Jirimaya 10:10 - DAWAN BÎLA AISKA

¹⁰ Dawan sika Gâd pali ba, Gâd ai rayaka bri ba, king ban ba. Witin ai kupia baiki ba ra tasba nikwisa; ai kupia baiwi ba mapara nisan nani sip bapi buras.

Jirimaya 10:10 ပူးပေါင်းရင်းမြစ်များ

Blasi Sturka 21:33

Bâra Ebraham bui Beerseba ra tamaris dusa kum mangki, bara witin Dawan Gâd rayakira ra ai pura sunan.

1 King Nani 18:39

Upla nani baha kaiki, tasba kat bawan, bara win: “¡Dawan sika Gâd sa, Dawan Gâd sa!”

1 King Nani 8:60

Baku ba ra nisan nani tasba ra iwi ba kaikbia Dawan ba Gâd sa, bara wala lika âpu sa.

1 Kronikas 29:11

¡Dawan, man dukiam sa tara kulkan lâka ba, karnika ba, prana ba, pura luan lâka bara king lâka ba sin! Kan kasbrika purara diara nani bâra ba, bara tasba ra bâra ba sut ba sin man dukiam atia sa, king lâka ba man dukiam sa, bamna man Dawan sika sut purkara sma.

2 Kronikas 15:3

Israel ba piu wihka pali kan Gâd kasakkira ba wina laihura kan, prîs nani âpu, Dawan yabalka smalkanka marikaia sin âpu.

Job 9:6

Witin tasba nikban nani blikisa, tasba ai playka bapanka nani ba sin munan nikwisa.

Lawana Nani 10:16

Dawan lika ban kaia Kingka sa; ¡idan nani ba, ai tasbaya wina saki lulkan kabia!

Lawana Nani 100:3

Kakaira taks man nani, Dawan ba sika Gâd; witin sika wan paskan bara yang nani witin dukia sna. Yang nani, witin ai uplika sna bara sîp daknika nani sin.

Lawana Nani 100:5

Kan Dawan ba yamni sa bamna, latwanka lâka ba ban kaia ra kabia, witin kasakka tânka ba ban kaia ra ban bâra kabia.

Lawana Nani 104:32

Witin naha tasba ra kang kaikisa, bara tasba ba tatatwisa; ai mihta ni il nani ra kangbisa bara il nani ba kiasma takisa.

Lawana Nani 114:7

¡Tasba man, tatatwi bas, Dawan mawanra, Jekob Gâdka!

Lawana Nani 145:13

¡Man king aimakisma ba, king lâka ba ban kaia ra ban kabia! Man kingkam lâka ba lika ban kaia ra ban sa.

Lawana Nani 146:6

Witin kasbrika pura, tasba, bara kabu sin paskan ba, diara nani sut bâra ba, witin ai bîla ba alki brisa.

Lawana Nani 18:7

Bara tasba nikbanka tara kum takan, il nani playka ba sin nikban kata, Dawan kupia baiwanka ba mita nikban kata.

Lawana Nani 29:10

Lî tara nani auhi ba, Dawan tâ aimakisa; ¡Dawan king aimaki iwisa ban kaia ra!

Lawana Nani 31:5

Man mihtam kat yang spiritki mangkisni; ¡Dawan, Gâd kasakkam tânka kat swaki ai sâks!

Lawana Nani 42:2

Dawan rayakira, rayaki na man ra luki diran daukisa. Dawan, ¿ahkia yang kli wih mamwanra bûi kamna?

Lawana Nani 68:11

Dawan mita upla nani ra ai bîla kum blikan bara mairin nani manis upla ra smalkan:

Lawana Nani 68:8

bara tasba ba nikban, lî sin kasbrika purara ba wina auhan, Sainai ilka ba sin tatatban, Gâd mamwanra; Âu, Israel Gâdka mawanra.

Lawana Nani 74:12

Blasi piua nani ba wina, man lika yang kingki sma. Man, Gâdki naha tasba ra pura luanka uya daukram tasba aiska ra:

Lawana Nani 76:7

¡Man ra upla sut si brisa! ¿Ya sip sa man mamwanra bûi kaia man kupiam sauhkisma bara?

Lawana Nani 76:8

Kasbrika purara ba wina, man lâmka nani kaikaia marikisma; tasba ba sibrin daukisa bara sâp takisa.

Lawana Nani 77:18

Pâsa buanka tara tilara alwanikam binka wali kata; imyulikam lipi ba tasba aiska ra ingwi kata, bara tasba aiska nikbi kan.

Lawana Nani 84:2

¡Tempelkam watla kutbanka painkira ba ra kaia, nahki brin ai daukisa! ¡Kupi aiska kira ni lilia aiwanisni rayaki Gâdka ra!

Lawana Nani 9:8

Witin lâ kasakkira aisi, tasba na lâka daukbia, wapni lâka kat, witin bui upla sâtka nani sut ba lâka dauki kabia.

Lawana Nani 90:11

¿Ya kaikisa man lawankam karnika ba? ¿Ya kaikisa man kupiam baiwanka ba?

Lawana Nani 90:2

Il nani ba kau paskras kan wina, tasba na bara tasba aiska sin kau daukras kan ba ra, piua nani sut wan kanra aula ba ra, man ban wan Gâdka sma.

Lawana Nani 93:2

Baha piua wina, Dawan, man iwaikam ba ban bâra sa. Man patitara wina ban bâra sma.

Lawana Nani 97:4

Ai imyulika nani ba mita, wan tasba aiska ba ingni daukisa; ¡baha kaiki tasba ba tatatwisa!

Aiseya 37:17

Dawan, man kiamam pri tniki yang ra wals: Dawan, namkra nani ba ilingki kaiks bara Senaquerib aisanka ba sin wals, witin sika Gâd rayakira sma ba mampara aisisa.

Aiseya 37:4

Ban kra Dawan man Gâdkam walbia naha bîla aisanka nani ba, witin ra sika Asiria kingka ai Dawanka ba mita blikan ba Gâd rayakira ra lahtubaia dukiara, bara sturi saura nani wiaia dukiara sin, naha bîla aisanka nani ba sika man Gâdkam pat walan sa, bahamna kau kiamka nani tila takaskan nani na dukiara puram suns.’ ”

Aiseya 40:15

Witin ai mapara nisan nani ba lî mâ kum baku sa, tasba yuya lupia paun ra mangkan ba baku; kabu un ra iwi kuntrika nani mana ba auhya yuya kum baku kulkisa.

Aiseya 40:28

¿Man kaikras sma ki? ¿Man walras sma ki? Dawan sika Gâd ban kaia ba, tasba lui waia piua sin witin mita paskan ba. Witin dring swapras, swapan bara bahkia takras, witin diara tânka kaiki ba sut alkaia ba upla kumi sin âpu sa.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 65:16

Ya ya kabia naha tasba ra yamni munaia lâka plikbia ba, Gâd kasakkira ba mita yamni munan kabia; bara ya tasba ra swer taki aisin kabia ba, Gâd kasakkira ba nina ra swer takbia. Blasi sarka lâka bâra kata ba sut âuya tiwan kabia, baha nani sut nakra nani wina yukukan kabia.

Jirimaya 23:36

Sakuna naha bîla na lika kli aisi banhbiara ‘Dawan wirhika ba dîa’, kan ya naha bîla ba aisabia kaka, yang daukamna witin aisi bîla nani ba kli witin ra wirhika kum takaia. Man nani bui yang aisari ba warha daukram, Gâdkam raya kan ba aisin ba, Dawan, Gâdkam karnika sut bri ba.

Jirimaya 4:2

baku bamna yang nini bri swer takma, rait ba wal, kasak lâka ra bara wapni lâka ra sin. Yang nini ba mita nisan nani ra, yamnika yabia bara mayunaia tânka takbia.”

Jirimaya 4:24

Bara kli tawi il nani ra kaikri, bara baha nani sin tatatwi kan; il sirpi nani ba sin nikwi kan.

Jirimaya 50:46

Babilon kauhanka ba bin tara takbia, tasba ba tatatbia, winanka ba nisan nani sut walbia.”

Jirimaya 51:29

Tasba ba nikwisa, lalaubisa, Dawan dîa daukaia win ba dauki bamna, Babilon ba upla iwras tasbaya saura kum daukisa.

Daniel 4:3

¡Nahki ban tara sa, ai warkka aihka nani bara ai tukinka nani ba sin! Ai king lâka ba ban kaia ra ban kabia, ai karnika ba ban kabia kiamka nani wina ban kiamka wala nani ba kat.

Daniel 4:34

“Ai piua win ba aimakan ba ra, yang Nabucodonosor, naikra kasbrika purara bukri bara laila saura takan kan ba wina rawri, bara Gâd Laih Purara yaba ra yamni pali wîri, mayunra din yabri naha bîla nani ba wal: ‘Karnikam ba ban kaia ra ban kabia; kingkam lâka ba kiamka kum wina kiamka wala nani ba kat ban kabia.

Daniel 6:26

bara lâ mangki maisa pakisna, yang kingki tasbaya ra upla nani sut Daniel Gâdka ra bawan kabia, bara kulkan kabia sin. “Kan witin lika Gâd rayakira sa, bara witin ba ban kaia ra sa, ai king lâka ba sauhki tikan kabia apia, ai karnika ba sin tnata âpu sa.

Daniel 6:27

Witin ba swaki sasakra bara dakbi sasakra sa, sain aihkakira dadaukra sa, kasbrika purara naha tasba ra sin witin bui Daniel ba swaki sakan, layan nani asmala nani ba wina sin.”

Daniel 7:14

Bara witin ra yan karnika, prana ba bara king lâka ba sin, bara upla sâtka bani ba sut, bîla sât sât aisi ba sut ra sin yan dukia dauki kan. Ai karnika ba ban kaia ra sa, ai kingka lâka ba sauhki tikan kabia apia.

Joel 2:11

Dawan ba, ai uplika kwâra tara ba kainara aimaki, ai bîla baikra ba alwani binka baku yaban walisa. Ai karnika ba tara pali sa, witin ai adarka bîla nani wali dauki nani ba, sip kulki sakras sa. ¡Dawan yua ba nahki tara sa, sibrin tara yua sa! ¿Ya sip sa witin ai mapara buaia?

Miqueas 1:4

Witin ai mina nani munhtara, il tara nani sut slilwan kabia, blas pauta lakni lamara slilwi lap tiwi ba baku; lî aubra tara nani mita klaki daukan baku, il bîla langnika nani ba, wâl ra kwâkan kabia.

Nahum 1:5

Il tara ba, Dawan mawanra tatatwisa; il sirpi nani ai kainara ba sin mahka slilwisa. Witin ra kaikuya ba ra tasba aiska ba tatatwisa, tasba aiska bara bilara diara nani bâra ba sin.

Nahum 1:6

¿Witin ai kupia baiki lawi ba mapara ya sip sa ki bapi buaia? Ai kupia baikuya laptika ba, pauta klauhan baku laiwisa, bamna walpa tara nani ba baiwi lilak wal taki, witin ai mawanra, walpa tara nani ba lilak pîs wâl ra baiwisa.

Abakuk 3:10

Il nani ba mai kaiki bara tatatwisa; lî nani ba kasbrika wina laiwisa; bara kabu tihuka tara ba ulbisa ai ripka tara nani saki lulki ba ra.

Abakuk 3:6

Witin takaski bûi ba ra tasba ba nikwisa; witin nisan nani ra tawi kaiki ba ra tasba aiska ba sibrin tara wal tatatwisa; il almuk tara nani ba kauhisa, il nani unta tara ra blasi pali wina bâra kata ba, baha nani sut sin âpu takisa; sakuna Dawan yabalka ba lika ban kaia ra ban kabia.

Malaquía 3:2

Sakuna, ¿baha yua ba ya bui takaskbia? ¿Ya ban bûi kabia? Witin pauta klauhi baku balbia, angki klin wan sakaia, sup baku wan tâskika nani ba sikbi sakaia dukiara aula.

Matiu 16:16

Saiman Pita bila: —Man ba Misaya, Gâd rayakira ba Luhpia.

Matiu 26:63

Sakuna Jisas sâp kan. Bara prîs nani wihtka ba mita win: —Gâd rayakira ba nina ra, swer taki mamkabi walisna man ba kasak ba kat aisama. Wan wis man ba Misaya, Gâd Luhpia sma sapa.

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Apastil Nani Sturka 14:15

—Upliki nani, ¿dîa kan man nani naku dauki banhwisma ki? Yang nani na sin man nani wal baku upla sna. Sakuna nâra yang nani balri na, man nani ra sturi yamni ba mai smalkaia, naha diara bahki nani na swi si Gâd rayakira ba nina blîkma, witinka mita kasbrika pura, tasba, kabu nani ra dîa dîa baha nani bilara ba sut paskan bamna.

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Kli Smalkanka 5:26

Bamna, ¿upla kum bâra sa ki, sip kabia Dawan rayakira bîla baikra walaia pauta klauhan lilapas wina aisisa ba ra, yang nani walri ba baku, bara witin pruras raya kaia?

1 Tesalonaika 1:9

Witin nani pali aisisa yang nani mita wih mai kaikri bara nahki pain pali ai briram ba, bara nahki sin aidul nani ba swi si Gâd nina blikram ba, Gâd rayakira bara kasakkira ba dukia daukaia dukiara.

1 Timoti 1:17

Baha mita, ¡ban kaia ra yawan prana bara mayunra yabi kap; ban kaia Kingka ra, witin sip pruras ba, sip wan nakra ni kaikras ba, bara Gâd kumi baman ba! Baku kabia.

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

Hibru Nani 10:31

¡Gâd rayakira ba mihta ra kauhaia lika diara saura pali sa!

Jasua 3:10

Dawan rayakira ba man nani tilamra bâra ba tânka man nani naku brima, man nani awala lui auma ba tâmra witin wabia, bara Kenan uplika nani ba, hitita nani, heveo nani, ferezeo nani, gergeseo nani, amorreo nani bara Jebús uplika nani ba sut munka plapbia.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.

Wihta Nani 5:4

“Dawan, man Seír wina bal takram ba ra; man Edom twi tasbaya nani wina taki waram ba ra, tasba ba nikban kan, kasbrika purara ba sin tatatwan, kasbrika nani ba wina lî auhan.

1 Samuil 17:26

Debit makabi walan, upla nani ai lamara kan ba ra: —¿Ya naha filisteo na iki, swira lâka ba Israel wina diki sâkbia ba mana, dîa pali baha waitnika ra yabia? Kan, ¿witin na ya sa ki, filisteo idan saura na Gâd rayakira suldiarka nani ra bit munaia?

1 Samuil 17:36

Baku layan kum bara wingku tara kum sin, yang warkkam dadaukra mita ikatna. Naha filisteo idan na ra sin baku takbia, witin ba Gâd rayakira suldiarka nani mapara bûi bamna.