Jirimaya 10:8 - DAWAN BÎLA AISKA

⁸ Witin nani sut ba sinskas baman sa, sins bri uplika nani apia sa. ¡Dus pîs kum ba wina witin nani ra smalkaia diara âpu sa!

Jirimaya 10:8 ပူးပေါင်းရင်းမြစ်များ

Lawana Nani 115:8

Ya bahmuna aidulka nani dauki ba, baha nani wal baku sa, ya witin nani ra kasak lukbia ba sin.

Lawana Nani 135:18

Baha aidulka nani wal baku sa, ya nani bui paski ba; bara ya nani bui kasak luki ba.

Aiseya 41:29

¡Witin nani kumi sin diara apia sa! Diara kumi sin daukras; aidul lilka bahki nani baman.

Aiseya 44:18

Baha uplika diara nu âpu, tânka sin briras; kan ai nakra nani ba sut blain sa, ai kupia sin baku sa diara tânka briaia.

Aiseya 44:19

Man nani luki kaikras sma, sins lâka âpu, diara tânka aisaia: “Naha wina mânka kum pauta ra piakri, ai maskuka purara plun angkri, wîna angkri, bara baha piri; bara kau witin mânka wala ba wina diara saura pali kum daukri, dus klakan praiska kum dauki bahara puri sunisna.”

Jirimaya 10:14

Upla sut ba sinskas baha tânka nani ba briaia brin daukras sa. Aidul nani ba mita baha papaskra nani ba ra kunin munisa: baha nani rayaka âpu kunin wan muni ba lilka nani sika;

Jirimaya 2:27

man nani dus kum pâwi ba ra wisma: ‘Man ba yang aisiki’, walpa kum ra sin baku wisma: ‘Man ba yang yaptiki’. Bara yang tani ra lika, ninam lakram, mamwan lika apia. Ban sakuna, pât kum aula ba ra lika man nani ai wisma: ‘¡Bal ai swaki ai sâks!’

Jirimaya 3:9

Witin nani ai swira âpu ur taki taukan, kuntrika na aiska tâski daukan. Yang wal wapni apia kan walpa nani ra dus pâwi nani ra mayunan.

Jirimaya 4:22

“Yang upliki nani sika kiamapara, ai kakaira apia —Dawan baku aisisa—. Witin nani tuktan baku diara luki kaikras, laki sin kaikras. Diara saura daukaia sinska lika manis brisa, sakuna yamni daukaia tânka lika briras.”

Jirimaya 5:4

Yang luki kapri: Upla umpira nani ba baman diara tanis daukisa, Dawan dîa brin dauki ba witin nani tânka briras ba mita, Gâd adarka nani ba sin kaikras ba mita.

Oseas 4:12

Upliki nani ba dus gâdka nani ra ai pura sunisa; ai mihta ra dus nani bri ba dusa ni, ai gâdka wal aisaia lan takisa. Ur takaia brinka ba mita taibi brisa, mistik takan nani ba yabalka ra upliki nani ba wapisa: tâski taki, Gâd lama wina taki wan.

Jona 2:8

Gâd bahki nani nina bliki banhwi ba, man ra kasak lukaia lâka ba mahka swisa;

Abakuk 2:18

¿Lilka nani upla ai mihta ni alki paski ba dîa mapara hilp sa ki? ¿Lilka bahki kum kunin ra baman wan brih wi ba dîa hilp takaia sip sa? Lilka nani ba sip sturi aisaras sa, ¿bara lilka papaskra ba, nahki baha lilka ra luki tniwi kabia ki?

Sakaraya 10:2

Upla ai mihta ni paskan gâdka nani aisi ba kunin sa, smaya kakaira nani kaiki ba sin kunin. Diara takbia wisi aisi yaprisauhkan ba, dukia takras baman sa, maisam nihkaia bîla nani aisi ba, maisa nihkanka âpu sa. Baha mita tawan ba sîp baku wataukisa, bara pât wahwisa, sepad kum âpu ba tâka mita.