku bamna, yukri nani bara matis nani lilka ba sin dauks baha nani wan tasbaya sauhki tiki ba wal, bara Israel Gâdka ra mayunra yas; ban kra witin bui gâdkam nani pura wina, tasbayam, bara man nani puram wina sin ai lawanka ba sâkbia.