Jirimaya 1:3 - DAWAN BÎLA AISKA

³ Baku sin Josías luhpia waitna Joaquim Juda kingka kan ba piua ra sin Dawan bui witin ra aisin, bara baku ban aisi kan Sedequías Josías lupia waitna ba 11 mani Juda kingka aimaki kan piua ba kat; bamna wibia kaka baha manka ra kati 5 aimakan ba katka ra sika Jerusalem uplika nani ba priski tasba wala ra brih wan ba.

Jirimaya 1:3 ပူးပေါင်းရင်းမြစ်များ

2 King Nani 23:34

Baha purkara, king fero Necao ba mita Josías watlika ra, Eliaquim ba king mangkan ai aisika watlika ra. Bara ai nina ba Joaquim mâkan, bara Joacaz ba lika Idsip ra brih wan bâra ban pruan.

2 King Nani 24:17

Bara Babilon kingka ba mita Joaquín watlika ra, ai tubani Matanías ba king mangkan, bara ai nina kata ba Sedequías mâkan.

1 Kronikas 3:15

Josías luhpia nani ba naha nani kata: Tawahkia ba, Johanán; ningkara ba, Joaquim; yumhpika ba, Sedequías; bara walhwalka ba, Salum.

Jirimaya 1:4

Dawan ba yang ra aisi si bara naku ai win:

Jirimaya 34:1

Nabucodonosor, Babilon kingka kan ba piua ra, aiklaklabra nani witin bri kan ba, bara nisan wala nani ai kingka lâka ra kan ba aiklaklabrika nani ba sin sut asla brin, bara Jerusalem mapara aiklabi kan, tawan nani baha lamara ba mapara sin, baha piua Dawan Jirimaya ra aisin, bara win:

Jirimaya 35:1

Josías luhpia waitna Joaquim, Juda kingka kan ba piua ra, Dawan ba yang ra balan, bara ai win:

Jirimaya 36:2

“Ulbaia wauhkataya kum bris, bara bahara Israel Juda bara nisan wala nani dukiara sin, yang diara mai wîri ba uls; Josías piua mai aisisatna ba wina naiwa kat sturka ba sut.

Jirimaya 39:2

Baha wina mani wâl luan, 11 mani aimakan ra baha manka ra kati walhwal, yua 9 ra Sedequías waihla nani ba tawan ra diman,

Sakaraya 7:5

“Tasbayam uplika nani sut ra wis, prîs nani ra sin: ‘Man nani pat 70 mani, kati matsip aimaki ba ra, kati matlalkahbi pura kumi aimaki ba ra sin, sari bri, kaiki plun piras dauki banhwisma. Sakuna man nani bui yang ra yamni ai kulkaia dukiara daukras,

Sakaraya 8:19

“Kati 4 ra, kati 5 ra, kati 7 ra bara kati matawalsip ra man nani plun piras puram suni katma ba, nanara lilia briaia yua ra tawbia, Juda kiamka nani lilia briaia yua ra tawbia. ¡Bamna man nani latwan kaiks, kasakka lâka ba, kupia kumi lâka ba sin!”