Jirimaya 12:1 - DAWAN BÎLA AISKA

¹ Dawan, yang na man wal aisi blahwamna kaka, man piu bani aisisma ba sut ba rait baman sa; ban sakuna, yang diara mamkabi walaia brin ai daukisa diara kum kum ra tânka bâra sa. ¿Dîa muni watawikira nani dauki ba sut yamni man taki ba? ¿Dîa muni upla âiatkra nani ai âuyapah iwi ba?

Jirimaya 12:1 ပူးပေါင်းရင်းမြစ်များ

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

Esdras 9:15

“Dawan Israel Gâdka, man kasak wapni pali sma, ban pât nani tilara man mita daukram, yang nani dakni lupia kum naiwa yua kat kau ban raya kaia, baku yang nani naiwa nâra sna. Yang nani sika pâtkira sna, man kaikisma; baha mita lamamra kaia sip apia banhwisna.”

Nihimaya 9:33

Âu, man lika kasak tânka ba kat daukram klin sma, pât nani sut pali yang nani purira balan ba tilara, man lâ wapni pali ba daukram, ban sakuna yang nani lika diara saura baman daukri.

Job 12:6

Tahplu nani ba ai watla ra ai âuyapah sa; Gâd mapara uplika nani ba ai âuyapah iwisa ai watla nani ra, kan witin nani lukisa, Gâd ba witin ai mihta bilara alki brisa.

Job 13:3

Sakuna kau yamni lukisna Gâd wal aisaia kau yamni sa, Gâd karnika sut bri ba wal blahwi aisaia.

Job 24:12

Baha nani pât wahwisa tawan wina laihura, ini kira ai tikluka ba sakisa, sakuna Gâd lika ai pura sunra ba walras sa.

Job 24:23

Gâd mita ban swika raya iwi kabia pât sin âpu, sakuna ai mina lulkanka bani ba aihwaki kaiki kabia.

Job 8:17

Ai wakia nani ba walpa taya purara aiblakwisa, bara ban walpa nani ra prak prawisa.

Lawana Nani 116:5

Dawan lika kasak kupia yamnikira sa; wan Gâdka upla ra latwan kaikisa.

Lawana Nani 119:137

Dawan, man ba kasakkira sma; bara lâ aisi daukisma ba sut kasakkira sa.

Lawana Nani 119:75

Dawan, yang kaikisni, baha lâ nani man aisi daukram ba kasakka lâka sa, bara kasak sa, yang sari brisna ba ra.

Lawana Nani 145:17

Dawan ai yabalka nani sut ra kasakkira sa, ai daukanka nani sut ra sin kupia pihni sa.

Lawana Nani 37:1

Kupiam sauhkpara watawikira nani diara dauki ba kaiki, man sin saura dadaukra nani ra tumpara.

Lawana Nani 37:35

Yang bui upla watawikira ba kaikri praut lâka ni banhwan pali kan, dus tara kum pâwan bara tnawa wahia nani palwan ba baku kata;

Lawana Nani 51:4

Man mampara sika yang saura daukri ba, Dawan, man mampara baman saura daukisna ba, man mapara sma ba. Baha mita man lâmka daukisma ba kasak sa; upla kumi sin âpu sa, baha mapara buaia.

Lawana Nani 51:6

Man upla kupia kunin luha ra latwan kaikisma ba, kasak sa, bara kupi mununhta kat, sins lâka aikram.

Lawana Nani 92:7

Upla watawikira bara saura dadaukra nani ba, inta wahia baku pâwisa bara sin uya sahwi kaka, baha nani sut ba sauhki tikan kabia ban kaia ra.

Sins Lâka 1:32

Sins tânka aitani briras nani ra, diara daukaia tânka luha ba mita ikisa, bara taniskira nani ra diara lukras ba mita sauhki tikisa.

Smasmalkra 8:14

Bara baku natka ra naha tasba ra daukisa, tânka âpu sa upla yamni nani pât wahwi ba saura dauki kan baku; bara upla saura dadaukra ba ai liliaka brisa yamni kan baku. ¡Yang wisna naha sin tânka âpu sa!

Aiseya 41:21

Dawan, Jekob kingka witin aisisa: “Aidul nani, bal, man hilpkam aisas, dîa daukisma raitkam aisas.

Aiseya 48:8

Âu, man naha tânka kau walras kapram, man sin kau baha kakaira apia kapram; kan piu bani ra, kiamam prakan bara ilingkras bri katma. Yang kaiki katna man na kasak apia sma ba bara bîla walras lulki swiram kan ba, baha mita ninam mâkri man ba mapara babura, kau mai baikras kan ba wina.

Jirimaya 11:20

Sakuna Dawan, man lika karnika sut brisma ba, man ba wihta kasak kum sma; upla kupia lukanka kat dîa luki ba sut kaikisma ba. Aik kaikamna man baha uplika nani ra nahki klala yabaisma ba, yang ra diara nani takaia ba man mihtam ra swiri bamna.

Jirimaya 12:6

Muihkam nani pali sin, tamya nani pali ba sin, witin nani mai atkan, man ninamra saura aisi wini banhwisa. Man lika witin nani ra kasak lukpara, bîla pain nani witin nani man ra aisabia sin.

Jirimaya 3:20

Sakuna mairin kum ai maya nakra baiki ba baku, man nani sin baku yang maipara wapni apia sma. Yang, Dawan, kasak aisisna.

Jirimaya 3:7

Yang kupi ra luki kapri witin nani baku daukbia ba ningkara, kli tawi yang ra balbia; sakuna witin nani tawi balras. Muihnika mairin Juda, rugkira takan ba baha daukan ba kaiki kan;

Jirimaya 32:16

“Tasba atkri wauhkataya nani ba Baruc Neria luhpia waitna ra yabri ba ningkara, yang Dawan ra puri sunri:

Jirimaya 5:11

¡Israel Juda wal yang maipara buan! Yang, Dawan, kasak aisisna.”

Jirimaya 9:2

¡Aitani lukaina upla iwras tasbaya ra iwaia pliska kum sakri kaka, upliki nani tila wina laihura waia! Kan witin nani sut ba kasak lukras nani takan sa; upla wala pât ra lalulkra daknika atia takan.

Inanka Nani 1:18

Dawan ba kasak ba daukan, yang mita sika witin ai bîla mapara buri bamna. ¡Upla nani sut, yang ra ai wals; pât wahwisna ba sin kaiks! ¡Wahmiki nani bara tiariki nani sut ba alki priski silak ra brih wan sa!

Isikiel 18:25

Man nani wima yang ba kasak lâka kat diara daukras sna; sakuna Israel uplika, wals, ¿man nani lukisma yang kasakka lâka daukras? ¿Baha ba kir lakisma, man nani saura dauki ba?

Daniel 9:14

Baha mita, Dawan, man naha klalka nani saki yang nani purira blikram, kan man ba sika Dawan wan Gâdka sma ba, diara sut daukisma ba tilara man ba ban kasak sma, yang nani bui man ra mai walan wan daukras kan.

Daniel 9:7

Man lika Dawan kasakkira sma, sakuna yang nani Ju nani ba naiwa wan swira tara sa, baha nani Jerusalem ra iwi ba Israel luhpia nani sut sin, baha nani wan lamara ba bara laihura ba sin, witin nani man bîlam kulkras kan ba tâwan plis plis ra yakabram sa.

Oseas 6:7

“Sakuna yang upliki nani, Adam wal baku sa, lâika witin nani wal daukri ba krikan, bara maipara saura pali daukan.

Abakuk 1:4

Lâ ba kat daukras sa, wapni lâka ba ai mina ni taibisa, watawikira nani ba, kasakkira nani ba nina blikisa kasakka lâka ba warbi sauhkisa.

Sofonías 3:5

Sakuna Dawan baha tawanka tara bilara sa; witin yamni baman daukisa, saura lika apia. Titan bani ai piua kat ai lâka ba bapisa, ban sakuna, saura dauki nani ba ai swira lâka ba tânka sin briras.

Malaquía 2:17

Man nani aisisma ba Dawan mai wali swapan; sakuna man nani kau ban makabi walisma: “¿Yawan na dîa aisin sa bara ban wan wali swapaia?” Man nani aisaram Dawan upla nani saura dauki ba yamni kaikisa, witin baha nani wal lilia pali sa. ¡Gâd ba kasakkira sapa man nani tânka briras!

Malaquía 3:15

Yawan nani kaikan aimayunra nani ba lilia sa, diara watawi nani ba wina, witin nani ra yamni baman takisa; witin nani mita Dawan traika kaikisa, sakuna klala kumi sin briras.’ ”

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!