Jems 1:1 - DAWAN BÎLA AISKA

¹ Yang, Jems, Gâd bara Dawan Jisas Kraist dukia dadaukra, Israel kiamka 12 tasba aiska ra yakaban nani ra lakula wisna.

Jems 1:1 ပူးပေါင်းရင်းမြစ်များ

1 King Nani 18:31

Bara Ilayas walpa 12 brin, Jekob luhpia nani 12 kulki ba baku, Dawan witinka ra win ba baku, witin nina ba Israel mâkan kabia.

Esdras 6:17

Baha yua witin nani bîp wainhka nani 100 kum, sîp wainhka nani 200, sîp mairin nani 400 bara guts wainhka nani 12, Israel kiamka nani 12 ba kulkanka ba kat, witin nani saurka ba sakripaiska dukiara ikan, baku sin Israel kiamka nani sut ba saurka dukiara sin guts nani ba ikan.

Ester 3:8

Bara Amán bui king Asuero ra win: —Tawan kumi bâra sa, man king tara tasbayam aiska ra dakwi tawi iwisa; bara ai lâka nani ba sin aihka sa, tawan uplika nani lâka ba wal. Baha purkara sin, king tara lâka nani ba sin kulkras sa, bara baku swika raya kaia ba king tara mapara aitani apia sa.

Impakan Sturka 24:4

Bamna Moses diara sut ulban Dawan mita witin ra wisata ba, bara yu wala titan pali ra buan, altar kum paskan il ba mâyara; bara walpa nani 12 ba ra bri sal swin, Israel kiamka kumi bani dukiara walpa kum.

Impakan Sturka 28:21

Walpaya nani ba 12 kaia sa, Israel luhpia nani nina kulkanka ba kat. Walpaya kumi bani ra nina ba sîl ra ulbi ba baku ulban kabia, baha 12 nina ba.

Impakan Sturka 39:14

Walpaya nani ba 12 kata, Israel luhpia nani nina 12 ba bâra ulban. Walpaya kum ra tukin ba praki, nina ba sîl praki baku ulban, kiamka matawalsip pura wâl kulkanka ba kat.

Isikiel 12:15

Bara pat yakabi lakan kabia piua ra, kuntri wala bara nisan wala mita ai dahra walbia, yang sika Dawan sna ba.

Libait Lâka 26:33

Man nani ra yakabrira mai daukamni, nisan wala nani tilara, sord ba taya wina saki ninam blikamni; tawankam ba upla iwras tasbaya daukamni, bara tawankam nani ba kriwi tiwan kabia.

Matiu 10:3

Pilip, Bartolomiu, Tamas, Matiu lal mana wawahbra Rom nani dukia; Jems, Alfeo luhpia ba, bara Tadeo;

Matiu 13:55

Kan naha lika kiamda ba luhpia, ai yaptika ba Meri. Jems, Josep, Saiman bara Judas kat witin muihnika nani sa,

Matiu 19:28

Jisas witin nani ra win: —Man nani ra kasak pali mai wisna, Upla Luhpia Waitna ba ai king iwaika pranakira ra iwbia ba ra, diara nani sut raya daukan kabia piua ra, Upla Luhpia Waitna ai iwaika pranakira ra iwbia bara man nani nini blikram ba sin king iwaika 12 nani ra iwma, Israel kiamka 12 ba lâka daukaia dukiara.

Mark 3:18

bara Andru, Pilip, Bartolomiu, Matiu, Tamas, Jems Alfeo luhpia, Tadeo, Saiman Kena wina ba,

Luk 22:30

Man nani plun pima, diara sin dima yang tibilki ra king aimakaisna ba ra, bara king iwaika nani ra iwi, Israel kiamka 12 ba lâka sin daukma.”

Luk 6:15

Matiu bara Tamas; Alfeo luhpia Jems ba; Saiman Karna Mamunra ba;

Jan 12:26

Bamna upla kumi yang duki daukaia want sa kaka, witin nini blikaia sa; bara anira sna pliska ba ra, yang duki dadaukra ba sin bâra kabia. Bamna upla kumi yang duki daukisa kaka, Aisiki mita prana daukbia.

Jan 7:35

Bamna Ju nani pana pana tawi makabi wali kan: —¿Naha na anira waisa ki, sip wal prawras kabia wi ba? ¿Apia kaka Ju nani ra waisa, tringsar nani tilara yakabrira iwi ba ra, idan nani ra smalkaisa?

Apastil Nani Sturka 1:13

Witin nani Jerusalem ra balan ba ra, utla kum purara rum kum ra uli wih dimi takaskan. Witin nani aikuki bâra kan ba sika, Pita, Jan, Jems, Andru, Pilip, Tamas, Bartolomiu, Matiu, Alfeo luhpia Jems ba, Saiman karna Mamunra ba, bara Jems luhpia Judas ba sin.

Apastil Nani Sturka 12:17

Sakuna Pita ai mihta ni sain munan sâp kabia, bara maisa pakan nahki Dawan mita witin ba silak watla wina sakan tânka ba. Bara witin nani ra win: —Naha diara na Jems ra maisa paks bara wan muihni nani ra sin. Ningkara witin taki, plis wala ra wan.

Apastil Nani Sturka 15:13

Baha nani aisi tnata alkan ba ra, Jems naku aisin: —Muihki nani, pliskam yang ra wirâ wals:

Apastil Nani Sturka 15:21

Bamna patitara piua ba wina tawan bani ra upla bâra sa, Moses lâka ba dukiara smalkisa, bara saba yua bani ra sin Ju nani priaska watla nani ra aisi kaikisa.

Apastil Nani Sturka 15:23

Bara witin nani baha nani wal wauhkataya kum blikan, bahara naku ulban kan: “Yang nani apastil bara serts tâ uplika nani, bara wan muihni nani sut ba mita, Ju apia nani sma ba ra lakula mai blikisna, muihni nani lâka ra, man nani sut Antíoco ra iwisma ba, Siria ra, Cilicia tasbaya ra sin.

Apastil Nani Sturka 2:5

Baha yua nani ra, Gâd ra luki Ju nani kuntri wala ra kan ba Jerusalem ra wan, baku sin tasba aiska wina.

Apastil Nani Sturka 21:18

Yu wala ra, Pal yang nani aikuki wari Jems kaikaia; bahara serts tâ upla nani sin bâra kan.

Apastil Nani Sturka 23:26

“Claudio Lisias ba wina Félix wihtka tara ba ra lakula daukisa: ¡Naksa!

Apastil Nani Sturka 26:7

Israel kiamka 12 ba sut bîla kaikisa naha pramiska na aimakbia, baha mita Gâd ra mayuni, dukia sin daukisa, kakna bara tihmia. Bamna king Agripa, naha sim bîla kaikanka brisna dukiara sika Ju nani daihra kwahki banhwi na.

Apastil Nani Sturka 8:1

Bara Saulo bâra kan, Stiben pruanka ra luki aitani tânka yabi. Bara baha sim yua, Jerusalem ra serts bâra kan ba mapara rausauhkanka tara pali buan. Lalukra nani ban plis plis ra plapan, Judia bara Sameria tasbaya nani ra; sakuna apastil nani lika bâra kan.

Roman 1:1

Yang Pal, Jisas Kraist dukia dadaukra sna, Gâd ai paiwan witin ai apastil kaia bara Gâd bui witin swaki wan saki sturka ba upla nani ra smalkaia.

Galesha 1:19

Sakuna apastil wala nani kumi sin kaikras, Dawan muihnika Jems baman lika.

Galesha 2:12

Pita lika tâura, Ju apia uplika nani aikuki asla plun pi kan, sakuna Jems wina upla tila nani wan ba, Ju apia uplika nani wal asla plun pi kan ba, mahka swin; kan baha uplika nani aidrubi balan ba lika, Aisa sainka kulki daknika nani wina kan, bara witin baha nani ra sibrin lukan.

Galesha 2:9

Baha mita, Jems, Pita bara Jan, naha nani na serts playka tara nani kulkan ba mita kaikan, Gâd naha warkka yamni na aikan, bara witin nani bui yang Bernabé wal ra ai mihta nani aiki mihti nani sihban. Naha daukan pana pana kupia kumi kaia tânka, bara aitani lukan yang nani na Ju apia uplika nani tilara wih wark taki kamna, bara witin nani lika Ju nani tilara wark taki kaia.

Kli Smalkanka 28:64

Dawan mita nisan bani tilara yakabi mai lakbia, tasba tâ kum wina tâ wala ba kat; bahara upla wala nani gâdka, dus ni bara walpa ni paskan ba ra mayuni kama, man nani sin apia bara damikam nani sin kaikras kan ba gâdka ra.

Kli Smalkanka 30:3

Baku bamna, Dawan mita man nani ra umpira mai kaiki alba ra kapram ba wina kli mai bri balbia. Dawan mita upla nani tilara lulki mai swin kan ba,

Kli Smalkanka 32:26

“Yang luki kaikri kan laihura yakabi swiaia, bara naha tasba lukanka wina sin diki sakaia.

Kli Smalkanka 4:27

Dawan mita kiamka wala nani tilara mai yakabia, bara man tilam wina kulki baman raya kabia.

Pilipai 1:1

Yang nani, Pal bara Timoti wal, Jisas Kraist napakanka nani sna ba, muihni nani sut Pilipai tawanka ra iwi nani ba ra naha wauhkataya ulbisna, pura kakaira nani ra bara hilpa nani ra sin. Witin nani ba Gâd uplika, bara Jisas Kraist wal asla mai prakan banhwisma.

2 Timoti 4:21

Trai kaiki lî piua kaina bal. Eubulo, Pudente, Lino, Claudia bara wan muihni nani sut mita, lamkula blikisa.

Taitus 1:1

Yang Pal, Gâd dukia dadaukra, Jisas Kraist apastilka sna, ba mita naha bîla ulbisna. Yang na witin mita ai blikan sa, Gâd mita bâk saki brin uplika nani kasak lukanka lâka ba hilp munaia; bara witin nani ba sin, Gâd ra luki kaia tânka kasak ba kakaira taki banhbia dukiara,

1 Pita 1:1

Yang Pita, Jisas Kraist apastilka, naha wauhkataya ulbisna baha nani ai tasbaya ra iwras, tasba wala nani ra wi ba, Ponto, Galesha, Capadocia, Asia bara Bitinia tasbaya nani ra aihka aihka iwi nani ba ra.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

Judas 1:1

Yang Judas, Jisas Kraist warkka dadaukra bara Jems muihnika ba, naha wauhkataya ulbisna, Gâd Aisa mita latwan kaiki ba bara paiwan ba, baha nani Jisas Kraist mita kan kahbi brisa.

Param Marikanka 7:4

Bara sîl mangkan uplika nani kulkan ba walri; baha ba naku kata: Israel uplika kiamka sut wina 144,000.