Jasua 9:1 - DAWAN BÎLA AISKA

¹ Hitita nani, amorreo nani, Kenan uplika nani, ferezeo nani, heveo nani bara Jebús uplika nani kingka nani ba, diara nani taki luan sturka ba walan. Baha kingka nani ba Jordan awala muna tani ra, il nani tilara, twi langnika ra bara Mediterráneo kabuka lamara iwi tasbaya aiska ra bâra ban Líbano tasbaya nani sut ra iwi kan.

Jasua 9:1 ပူးပေါင်းရင်းမြစ်များ

2 Samuil 24:7

Baha wina lika Tiro kan kahbaika pliska bri kan ba ra wan, heveo nani bara Kenan uplika nani tawanka bâk, ban Juda waupasa tanik Beerseba ra wan.

Impakan Sturka 23:23

Yang insalki ba man nani kainamra impakbia bara mai brih wabia amorreo nani, hitita nani, ferezeo nani, Kenan uplika nani, heveo nani bara Jebús uplika nani tasbaya kat, baha nani ba yang mita ai wakia kira daikamna.

Impakan Sturka 23:31

Tasbayam piarkika ba sin naku daukri sa: Kabu Pauni ba wina filisteo nani kabuka kat, bara tasba lâwan ba wina Éufrates awalka kat. Upla nani sut baha bilara iwi ba yang mita man nani mihtam ra mangkri sa, man nani mita witin nani ba mamwan wina kangbi sâkma.

Impakan Sturka 3:17

Baku sin ai win: Man nani Idsip ra pât wahwisma ba wina witin mita pri mai sakaia sa, bara tasba wala ra mai brih waia sa, Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra, bahara tiala laya bara nasma wal laiwi baku ba.’

Impakan Sturka 34:11

“Naiwa lâ nani mai wimna ba alki bris, bara yang lika man nani mamwan wina amorreo nani, Kenan uplika nani, hitita nani, ferezeo nani, heveo nani bara Jebús uplika nani sin sut sakamna.

Kulki Kaikanka 13:29

Amalec uplika nani Négueb tani ra iwisa, hitita nani, Jebús uplika nani bara amorreo nani ba sin il tani ra iwisa, bara kabu tani ra lika Jordan awala lamara Kenan uplika nani iwisa.

Kulki Kaikanka 34:6

“Muna tani piarkika ba bri si prakisa, Mediterráneo kabu auhika un ba kat.

Kli Smalkanka 1:7

Dukiam nani sut wahbi lamam ra brih amorreo nani tasbaya ra, il nani tilara man nani was: Arabá ra, il nani tilara, twi langnika ra, Négueb ra, kabu un ra, Kenan uplika nani kuntrika ra, Líbano ra bara kau kainara Éufrates awala tara ba kat.

Kli Smalkanka 3:25

Mamkabisni adar aikma, Jordan awalka baila wala ra luaia, kan kaikan ai daukisa baha tasbaya painkira ba, baha il tasbaya pranakira ba, bara Líbano sin.’

Kli Smalkanka 4:49

bara Arabá aiska, Jordan lalma ra, Kabu Pruan kat Pisgá ilka mununhta kat.

Kli Smalkanka 7:1

“Dawan man nani Gâdkam bui maikka dimi kuntrika ba ra pliskam brima, bara nisan 7 kau tara karnakira ba man nani taima bara mamwan wina saki lulkma: hitita nani, gergeseo nani, amorreo nani, Kenan uplika nani, ferezeo nani, heveo nani bara Jebús uplika nani.

Jasua 1:15

Dawan mita muihkam nani ra ris briaia pliska kum yabia ba kat, man nani ra maikan ba baku, witin nani sin tasba dawanka nani takbia, Dawan bui witin nani ra yabaia kan ba. Baha ningkara man nani sip kama tasbayam nani ra kli tawi waia awala lalma tani ra, baha ba man nani tasbayam pali brima, Moses Gâd napakanka maikan ba.

Jasua 1:4

Man nani tasbayam ba maikamna, upla iwras tasbaya ba wina ban Líbano ilka nani bâk, awala tara Éufrates kat, hitita nani tasbaya ba sut, bara ban Mediterráneo kabuka ba kat.

Jasua 10:23

Bara baku daukan, Israel luhpia nani ba Jerusalem kingka matsip tasbaya untika ba wina sakan: Hebrón, Jarmut, Laquis bara Eglón kingka sin.

Jasua 11:17

Halac ilka wina, Seír tani ra bûi ba, ban Baal-gad kat, Líbano langni ba, Hermón ilka playa ra ba sut brin bara ikan, kingka nani bâra kan ba,

Jasua 13:5

Purkara guiblita nani tasbaya takaskan ba, Líbano lalma tani sin, Baal-gad, Hermón ilka playa kat, ban Hamat dimaika kat.

Jasua 15:12

Bara lâs kulkan ba, Mediterráneo kabuka baila wala muna tani ba. Baha tasbaya ba sika Juda kiamka nani ai tasbaya brin, bara baha tasbaya ba witin nani ai tilara yui brin.

Jasua 22:4

Nanara witin ai pramiska nani sut ba daukan bara muihkam nani kupia kumi lâka ba brisa, baku bamna kli tawi was tintkam watla nani ra, bara tasba Dawan napakanka Moses bui maikan ba ra sin, baha Jordan awala lalma tani ra.

Jasua 22:7

Manasés kiamka bakriki kum ra, Moses mita Basán ra tasba yaban kata. Manasés kiamka bakriki wala ba lika, Jasua mita tasba yan ba, Israel luhpia nani tilara Jordan muna tani ra, bara tâura balan nani ba ra Dawan yamnika ba yabi kli blikan wan.

Jasua 23:4

Yang naha tasbaya nani sut lat lulki kaiki, kiamka nani tilara yuri. Baha tasbaya nani aiklabi pat pura luan nani ba baman, apia sakuna kau aiklabi pura luaia bri tasbaya nani ba sin, Jordan awala lalma wina Mediterráneo kabuka muna ba kat.

Jasua 24:11

Bara man nani Jordan awala lui bara Jeriko kat balram. Jeriko ra iwi kan nani ba amorreo nani, ferezeo nani, Kenan uplika nani, hitita nani, gergeseo nani, heveo nani bara Jebús uplika nani. Man nani mampara aiklaban, sakuna yang pura luaia maikri man nani ra.

Jasua 3:10

Dawan rayakira ba man nani tilamra bâra ba tânka man nani naku brima, man nani awala lui auma ba tâmra witin wabia, bara Kenan uplika nani ba, hitita nani, heveo nani, ferezeo nani, gergeseo nani, amorreo nani bara Jebús uplika nani ba sut munka plapbia.

Jasua 3:17

Awala bîla lâwan bâk upla nani sut ba wapi lui wan, sakuna prîs nani ba lika awala bîla lila ba kat takaskata, kan Dawan lâ daukan auhbaia watla ba bâra bri kan, tasba lâwan karna ba purara.

Jasua 5:1

Jordan awala baila wala muna tani ra amorreo nani kingka nani sut, Mediterráneo kabuka lamara ba, Kenan uplika nani kingka nani ba sut sin, sturi takan ba walan, Dawan mita Jordan awala ba lâki bri kan, bara Israel luhpia nani ba awala baila wala luan ba. Baha sturka witin nani ra kasak sibrin daukan, baha mita witin nani kumi sin Israel luhpia nani ra ai mihta bukras kan.

Jasua 6:27

Dawan bui Jasua ra tâ baikan, bara witin wark daukan sturka ba baha tasbaya aiska ra upla sut walan.

Jasua 9:7

Israel luhpia nani bui heveo nani ra pana win: —Man nani ba naura yang nani tawanki lamara iwisma baku mai kaikisna; ¿bara yang nani nahki man nani wal lâ daukamna?