Jasua 9:15 - DAWAN BÎLA AISKA

¹⁵ Bara Jasua lika witin nani aikuki kupia kumi takaia lâka kum daukan, pramis munan ikaia apia pâtka kulkaia apia; bara Israel wihta tara wala nani ba sin baku daukaia swer takan.

Jasua 9:15 ပူးပေါင်းရင်းမြစ်များ

2 Samuil 21:2

Debit bui Gabaón uplika nani ba paiwi aikuki aisin. (Witin nani ba Israel luhpia nani apia kan, amorreo nani dakni sirpi lupia kum takaskan kata, Israel luhpia nani witin nani ra swer takan kaina kahbaia. Baha nani ra sika Saúl bui Israel bara Juda wal tâwan lawi, iki âpu daukaia munan.)

Impakan Sturka 23:32

“Witin nani wal ban kra bara ai gâdka nani wal sin, kupia kumi takaia wisi aisi lâ daukpara.

Jasua 10:1

Jerusalem kingka Adonisédec ba walan, Jasua Ai tawanka sauhki tiki ai mihta ra brin, bara sin Jeriko kingka ra dîa daukata ba baku Ai king ba ra sin daukan, bara Gabaón uplika nani ba lika kupia kumi daukan Israel luhpia nani aikuki, bara nanara lika witin nani tilara aikuki iwi kata. Naha walan ba ra sibrin daukata, kan Gabaón ba tawan tara kum kata, Ai ba wal kau tara, ai kingka lâka sin bara uplika nani ba kupia karnira kan.

Jasua 10:4

“Man nani nâra uli bal hilp wan muns Gabaón mapara aiklabaia, kan witin nani ba Jasua wal lâ kum daukan kupia kumi kaia bara Israel luhpia nani wal sin.”

Jasua 11:19

Tawan kumi baman Israel luhpia nani wal ai lâka daukan ba lika, heveo nani Gabaón wina. Sakuna wala nani sut lika, ai karnika ni brin,

Jasua 9:16

Baha lâka daukan ba wina yu yumhpa luan ba ningkara, Israel luhpia nani ba ai dara walan Gabaón uplika nani ba witin nani ai tawanka lamara iwi kan ba.