Jirimaya 11:20 - DAWAN BÎLA AISKA

²⁰ Sakuna Dawan, man lika karnika sut brisma ba, man ba wihta kasak kum sma; upla kupia lukanka kat dîa luki ba sut kaikisma ba. Aik kaikamna man baha uplika nani ra nahki klala yabaisma ba, yang ra diara nani takaia ba man mihtam ra swiri bamna.

Jirimaya 11:20 ပူးပေါင်းရင်းမြစ်များ

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

2 King Nani 19:14

Bara Ezequías ba tawanka bîla twatwilkra nani mihta ba wina wauhkataya ba brin, bara aisi kaikan. Ningkara, Dawan watla ra wan, bara Ezequías wauhkataya ba Dawan lamara kwâki mangkan,

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

1 Kronikas 29:17

Dawanki, yang kaikisna man upla kupia tânka pliki kakaira sma, bara kupia wapnikira ba man yamni kaikisma; baha mita yang kupi wapnikira ni naha diara nani na maikri sa, bara nanara man uplikam nani nahara asla taki banhwan na, liliakira pali wal diara maikan sa.

Job 5:8

Man wamtlika ra, yang bui Gâd ra kaikamna, bara trabilki nani sut ai mihta ra swimna.

Lawana Nani 139:23

Dawan, man tâinka pliki kaiks bara kupi tânka ba sin kaiks: yang kupi lukra ba dukiara traiki kaiks bara lukanki nani ba sin.

Lawana Nani 35:2

Kainam kahbaika ba alki buki bal, yang tâiwan aimaki bal kaini kahs;

Lawana Nani 57:1

Gâdki, kupiam swapni ai kaiks, swapni ai kaiks; yang lika man ra yukuwaiki plikisna, tnamwa mununhtara dimi yukuwamna pât ba lubia kat.

Lawana Nani 58:10

Ani uplika nani kasak ba, pana munan ba dukiara ai lilia bribia, baku sin watawikira nani ba, tâlia ra ai mina nani ba buskbia.

Lawana Nani 7:10

Kaini kahbaika ba, Gâd Laih Purara pali ba, witinka bui kupia wapni nani swaki sakisa.

Lawana Nani 7:8

Dawan, man nisan nani lâka aisi daukisma: yang lâika aisi dauks, yang kasakki ba tânka ba kat; lâika aisi dauks pâtkas sna ba tânka kat.

Lawana Nani 7:9

Gâd kasakkira, lukanka nani ba laki kaikisma, ai dara walanka tihu pali ba sin, ¡watawikira nani saurka dauki ba yas takaskbia, sakuna upla lukanka pain ba swirka bâra ban kabia!

Lawana Nani 98:9

Dawan mawanra, witin tasba na wihtka aimakaia aula. Tasba aiska na wihtka aimakbia kasakka lâka bara sibrin luha ba wal.

Jirimaya 12:1

Dawan, yang na man wal aisi blahwamna kaka, man piu bani aisisma ba sut ba rait baman sa; ban sakuna, yang diara mamkabi walaia brin ai daukisa diara kum kum ra tânka bâra sa. ¿Dîa muni watawikira nani dauki ba sut yamni man taki ba? ¿Dîa muni upla âiatkra nani ai âuyapah iwi ba?

Jirimaya 12:3

Sakuna yang tani, Dawan, man ai kaikisma; man tâinka brisma bara nu sma kupi dahra wal ra man mampara dîa brisna ba. ¡Baha uplika nani ba sîp nani baku daiwan ikaia watla ra brih was; bri si swis ikaia yua piua ba mangki swis!

Jirimaya 15:15

Dawan, man lika diara sut tânka brisma ba, ¡yang ra ai luki bas, bal hilp ai muns! ¡Waihli nani nini bliki ba man bui witin nani ra pana muns! Witin nani mapara man ban kupiam alki takaski kapara, witin nani ban yang ra ai ikbia; kaiks man tâmwan diara saura nani ai wi ba ban kupi alki takaskisna.

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Jirimaya 17:18

Nini bliki nani ba lawaska kikaia dauks, yang lika apia; witin nani sirang tara iwbia ba ra, yang lika apia. Witin nani purara sari balaia dauks, kriki, kli kriki âpu pali dauks.

Jirimaya 20:12

Dawan karnika sut brisma, wapni lâka ba ni laki kaikisna, upla lukanka tihuka ba kat kaikisma, mairiks baha uplika nani ba nahki klala yabaisma ba, dîa yang ra taki ba man mihtam ra swisna bamna.

Inanka Nani 3:58

Dawan, man mita trabilki nani tilara tâ baikanka aikisma, bara rayaki swaki sakisma.

Inanka Nani 3:59

Dawan, man kaikram, yang ra nahki saura ai munan kan ba; ¡bamna man mita yang trabilki nani ba lâka dauks!

Inanka Nani 3:64

Witin nani ra dîa aibapaia ba kat yas, Dawan, witin nani ai mihta ni dîa daukan ba praiska kat yas.

Isikiel 11:5

Bara Dawan spiritka ba yang ra ai diman, bara ai win yang aisamna: “Naha Dawan aisisa: ‘Israel luhpia nani, baha sika man nani lukisma ba. Lukankam ba yang kakaira sna.

Apastil Nani Sturka 17:31

Gâd yu kumi mangkan sa, naha tasba aiska na lâka wapni kat daukaia, waitna kumi witin bâk sakan ba mita. Naha dukiara tânka aiska wan marikan sa, Jisas pruan wina bukan bamna.”

Pilipai 4:6

Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

2 Timoti 4:14

Alejandro bras warkka dadaukra ba, uya diara saura nani ai munan; Dawan mita witin ra dîa daukan ba kat ai mana yabia.

1 Pita 2:23

Witin ra lahtubi kan ba ra, pana lahtuban kumi sin aisaras kata; pât nani yaban wahwi kan ba ra, pana witin mita saura munaia wiras kata, sakuna ai tânka nani ba Gâd mihta ra mangki kan, witinka kasakka lâka kat lâ dauki ba.

Param Marikanka 18:20

Sakuna, man, kasbrika pura, liliam bas, baha tawanka tara ba tâka; man nani liliam bas, Gâd uplika nani sma ba, apastil nani bara prapit nani, kan Gâd mita witin ba pât ra lakan ba ra, kasakka lâka ba man nani ra daukan sa.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

1 Samuil 16:7

Sakuna Dawan bui witin ra win: “Mawan painka ra kaikpara, ai pâwanka ra sin apia, baha sut ba yang bahki kulkri sa. Yang lika waitna diara kaiki ba baku kaikras; upla lika mawan painka ra bamna kaikisa, sakuna yang lika kupia kat kaikisna.”

1 Samuil 24:15

Baku bamna, yawan wâl wan lâka na Dawan bui luki kaiki wapni daukbia, witin pliki kaikbia pâtka nani ba king mawanra tâiwan aiklabia.