Jirimaya 11:4 - DAWAN BÎLA AISKA

⁴ Naha lâka ba sika yang damikam nani wal daukri, witin nani Idsip wina sakri ba piua ra, Idsip kuntrika ba lapta pali kan ayan angki slilki kubuska baku. Yang bui witin nani ra wîri: Man nani lika yang bîli wali daukma bara upliki nani kama, yang sin man nani Gâdkam kamna.

Jirimaya 11:4 ပူးပေါင်းရင်းမြစ်များ

Blasi Sturka 17:8

Kenan tasbaya ba man ra maikamna bara witin nani ra sin yabamna. Nanara man bâra iwisma tasbaya ba man prapatikam ban kabia; bara yang lika witin nani ai Gâdka kamna.

1 King Nani 8:51

Kan witin nani ba sika man uplikam nani bara man pali dukiam ba. Baha nani sika Idsip wina sakram ba, kubus kum ami slilwan baku kan ba wina.

2 King Nani 18:6

Kan witin Dawan kat nina blikan, bara sin witin Dawan yabalka ba wina tnaya ra tawras kan, dîa Dawan bîla kainara Moses bâk ulbi yaban kan ba kat alki dauki kan.

Impakan Sturka 20:6

Sakuna baha nani latwan ai kaiki, lâika bîla nani kat dauki nani ba, kiamka tausin nani ra latwan kaikisna.

Aiseya 30:6

Négueb daiwra nani dahra aisin ba: Pât nani tasbaya ba banhkisa, layan nani ahbi ba bâra iwisa, piuta nani daiwan saura nani pâli tauki nani ba bâra sa diara nani bri ba diara kuki brin nani ba baha nani bal biriku ra bara kiamil ra prahki Idsip ra kwahkisa, diara sip daukras uplika nani ba,

Aiseya 48:10

Yang sunu mai sakri, sakuna silbar ra dauki ba baku lika âpu, sakuna kubus tara ra baku pât wahwaia.

Jirimaya 11:7

Man nani damikam nani yang bui Idsip wina sakri ba ra, witin nani ra kupia krauki wîri yang ra baman bîli wali kabia, baha piua wina yang kupia krauki ban sna naha piua kat.

Jirimaya 24:7

Yang bui witin nani ra diara tânka kaikaia yabamna, bara witin nani ai kaikbia yang sika Dawan sna ba, bara witin nani upliki nani kabia, yang sin witin nani ai Gâdka kamna, kan witin nani ai kupia aiska yang ra kli tawi balbia bamna.

Jirimaya 26:13

Man nani daukankam ba yamni dauks, man nani Dawan Gâdkam bîla wali dauks, bara witin ban man nani pât tara mai blîkbia apia, yang aisari baku.

Jirimaya 32:28

Baku bamna, yang mai wisni: Yang daukaisna tasbaya ba king Nabucodonosor karnika munhtara kauhaia, witinka Babilon kingka ba, bara Caldea uplika nani mihta ra sin.

Jirimaya 38:20

Jirimaya pana witin ra win: —Sakuna king ba baha nani mihta ra kauhbia apia. King, pliskam, Dawan aisi bîla ba, man wali dauks, yang bui man ra mai wîri ba, man ra baku yamni takbia man pruras raya kama.

Isikiel 11:20

Baha ningkara witin nani ba yang lâika bara adarki nani daukri ba kat iwbia, bara witin nani mahka alki daukbia. Witin nani ba yang upliki kabia bara yang lika witin nani ai Gâdka kamna.

Isikiel 14:11

Israel luhpia nani ba yang laima wina kli taki waia apia, saurka lâka bara kli tâski takaia apia dukiara. Witin nani ba yang upliki nani kabia, bara yang lika witin nani Gâdka kamni. Yang, Dawan, kasak aisisna.”

Isikiel 36:28

aisika nani ra yabatna tasbaya ra iwbia, bara upliki kabia bara yang Dawanka kamna.

Isikiel 37:23

Kli tâski takbia apia, aidul saura kulkan nani ra mayuni, saurka sât sât dauki. Yang kasak lâka luha daukan ba wina sut pri sakamna, bara klin daukamna ai saurka wina. Witin nani upliki nani kabia bara yang ai Dawanka.

Isikiel 37:27

Witin nani tilara iwamna, bara yang ai Dawanka kamna bara witin nani upliki nani kabia.

Daniel 3:26

Nabucodonosor naha aisi si kubus untika ba lamara wih bara winan: —¡Sadrac, Mesac bara Abed-negó, Gâd Laih Purara ba albika nani, taki nahara bal! Wahma yumhpa ba pauta klauhan ba wina bal takan,

Libait Lâka 26:12

aima bani man nani tilamra watauki ban kamna, yang lika man Gâdkam sna, man nani lika yang upliki nani kama.

Libait Lâka 26:3

“Yang lâika ba man nani dauki kama, kulki banhma sin lâka nani sut ba alki daukma ba ra,

Sakaraya 6:15

Upla nani laih wina balbia, Dawan tempelka kli paski ba bakahnu mâkaia; bâra mika man nani kaikma Dawan, karnika sut alki bri ba, ai blikan ba. Naha ban takbia, man nani bui Dawan Gâdkam bîla baikra wali ai bîla wali daukma ba ra.

Sakaraya 8:8

bara Jerusalem kat brih wamna bahara iwbia wisi. Baku ba ra witin nani ba yang upliki kabia, bara yang lika ai Gâdka kamna, kasakka lâka ra bara lâ wapni daukaia lâka ra sin.”

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

2 Korint 6:16

Bara diara kum mapa ra sin sip apia sa Gâd tempelka ba aidul nani wal prakaia. Bamna yawan nani lika Gâd rayakira ba tempelka sika, Gâd witin pali aisin ba baku: “Yang lika witin nani tilara iwamna bara sin taukamna; yang lika witin nani Gâdka kamna bara witin nani ba upliki nani kabia.”

Kli Smalkanka 11:27

Yamni ba brima, Dawan Gâd bîla wali ai lâka nani naiwa maikri ba kat daukma kaka.

Kli Smalkanka 4:20

Ayan angkaia kubuska wina Dawan mai brih mai sakan, baha sika Idsip, nanara lika witin uplika ai dukia sa.

Kli Smalkanka 5:6

‘Yang sika man Dawan Gâdkam, Idsip tasbaya ra alba kapram ba wina mai sakri ba.

Hibru Nani 5:9

Witinka ra aiska aihwa daukan kan ba ra, witin ba ban kaia ra swaki sakan lâka kârma laya takan, ai bîla wali dauki nani sut dukiara;

1 Samuil 15:22

Bara Samuil bila win: “Dawan kau kanra yamni kaiki ba sika, witin ai bîla wali daukaia ba, daiwan wîna aiska angki sakripais nani dauki yaia ba lika apia; kanra yamni, witin ai bîla wali daukaia bara witin ra aman walaia, sîp wîna batanka nani bara sakripaiska nani dauki, prisantka nani yaia ba wal.