Jems 3:13 - DAWAN BÎLA AISKA

¹³ Man nani tilamra upla sinskira bara diara tânka kakaira kum bâra sa kaka, latan marikbia witin wapni tauki ba lâka ni, ai sinska mita bawikira lâka yabi ba ni.

Jems 3:13 ပူးပေါင်းရင်းမြစ်များ

Job 28:28

Bara Gâd mita upla nani ra win: “Dawan dukia ba kasak daukaia ba, baha sika sins lâka ba, saura wina tnaya ra tawaia ba sika, diara tânka kaikaia lâka.”

Lawana Nani 107:43

Ani uplika sins bri ba, naha wal ai dara wali kaia sa bara Dawan latwanka lâka ba tânka briaia.

Lawana Nani 122:8

Bara nanara, muihki nani ra bara upliki nani ra wimni: “Kupia kumi lâka man nani ra maikbia.

Lawana Nani 149:4

Dawan lika ai uplika nani dukiara ban yamni lukisa; witin bawikira nani ra pura luaia lâka ba yabisa.

Lawana Nani 25:9

Witin bawikira nani ra ai yabalka ra tapahkisa; ¡baha nani kasakka lâka ba smalkisa!

Lawana Nani 45:4

Man pramna ba sika, pura lui kainamra auya, kasak tânka ba dukiara aiklabi kaia sa; bara kasakka lâka daukaia, upla bawikira nani ra bara mihtam aihkika ba, ¡kupiam karnika tara ba warkka daukisa!

Smasmalkra 8:1

¿Ya sip sa ki sinskira wal praki kaikaia? ¿Ya kaikisa ki diara nani sinska tânka ba? Sins lâka ba upla mawanra ingni yabisa, mawan karna ba mapla wala yaban takisa.

Smasmalkra 8:5

Upla kum adar kat dauki ba, saura kumi sin takbia apia, upla sinskira ba sin tânka brisa, aihka bara nahki win ba kat daukaia.

Aiseya 29:19

Bâra mika bawikira nani ba ailal lilia lâka ra Dawan ra kasak lukbia, upla nani kau umpira pali ba sin Israel Gâdka Holikira ba wal lilia bribia.

Aiseya 60:6

Kiamil daknika tara nani Madián wina Efá wina man ra aula ba kaikma; Sabá wina nani ba sin sut balbia; witin nani gul bara kîa pain angkaia dukia nani brih balbia, bara Dawan mayunra sturka nani ba dahra aisi kabia.

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Jirimaya 9:12

¿Ya ba ban aitani sinskira pali sa baha tânka briaia? ¿Yaura Dawan baha tânka nani ba briaia marikan, bara witin tawi upla wala ra baha tânka wiaia? ¿Dîa muni kuntrika ba diara slingwan baku ba, lâwan upla iwras tasbaya baku ba, bahak sin upla impakras ba?

Jirimaya 9:23

Dawan aisisa: “Sinskira ba sinskira sa wisi aimayuni kabiara, karnakira ba ai karnika bri ba dukiara sin apia, yuyakira ba sin diara bri ba wisi aimayuni kabiara.

Daniel 2:21

Witin mani nani bara piua wala nani ba sin lakisa, king nani ba sakisa bara mangkisa, sinskira nani ra sins lâka ba yabisa, diara tânka bri nani ra tânka bri kaia yabisa.

Sofonías 2:3

Bawikira nani sut tasba aiska ra, Dawan lâka bîla wali dauki nani sma ba, man nani sut Dawan ra pliks. Bawikira lâka ra, wapni lâka ra diara nani dauks, baku kra yukuwaika sâkma, Dawan lawanka yua ra.

Kulki Kaikanka 12:3

Kasak aisabia kaka, Moses ba waitna bawikira pali kan, tasba aiska ra waitna nani iwi ba sut tilara.

Matiu 11:29

Twilkaika puramra sunisna ba man nani bris, bara yang wina lan taks, kan yang lika praut âpu, kupi sin bawikira sna; baku lika man nani riskam brima.

Matiu 21:5

“Man nani Saion tawanka ra wis: ‘Kaiks, Kingkam ba man ra aula, bawikira pali, biriku kum purara uli, biriku luhpia sin, baha ba wark daiwra luhpia kum.’ ”

Matiu 5:5

“Lilia pali sa kupia bawikira nani ba, Gâd bui witin nani tasba yabaia pramis munan ba bribia bamna.

Matiu 7:24

“Bamna ya ya yang bîli nani wali yang dîa wisna ba kat dauki kaka, upla sinskira kum ai watla walpa purara mâkan ba baku sa.

1 Korint 6:5

Naha lika man nani swiram daukaia wisi mai wisni: ¿Man nani tilamra sinskira kumi pan âpu sa ki, upla ai muihni wal unsaban bri ba lâka daukaia sip ba?

2 Korint 10:1

Bamna yang, Pal, man nani ra mamkabisna Kraist kupia swapnika bara latwanka ba dukiara. Upla nani aisisa, yang na man nani tilamra sna ba ra lika bawikira pali sna, kuna laihura sna ba ra man nani mampara aisasara sna.

2 Korint 8:24

Bara serts nani ba yaka pain kaikaia dukiara, man nani mita kasak pali latwan kaikisma ba latan pali mariks, bara man nani dukiamra yang nani aitani âiyapah banhwi kaia sna ba sin.

Galesha 5:23

bawaia lâka, bara wan wîna alki takaskaia lâka. Nahmuna dukia nani ba mapara lâ kumi sin sip buras.

Galesha 6:1

Muihki nani, upla kum saurka ra kauhan sa kaka, man nani spiritkira nani sma ba mita saura ba wapni dauks. Sakuna latwan lâka ra daukaia sa; bara kumi bani sin aman kaiki kaia sa, witin pali ra sin traika kaikan kabiara sîa.

Galesha 6:4

Upla bani ai tânka ba nahki sapa pliki kaikaia sa; bara tânka pain sa lukisa kaka, witin ai dukiara aimayunaia sip sa, sakuna upla wala dîa dauki ba dukiara lika lukaia apia sa.

Epesus 4:2

Man nani ba praut âpu bara bawikira bas; wihka sin bîla kaiki kama, pana pana walkam ra latwan lâka ba mariki kama.

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Kolosi 3:12

Gâd lika man nani ra latwan mai kaikisa, baha mita witin bâk mai sakan, ai uplika mai briaia. Baku ba mita, naha sât prâka na dims: umpira kaikan lâka, latwan kaikan lâka, bawaia lâka, praut âpu lâka bara wihka bîla kaikaia lâka ba sin.

1 Timoti 4:12

Wahma sma ba ra wisi, upla nani mita yarka mai kulkras kabiara; sakuna tânkam ba ni lalukra nani ra lâ yabi bas, bîlam aisisma ba wal, taukisma ba wal, latwan lâka, kasak lukan lâka bara sunu lâka ni sin.

1 Timoti 6:11

Sakuna man, Gâd uplika sma ba, naha dukia nani sut wina sîa bri plaps. Kasakka lâka ba nina blîks, Gâd ra luki kaia lâka ba, kasak lukan lâka, latwan lâka, ban bapi buaia lâka, bara wan kupia swapni bri kaia lâka ba sin.

2 Timoti 2:25

bara witin mapara nani ba ra, kupia swapni brih wapni daukbia. Baku ban kra Gâd mita baha nani ra yaka ai kupia lakbia, bara kasak tânka ba kakaira taki banhbia.

Taitus 3:2

Upla kumi nina ra sin saura aisi kabiara, sakuna kupia kumi lâka bri nani kabia bara upla wal asla uplika nani kabia, bara ai kupia swapnika ba upla sut ra latan mariki nani kabia.

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”

Jems 1:21

Baku bamna, tâski lâka, saurka lâka ailal ba sut swi si, bara bawan lâka ra sturi painkira kupiam ra mangkan ba alki bris. Kan baha sturka yamni ba lika, swaki mai sakaia karnika brisa.

Jems 2:18

Sakuna ban kra upla kum mita wala ra naku wibia: “Man kasak lukan lâka brisma, bara yang lika yamni daukisna.” Bamna man kasak lukankam ba diara yamni daukras kira ai mariks, bara yang mita daukanki yamni ni kasak lukanki ba mamrikamna.

Jems 3:1

Muihki nani, man nani tilamra smasmalkra ailal kaia apia sa, kan man nani pain kaikisma, yawan smasmalkra nani ba lika, wan lâka kau karna daukan kabia.

Jems 3:17

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.

1 Pita 1:15

Sakuna man nani dîa daukisma ba sut holikira lâka ra dauki bas, Gâd witinka mai paiwan ba holikira sa bamna.

1 Pita 2:12

Gâd ra kakaira apia nani tilara pain watauki bas. Baku, witin nani bui mampara man nani ba lâ sasauhkra nani baku damhra sâkbia ba ra, daukankam pain nani ba kaiki, Gâd ra mayuni kabia, witin bal tânkam dukiara mamkabi walbia yua ra.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

1 Pita 3:4

Sakuna baku daukaia watlika ra, pramna ba kupiam bilara kaia sa; baha painka ba sip tiwras sa, bara baha lika wan spiritka praut âpu bara sâpkira ba sika, baha ba Gâd mawanra kau tara pali sa.