Jems 5:16 - DAWAN BÎLA AISKA

¹⁶ Baha mita, pana pana saurkam nani damhra sâks, bara pana pana dukiamra sin puram suni bas, bara baku lika rawma. Upla kasakkira pura sunra ba karnika tara brisa.

Jems 5:16 ပူးပေါင်းရင်းမြစ်များ

Blasi Sturka 19:29

Baku, Dawan baha twi langnika tasbaya tawanka tara nani, Lot bahara iwi kan ba sut sauhki tikan. Sakuna witin Ebraham dukiara ai kupia ra luki kan bamna, Lot ba sauhki tikan tawanka ba wina sakan.

Blasi Sturka 20:17

Bara baku Ebraham lika Gâd ra ai pura sunan, bara Abimélec wihki maya wâlsut ra sikniska wina rakan; baku sin albika mairin nani sut biara prakan kan ba wina Gâd mita rakan, bara witin nani luhpa baikaia sip kan;

Blasi Sturka 20:7

Sakuna nanara, mairka ba kli ai maya waitna ra yas; kan witin ba prapit kum sa, bamna man tâmwan, ai pura sunbia bara man raya kama. Sakuna man bui witin ai maya ba yabras kama kaka, kasak pali man bara uplikam nani sut prui tiwma.”

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

2 Samuil 19:19

bara witin ra win: —King tara, man ra mamkabisni, yang watawanki bara swakwanki nani mampara daukri ba ban ai kulkpara, naha man dukiam dadaukra na, Jerusalem wina taki waram yua mampara daukan ba, kupiam ra ban saura ai luki kapara,

1 King Nani 13:6

Bara king ba Gâd prapitka ra win: —Mamkabisna, Dawan Gâdkam ra yang dukira pura suni makama, baku mika mihti na kli yamni takbia. Bara prapit Dawan ra ai pura sunan, bara king mihta ba kli yamni takan pas kata baku.

2 Kronikas 30:20

Bara Dawan Ezequías pura sunra ba walan bara upla nani pâtka ba swih tikan.

Job 42:8

Bamna nanara bîp bul 7 bara sîp wainhka 7 sin brih was duki dadaukra Job kaikaia, bara man nani dukiamra aiska angkaia sakripaiska dauks. Naipakan Job man nani dukiamra ai pura sunbia, bara yang ai pura sunra ba yamni walamna, bara man nani ra saura kumi sin mai munamna apia, kasak pali man nani klala briaia aitani sma yang dukira kasak aisi banhras kapram sakuna, naipakan Job daukan ba baku.”

Lawana Nani 34:15

Dawan ba upla kasakkira nani ba kaina sunisa, bara Dawan ai kiama pri tniki walisa ai inanka ba.

Impakan Sturka 17:11

Moses ai klahkla ba buki bri kan ba ra, Israel luhpia nani mita Amalec uplika nani ra pura lui kan. Sakuna Moses ai klahkla ba mâyara ikan ba ra, Amalec uplika nani ba mita Israel luhpia nani ra pura lui kan.

Impakan Sturka 9:33

Moses king fero watla ra aisi si, mahka tawan ba wina taki wan ba ra, ai mihta nani purara buki Dawan ra ai pura sunan. Baha minitka ra ais mâ nani auhi kan ba, alwani bara imyula nani puli kan ba sut takaskan.

Sins Lâka 15:29

Dawan lika upla watawikira nani wina laihura sa, kuna witin kasakkira nani pura sunra ba walisa.

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Sins Lâka 28:9

Ya Gâd ra lâ walaia apia wisi ai kiama laki ba, Gâd sin witin ai pura sunra ba saura pali kulkan sa.

Jirimaya 15:1

Dawan bui ai win: “Moses, Samuil wal nâra maiwanra bubia kra sin sakuna, yang naha uplika nani ra luki kupi kriwan takbia apia. Witin nani maiwan wina taki, mahka wabia wis.

Jirimaya 33:3

Yang ra ai wins bara pana mai aisamna, diara tânka tara nani dahra prakan tânka nani ba, man tânka briras sma ba mamrikamni.

Jirimaya 42:2

prapit Jirimaya lamara wan bara witin ra win: —Diara kum man ra makabi walaia yang nani balri; apia ai wipara: Yang nani kau wiria lupia baman nâra sna na tâiwan Dawan Gâdkam ra puram suns. Blasi yang nani upla ailal katna, sakuna man kaikisma yang nani wiria lupia baman sna.

Kulki Kaikanka 11:2

Bamna upla nani ba bal wini, Moses ra hilp makaban, bara witin hilpka dukiara Moses bui Dawan ra ai pura sunan bara pauta klauhan kata ba daswan.

Matiu 21:22

Bara man nani kasak luki puram sunra ra makama ba, sut brima.

Matiu 3:6

bara ai saurka nani dahra saki banhwi kan nani ba, Jan mita Jordan awala ra tahbi dauki kan.

Mark 1:5

Judia bara Jerusalem tawanka nani sut witin ra walaia balan kan, bara ai saurka nani dahra sakan, Jan mita tahbi dauki kan Jordan awala ra.

Luk 9:6

Bamna witin nani taki wan, bara tawan sirpi nani sut ra dimi swaki sakan lâka sturka ba smalki kan, bara plis bani ra sikniskira nani bâra kan ba sin rakan.

Jan 9:31

Yang nani kaikisna Gâd lika saura dadaukra nani ra walras sa; sakuna ya witin ra ai pura suni mayuni bara ai kupia lâka sin dauki ba lika, witin walisa.

Apastil Nani Sturka 10:38

Man nani kaikisma Gâd Jisas Nasaret wina bara Spirit Holikira karnika yan ba, witinka diara pain man dauki tauki kan, bara baha nani dibil karnika mununhtara pât wahwi kan ba sut rakan. Baku daukaia sip kan, Gâd lika witin wal kan bamna.

Apastil Nani Sturka 19:18

Baku sin kasak lukan nani ba ailal bal ai dahra sakan, saurka nani piua luan ra daukan ba sut pali.

Apastil Nani Sturka 8:24

Bara Saiman pana aisin: —Man nani bui Dawan ra yang dukira puram suns, baha saurka ai wiram ba kumi sin ai takbia apia.

Roman 3:10

Ulbanka nani ba wisa: “¡Upla yamni dauki ba âpu sa! ¡Kumi sin âpu sa!

Roman 5:19

Baha tânka ba lika, upla kumi Gâd bîla lulkan tâka ba mita, upla manis ra saurakira kulkan kan; bara baha sim natka ra, upla kumi Gâd bîla wali daukan ba tâka mita, upla manis Gâd mawanra kasakkira kulkan kabia.

Kolosi 1:9

Baha mita yang nani baha walri yua ba wina, man nani mamta takaskras puri suni banhwisna, bara Gâd ra yang nani makabisna, man nani ra ai kupia lâka yamnika ba mamrikbia, bara sins lâka sât sât nani sin maikbia, bara diara tânka kaikaia spiritka ba sin.

1 Tesalonaika 5:17

Piu bani puram suni banhwi bas.

1 Tesalonaika 5:23

Gâd pali mita, witinka kupia kumi lâka wanki ba, man nani ba witin ai uplika pali mai daukbia, bara spiritkam, sulkam bara wînam tara ba sin tâski âpu yamni bri kabia, wan Dawan Jisas Kraist balaia ba dukiara.

1 Tesalonaika 5:25

Muihki nani, yang nani dukira puram suni bas.

Hibru Nani 11:4

Kasak lukan lâka mita, Abel ba Gâd ra sakripais kau pain dauki yan Ken yaban ba wal; bara ba mita Gâd mita witin ba upla kasakkira kulki, ai prisantka nani ba brin. Baku bamna, Abel ba pruan sa sakuna, kasak lukan lâka brin bâk, witin kau ban aisisa.

Hibru Nani 11:7

Kasak lukan lâka mita, Noa ba diara nani naika takaia kan ba kaikras kan sakuna, Gâd mita smalki win ba ra, witin lika Gâd bîla kat wali, ark watla ba paskan ai watla uplika nani swaki sakaia dukiara. Kasak lukan lâka bri kan ba mita, tasba uplika nani ba Noa bui pât ra dingkan, bara kasakka lâka kasak lukan lâka wina taki ba, witin ba Gâd wina brin.

Hibru Nani 12:13

yabal wapni ba pliki bas. Baku mika ani mina skahwa takan ba rawbia, bara kli warha takbia apia.

Hibru Nani 13:18

Yang nani dukira puram suni bas. Kasak luki banhwisni yang nani kupi dahra walra na wapni pali brisni, yang nani diara sut mapara yang nani pain tauki kaia want sna bamna.

Jasua 10:12

Dawan mita amorreo nani ba Israel luhpia nani mihta ra mangkan ba ra, Jasua upla nani mawanra bûi Dawan ra aisi, naku win: “Yu lapta, Gabaón purara takaski bâra bas; kati, Aialón langnika purara takaski bâra bas.”

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Jan 3:22

bara dîa dîa witin ra makabia ba wankbia, kan yawan ai lâka bîla ba wali daukisa, bara witin dîa pain kaiki ba sin daukisa.

1 Samuil 1:12

Ana ba baku yari pali Dawan ra ai pura suni kan ba ra, Elí lika ai bîla kat aman kaiki kan;

1 Samuil 12:17

Nanara plawar mâ krikaia piua sa, lî auhras bara mani piua sa, ¿ban apia? Sakuna nanara yang Dawan ra wimna bara witin bui alwani bara lî sin blîkbia, bamna man nani kaikma bara tânka sin brima, man nani saura pali daukram king kum makabram ba.”

1 Samuil 12:18

Samuil Dawan ra winan ba ra, alwani nani bara lî sin blikan; bamna upla nani baha kaikan sut sibrin takan Dawan ra, Samuil ra sin.