Jirimaya 10:3 - DAWAN BÎLA AISKA

³ Baha uplika nani mayuni gâdka ba bahki pali sa. Dus nani pâwi ba tila wina dus kum klakisa; bara dus wina diara papaskra ba bal lilka kum karbi paskisa,

Jirimaya 10:3 ပူးပေါင်းရင်းမြစ်များ

Lawana Nani 115:4

Idan nani aidulka ba, gul bara silbar nani sa upla bui diara kum ai mihta nani ni paskan ba:

Aiseya 45:20

Asla taki bara bal, tawan ra raya takaskan nani ba, laimara bal. Witin nani kau baha nani tânka briras kan ba, baha nani ai aidulka dus ni daukan ba purara buki, bara witin nani gâd kum ra ai pura suni ba swaki sakaia gâdka apia ra.

Jirimaya 1:16

Naku sika klalka yabaia lâ daukaia sna ba, baha saura dadaukra nani ai lulki ai swin ba mapara, witin nani sika dus mâka kîa pain angki bara upla wala nani ra witin ai tasbaya wina apia nani gâdka lilka klauna paski bri kata ba, bahara ai pura suni mayunan.

Jirimaya 10:8

Witin nani sut ba sinskas baman sa, sins bri uplika nani apia sa. ¡Dus pîs kum ba wina witin nani ra smalkaia diara âpu sa!

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Jirimaya 2:5

Dawan aisisa: “¿Almukkam nani ba dîa saura daukri ai kaikan, baha tâwan yang wina laihura taki wan ba? Gâd apia diara bahki nani ba ninara witin nani wan, bara witin nani sin baku diara bahki takan.

Libait Lâka 18:30

Bamna lâika nani ba alki lan taks bara saurka ra kauhpara, wala nani kainamra kauhan ba baku, witin nani wal sin tâski takpara. Yang sika man nani Dawan Gâdkam.”

Matiu 6:7

“Puram sunisma ba ra, bîla bahki nani kli kli aisapara, Gâd kakaira apia nani dauki ba baku, witin nani lukisa baku aisi kabia bara Gâd lika witin nani ra kau wali kabia.

Apastil Nani Sturka 19:26

Ban sakuna, man nani pain kaikisma bara sin walisma, nahki naha waitnika Pal wi ba smalkisa, gâd nani upla ai mihta ni paskan ba lika bahki pali sa. Baku smalki ba mita upla manis kupia alkan, naha Epesus tawanka ra baman apia, sakuna Asia tasbaya aiska ra sin.

Roman 1:21

Bamna baku Gâd ra kakaira sa, sakuna Gâd ra mayunras bara tingki sin wiras. Kau ni diara bahki nani ra baman ai lukanka mangkan, bara witin nani ai kupia tanis ba tihmia ra bamna, ba kat takaskan sa.

1 Pita 1:18

Bamna Gâd ba baha rayaka bahki, almuk nani wina briram ba tila wina swaki mai sakan; bara man nani pain kaikisma, wan swaki sakan mana ba lika, diara aisawi nani ba wal aibapras kan, gul bara silbar baku;