Jems 2:14 - DAWAN BÎLA AISKA

¹⁴ Muihki nani, upla kum wibia kasak lukan lâka brisa, sakuna wark yamni daukras kaka, ¿witin mapara dîa hilpka bâra kabia ki? ¿Kasak lukan lâka ba mita sip sa ki witin ra swaki sakaia?

Jems 2:14 ပူးပေါင်းရင်းမြစ်များ

Jirimaya 7:8

‘Man nani sika diara bahki upla kunin aisi bîla nani ba kasak lukisma.

Matiu 5:20

Kan yang bui man nani ra mai wisna: kasakkam lâka ba Lâ Smasmalkra nani bara parisi nani daukanka ba wal kau purara apia kaka, Gâd Kingka Lâka ra ban kaia ra dimma apia.

Luk 3:11

Jan pana win: —Ya prâk wâl bri ba, prâk âpu uplika ra kum yaia sa; ya sin plun bri ba, plun âpu uplika wal yui briaia sa.

Luk 6:49

Sakuna ya yang bîli wali, dîa wisna ba kat daukras ba lika waitna kumi ai watla paskan ba baku sa, witinka ba ai watla playa ba kasak bapras kan; bamna lisamra dingkan ba pupuhki, ai karnika aiska ni watla ra prukan ba ra, aiska pali kauhi slingwan.”

Apastil Nani Sturka 15:9

Gâd mita yawan na Ju apia nani ba wal kau sât aihka lika wan kulkras sa, kan witin nani ai kasak lukan lâka ba mita ai kupia nani sin klin sakan sa.

Apastil Nani Sturka 8:13

Baha Saimanka sin kasak lukan bara tahbi daukan, bara witin Pilip wal ban tauki kan. Witin tâ iwan pali sin taki kan baha sain nani bara wark aihka nani dauki kan ba dukiara.

Apastil Nani Sturka 8:21

Yang nani warkki na tilara, man dukiam briaia wiria sin âpu sa, kan man kupiam ba Gâd tani ra kasak apia sma bamna.

Roman 2:25

Bahamna man lâ bîla wali daukisma kaka lika, Aisa sainka mangkram ba man ra hilp kabia. Sakuna man lâ bîla wali daukras sma kaka, baha lika man ba sin Aisa sainka mangkras baku sma.

1 Korint 15:2

Naha sim smalkanka mita sika swaki mai sakan sa, man nani ba dîa mai smalkri ba kat daukaia lukisma kaka; bahki pali lika kasak luki banhras sma kaka.

1 Korint 16:22

Ani uplika Dawan Jisas Kraist ra latwan kaikras kaka, witin ba lahtuban kabia. ¡Wan Dawanka, bal!

Galesha 5:13

Man nani, muihki nani, mai paiwan sa pri lâka bri kaia. Kuna naha pri lâka brisma wisi, wînam brinka nani nina blîkpara. Sakuna, pana pana dukia dadaukra nani bas, latwan lâka aikuki brisma ba tânka kat.

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

1 Tesalonaika 1:3

Gâd wan Aisa mawanra kupi kraukisna, man nani nahki kasak lukan lâka wal wark takram ba, nahki latwan lâka wal wark daukram ba, bara nahki pali sin kainamra diara bîla kaikanka lâka ba Dawan Jisas Kraist kat ban bapi brisma.

1 Timoti 1:5

Baha smalkanka ba sika, pana pana latwan kaikaia wan walka ra, kupia tâski âpu ba wina aula, kupia dara lukra yamni ba wina, bara kasak lukan lâka kunin âpu ba wina sin taki aula.

1 Timoti 4:8

Wan wîna tara wark taki ba pain sa, sakuna Gâd ra luki kaia ba lika diara sut mapa ra kau pain sa; kan baha diara wankaia pramis wan munisa, tasba ra raya iwi kaia ba, bara naika rayaka briaia ba sin.

Taitus 1:16

Witin nani bila Gâd ra kakaira nani wisa, sakuna ai daukanka nani ba ni lika apia wisa. Witin nani ba uya saura pali baman sa, sip bawras uplika nani bara wark yamni kumi sin daukaia aitani apia banhwisa.

Taitus 3:8

Naha na lika kasak pali sa, bamna yang want sna man ba naha dukia nani na ban ba kat aisi kama, bara baku mika Gâd ra kasak luki nani ba wark yamni nani baman dauki kabia. Naha diara nani na lika pain atia, bara upla nani ra hilp sa.

Hibru Nani 11:17

Kasak lukan lâka mita Ebraham ba, Gâd mita traika kaikan piua, Aisak ba sakripais dauki yaia brih balan. Ai luhpia unhsak ba sakripais dauki yabaia ridi kan, Gâd mita naha pramiska na yaban kan sakuna:

Hibru Nani 13:9

Smalkanka sât aihka nani bara tringsar nani mita yarka yabal kasak ba wina mai brih wabiara. Wan sulka nani ba Gâd kupia yamnika lâka ba karnika bribia ba kau pain sa, plun lâka nani bîla wali daukaia ba wal; baha nani naha lâka nani bîla wali dauki banhwi na wina hilp kumi sin briras sa.

Jems 1:16

Muihki laitwankira nani, upla yarka kunin mai munbiara;

Jems 2:16

bara man nani tilam wina kum mita naku wibia: “Dawan wal was; puram praks, bara pis dîa sât piaia want sma ba”, sakuna ai wîna want ba dukia yabras kaka, ¿pain kabia ki?

Jems 2:18

Sakuna ban kra upla kum mita wala ra naku wibia: “Man kasak lukan lâka brisma, bara yang lika yamni daukisna.” Bamna man kasak lukankam ba diara yamni daukras kira ai mariks, bara yang mita daukanki yamni ni kasak lukanki ba mamrikamna.

Jems 2:26

Wan wîna tara ba spirit âpu kaka, pruan sa; bara kasak lukan lâka daukanka yamni ba maikras kaka, baha sin pruan sa.

2 Pita 1:5

Baha mita, trai kaikaia sma kasakkam lukan lâka ra, daukankam pain ba pura prakaia daukanka pain ra tânka briaia lâka;