Jirimaya 12:6 - DAWAN BÎLA AISKA

⁶ Muihkam nani pali sin, tamya nani pali ba sin, witin nani mai atkan, man ninamra saura aisi wini banhwisa. Man lika witin nani ra kasak lukpara, bîla pain nani witin nani man ra aisabia sin.

Jirimaya 12:6 ပူးပေါင်းရင်းမြစ်များ

Job 6:15

Sakuna man nani upliki nani, yang maipara tiwram sa, tingni kumi lâwan ba baku.

Lawana Nani 12:2

Witin nani bani ai uplika ra kunin bîla aisisa; ai mawan wâl, ai bîla wâl bri aisisa.

Lawana Nani 12:3

Dawan, wakia wina, baha nani ba daiks; ai mawan wâl bri nani ba, twisa karna aisi ba,

Lawana Nani 69:8

yang na tringsar baku, bara upla ai kakaira apia sa, muihki pali nani ba mita sin.

Sins Lâka 23:8

Aikuki sâkma plun pima ningkara, bara bîlam aisinka painkira nani aisatma ba sut, bahki man takbia.

Sins Lâka 26:25

Witin ai bîla yamnikira baku aisi ba ra, witin ra kasak lukpara; kan ai lukanka saura lâka ni banhwan sa.

Aiseya 31:4

Dawan bui ai win: “Layan kum bui sîp kum ra alki ikan ba baku, sepad nani daknika kum aidrubi asla taki witin mapara balbia sin, sakuna ai bîla baikra ni sirang ikbia apia, witin nani binka dauki ba mita ni sin sasibrira takbia apia; karnika sut bri Dawanka ba sin baku aiklabi bal iwbia Saion ilka purara.

Jirimaya 11:19

Yang sika daira walras katna, sîp kum daiwan ikaia watla ra bri auya ba baku, yang maipara diara daukaia witin nani aikuki aisi kan ba. Witin nani aisi kan: “Baha dusa ai karnika aiska bri pâwi ba kaisa yawan klakaia; naha tasba wina daiki sâkpi rayaka bri nani ba tila wina, bara upla kumi sin witin ra kli ai kupia kraukbia apia.”

Jirimaya 11:21

Anatot uplika nani yang ai ikaia luki kan, witin nani ai win Dawan dahra aisamna apia, aisi ban kamna kaka ai ikaia ai win,

Jirimaya 20:10

Upla nani pusbi aisi ba walaia sip sna: ‘‘¡Sibrin tara ba tnaya bani ra bâra sa!” Witin nani wisa: “¡Man nani bal, kaisa yawan bui witin dahra kwahkaia!” Yang upliki aihwa nani ba sin bîla kaikisa kunin lâka ra mini tâi baikan kum lulkamna. Witin nani aisisa: “Ban kra swirka kunin munbiara; bara yawan mita pura lui bara yawan pana witin ra munbia.”

Jirimaya 9:2

¡Aitani lukaina upla iwras tasbaya ra iwaia pliska kum sakri kaka, upliki nani tila wina laihura waia! Kan witin nani sut ba kasak lukras nani takan sa; upla wala pât ra lalulkra daknika atia takan.

Jirimaya 9:3

Piu bani ra kunin aisaia ridi ban sa trisbaya nani pantamangka wina lulki ba baku. Witin nani ai kuntrika ra kunin lâka ba king aimakisa, kasakka lâka ba lika apia; saura dauki ba wina kau saura pali daukisa, bara Dawan ba sin kasak aisisa: “Witin nani ai kaikaia takan daukras.”

Jirimaya 9:4

Wan upliki nani ba sin kasak sa kulkaia apia; wan muihni pali ba ra sin kasak lukaia apia sa, kan ai muihnika nani ba sin pana pana kunin munisa, bara ai uplika nani ba sin ai uplika ninara saura aisisa.

Jirimaya 9:5

Upla kumi bani ai walka lawaska kikisa, upla kumi sin ai walka ra sturi kasak ba aisaras. Kunin aisaia ba witin nani natka takan; saura dadaukra, sip natka wala ra tawras. Dawan kasak aisisa: “¡Taibi luan ba pura kli taibi luan, kunin aisin purak kli kunin aisin! Upliki nani ai kakaira takaia brin daukras sa.

Matiu 10:21

“Upla nani ai muihnika nani ra kunin muni prura pâtka ra dingkbia, aisa nani mita sin ai luhpia nani ra baku munbia; luhpia nani ba ai aisika nani mapara bubia, bara prura mihta ra mangkbia.

Mark 12:12

Bara witin nani trai kaikan Jisas ra alkaia, kan witin nani kaikan naha maprika lilka aisin na, witin nani mapara aisin. Sakuna upla nani ra sibri kan bamna, witin ra swi si, mahka wan.

Jan 7:5

Kan Jisas muihnika nani pali mita sin, witin ra kasak lukras kata.

Apastil Nani Sturka 16:22

Bara upla nani sut witin nani mapara buan, wihtka nani mita sin adar yan kwalka nani ba taya wina daiki si, klala ni wipbia.

Apastil Nani Sturka 18:12

Sakuna baha yua nani ra, Galio ba Acaya wihtka tara aimaki kan piua, Ju nani sut asla taki Pal mapara buan, bara lâ watla ra bri si,